فكرة رائعة و ربما غير مهمة

**Sharky** · 30-04-2007 10:42 AM

السلام عليكم

روعة الفكرة أنها تحل مشكلة العديد من أماكن الانتظار الكبيرة، و بأسلوب تقني بسيط للغاية لكنه مفيد جداً في بعض الحالات، و تتلخص في أن بوابة دخول مكان الانتظار (Parking) الإلكترونية تطلب من السائق - قبل أن تعطيه الكارت- موعد خروجه المنتظر

فإذا ما حدد الساعة تقريبياً أرشدته إلى الوقوف خلف سيارة معينة في صف معين ينتظر أن تخرج قبله بقليل، و هو ما يوفر مساحة قدرها 40% تقريباً كانت تستهلك في الشوارع الداخلية الخاصة بأماكن الانتظار الكبيرة، إذ سوف لن تكون هناك حاجة لها هنا بسبب كونها هي نفس صف الانتظار.

لكننا نرى بوضوح أنها لا تهمنا في مصر بالمرة، و الأسباب لذلك كثيرة، منها على سبيل المثال:

- عدم الالتزام بالمواعيد مطلقاً، و هي صفة تكاد تلازم معظم أفراد شعبنا الغالي..!!

- مهارة السايس الموجود في معظم الأماكن الحساسة و المزدحمة، و رخص تكاليفه، فهو غالباً ما يطلب فقط ربع جنيه من كل سائق

- و أخيراً ربما عدم وجود أماكن انتظار أساساً في معظم الأحياء..!

**baher** · 30-04-2007 03:48 PM

مهارة السايس الموجود في معظم الأماكن الحساسة و المزدحمة، و رخص تكاليفه، فهو غالباً ما يطلب فقط ربع جنيه من كل سائق

متهيألي ممكن يرميه لو اديتوا ربع جنيه :lol:

**PAYOO** · 30-04-2007 04:00 PM

المشاركة الأصلية كتبت بواسطة sharky

السلام عليكم

روعة الفكرة أنها تحل مشكلة العديد من أماكن الانتظار الكبيرة، و بأسلوب تقني بسيط للغاية لكنه مفيد جداً في بعض الحالات، و تتلخص في أن بوابة دخول مكان الانتظار (Parking) الإلكترونية تطلب من السائق - قبل أن تعطيه الكارت- موعد خروجه المنتظر

فإذا ما حدد الساعة تقريبياً أرشدته إلى الوقوف خلف سيارة معينة في صف معين ينتظر أن تخرج قبله بقليل، و هو ما يوفر مساحة قدرها 40% تقريباً كانت تستهلك في الشوارع الداخلية الخاصة بأماكن الانتظار الكبيرة، إذ سوف لن تكون هناك حاجة لها هنا بسبب كونها هي نفس صف الانتظار.

سؤال من فضلك يا شاركي
ومين هايحرك العربيه المنتظره لكي تدخل بعد خروج العربيه المركونه ؟ أم أن المنتظر عليه أن يبقى في سيارته حتى مجيئ صاحب السياره المركونه حسب الميعاد المُـقدر منه ؟

لكننا نرى بوضوح أنها لا تهمنا في مصر بالمرة، و الأسباب لذلك كثيرة، منها على سبيل المثال:

- عدم الالتزام بالمواعيد مطلقاً، و هي صفة تكاد تلازم معظم أفراد شعبنا الغالي..!!

يا راجل احنا أكبر من كده بكتير وقت أيه إللي نقدره هوه أحنا لا سمح الله دوله متقدمه وللا حاجه ؟

- مهارة السايس الموجود في معظم الأماكن الحساسة و المزدحمة، و رخص تكاليفه، فهو غالباً ما يطلب فقط ربع جنيه من كل سائق

أنت أكيد مش عايش في مصر .... السايس إللي أنت بتقول عليه ده لو في منطقه متوسطه حتى (باب اللوق مثلا) هايرمي الربع جنيه في لا مؤاخذه وش إللي هايدهوله ده غير الكلام الأبيح إللي هايسمعه

- و أخيراً ربما عدم وجود أماكن انتظار أساساً في معظم الأحياء..!

أنا باتمنى إن كل عماره تتبني يشترط أن يكون تحتها جراج ويكون الشرط ده شرط أساسي للتصريح بالبناء

**Sharky** · 30-04-2007 04:57 PM

السلام عليكم

يا باشا اللى حيحرك العربية الراجل المشرف على الجراج :lol:
و هو دا اللى حنيديلوا ربع جنيه :lol:

**samirpop2** · 30-04-2007 08:05 PM

يا جماعه انا شغلي في شارع شامبليون في وسط البلد وشايف السياس بيعملو ايه دول بيطلوبو الفلوس بنفسهم يعني انت لو هتنتظر ساعه ياخد 3 جنيه اكتر من كده مفيش اقل من ال خمسه جنيه