الموضوع: مشكلة عند تفويل العربية

المشاركة الأصلية كتبت بواسطة hmpaca

ظهرت معايا مشكلة بعد كل تفويلة وبعد سرعة 85 ك العربية بتنتش واكنى ضربت فرامل ورجلى على دواسة البنزين ومافيش استجابة الابعد التنتيشة ولحظت ده بعد كل ما افول العربية قلت البنزينة ا والبنزين مخشوش على الرغم انى نادر لما اغير البنزينة الى بفول منها كل مرة تكرر معايا الموضوع ده 4 مرات حتى الان مع العلم انى رجعت للبنزينة الى بفول منها كل مرة فهل دة مشكلة بنزين ولا خايف يكون مشكلة فى طرمبة البنزين او بوجيهات مش عارف الرجاء من الاخوة الاعضاء الافادة وشكرا ملحوظة لما مواشر عداد البنزين يكون فى النصف او قبل الاخر شرطتين الحمر التنتيشة بتروح

اولا ح نستبعد الطلمبة مؤقتا علشان مبدئيا لو الطلمبة بتخرف ح تخرف على طول دى حاجة الحاجة التانية لما التنك يكون مليان الهد على الطلمبة بيكون اقل من لو التنك فاضى حضرتك بتقول بعد ال 85 يعنى لما بيعلى سحب البنزين على السرعات العالية.
طيب ما تشوف فلتر البنزين أخر مرة غيرته امتى وعامل كام كيلو متر يمكن يكون تصريفه ضعيف او مسدود جزئيا.
الفكرة التانية ان يكون عندك مية ف التنك.
لكن رأيى خلينا ف الفكرة الاولى مبدئيا.
الفلتر حتى لو جديد فكه و فضى البنزين اللى فيه ف كوباية زجاج وشوف فيه ميه ولا وساخة من البنزين وانفخ فيه وشوفه سالك ولا لأ.
الفكرة الثالثة ان يكون تنفيس التنك مسدود وبيعمل فاكيوم ف بيقل سحب البنزين ولما يكون التنك فاضى ما بيبانش لاتساع الحيز.
والله الموفق.