الموضوع: برجله في العربيه .. أيدل و لا طرمبه و لا رشاشات ؟

السلام عليكم
ربنا معاك بجد مشكلة غريبة
بص يا باشا
دى مشكلة شبيهه باللى حصلك
جربها ومش حتخسر حاجة
مع العلم أنى معايا لانوس 1 أتوماتيك موديل 99
أنا كنت ماشى بسرعة
وفجأة العربية دخنت والسرعة نزلت خالص
أدوس مافيش دوس
لحد ما السرعة تنزل خالص أدوس تمشى
وفجأة العربية بقت تبطل وأنا ماشى
أقف وأدور تدور
أدوس بنزين تبطل وما تتحركش
عملت كل حاجة ممكنة
وفى الاخر طلع حساس الشكمان
حتلاقيه فى جسم الفرن
الفيشة بتاعته خضراء
شيل الفيشة وبطل ودور عشان تتأكد أنه منه
لأنه بيوطى الأر بى أم تحت 1
ولو العربية تحت الواحد لازم تبطل
عاوز تجربها
دوس بنزين شعره بسيطه لحد الأر بى أم ما يعدى الواحد ما تكبسش بنزين
حتلاقى العربية ما بطلتش ومشيت
أو
خلى الفتيس على n وزود بنزين لحد الأر بى أم ما يعدى الواحد
بعدها أنقل على d4 حتلاقى العربية مشيت
والله أعلم

شباب .. بعد ما عملت إختبار علي الرشاشات و فكيت فيش الرشاشات فيشه فيشه قولت أشوف أنهي فيشه لو فكيتها العربيه هتتبرجل اكتر .. وانهي فيشه لو فكيتها مش هتأثر خالص
لقيت كل الرشاشات اول لما افك الفيشه بتاعتهم العربيه تترج وليهم تأثير .. يبقوا شغالين ..
ولقيت بقي الرشاش التاني من ناحيه الكاتينه فاصل .. لما فكيت الفيشه بتاعته لقيت الحياه عادي
قبل الفك زي بعد الفك .. يبقي بالتأكيد العيب منه

دلوقتي العربيه عند الميكانيكي .. و هو مصمم ان العربيه جايبه صباب ..

وبعد إذنكم عشان اكون فاهم محتاج حد يجاوبني علي الاسئله دي

1 - ( بفرض يعني ان العربيه جايبه صباب ) هل ده معناه ان الرشاش بتاع الصباب
ده مش هيشتغل ؟ مش هيضخ بنزين يعني ؟؟؟
و بعباره تانيه .. لما انا شيلت الفيشه بتاعت الرشاش اللي مش شغال ده
والعربيه دايره وما حسيتش بفرق خالص ولا رجه ولا حاجه خالص ..
ده معناه ان الرشاش مش شغال فعلا ( العيب منه هو شخصيا ) .. ولا بسبب ان العربيه جايبه صباب
فهو ده اللي مانع الرشاش انه يشتغل ؟؟؟ يعني الصباب هو السبب مع ان الرشاش سليم ؟؟؟؟؟

2 - لو مش عيب صباب ... هل كده أنا محتاج أغير طقم الرشاشات كله .. ؟
ولا أجيب رشاش واحد بس بدل اللي فاصل ده ؟
واجيب انهي نوع ؟

3 - سعر الرشاش استيراد هيكون في حدود كام ؟

فكينا الرشاش وبدلنا مكانه .. اشتغل في المكان التاني ..
والرشاش اللي كان شغال لما جه المكان الجديد ما اشتغلشي
ده يبقي معناه ايه ؟؟

ممكن الفيشة بتاعت المكان ده عطلانة ومش موصله للرشاش

المشاركة الأصلية كتبت بواسطة tarek_2005

دا صباب معلق

والله يكون في عونك بس الميكانيكي ده مترحلهوش تاني واسحب العربية من عنده
مفيش ميكانيكي في الدنيا تجيله عربية كاسرة كامة وميغيرش طرمبة الزيت

عربيتك عايزة طقم صباب واويل سيلاته وروديه وقواعد ودلايل طبعاً ودول تكلفتهم في حدود من 500 الي 750 جم وطرمبة زيت
غير كدا يبقي اشتغالات وفتح شغل

الله ينور عليك يا طارق بك ... انت جبت الخلاااصه
انا هتعكز عليها الشهر ده .. وعملها لها عمره الشهر اللي جاي ان شاء الله
عشان الموتور خفيف زي ما انا كنت قايل ..

بس سؤالي لحضرتك .. الصباب اللي معلق ده او اتعوج هيكون له تأثير اكتر من كده لو مشيت عليه الشهر ده كمان ؟؟؟ ولا هي برجله العربيه وانها تبطل لما اهي او اقف وبس ؟؟؟؟؟