برجله في العربيه .. أيدل و لا طرمبه و لا رشاشات ؟

**ekotta** · 12-05-2014 09:53 AM

صباح الفل علي عيونكم شباب ..
عندي مشكله كده وحابب آخد رأي عتاوله المنتدي فيها ..

عاوز اقول لكم ملخص سريع للي حصل .. عربيتي لانوس 99 أوتوماتيك المدفع الكبير الموتور خفيف وناوي له علي عمره ان شاء الله علي شهر 7
من شهر تقريبا كده .. كنت واخد مشوار عادي من البيت للشغل حوالي 25 كيلو والعربيه تمام ..
السحب جميل والدنيا حلوه .. والمفروض اني اهدي خالص عشان اخد مطب قدام الشركه قبل ما أركن
لقيت العربيه إترعشت و الـ rpm وطي خالص .. وبطلت قبل المطب ..
دورتها دارت .. وجيت أركن جنب الرصيف اول لما دوست فرامل برضو إترعشت و الـ rpm وطي خالص .. وبطلت ..
دورت تاني وجيت مارشدير فيه رعشه ورجه جامده وبرضو بطلت ..

وانا مروح بقي في نفس اليوم بطلت برضو 3 مرات .. كنت بسيبها دقيقه ولا اتنين وادورها تدور
بس فجأه حتي وانا دايس علي بدال البنزين ألاقيها اترجت جامد
والـ rpm نزل والعربيه تقف ..
فضلا أساسيها في اليوم ده ووصلت البيت ..
تاني يوم الصبح دورتها دارت .. وطالع في امان الله لسه مفيش 3 كيلو
وراحت برضو اترجت واترعشت .. وراحت مبطله
وراسها والف سيف ما هي شغاله تاني ..
يهديكي يرضيكي .. ابدا ..
وديتها للميكانيكي اللي بتعامل معاه لقاها كسرت كامه ..
عاوزين كامه يا باشا .. حاضر
جبتها بـ 600 جنيه من الحرفيين بالبلوك اللي بتركب فيها وخزنه الزيت ..
ركبناها .. وتمام دارت العربيه ...
العربيه فيها رعشه وهي واقفه لسه ما اتحركتش ..
ونفس المشكله اللي كانت قبل كسر الكامه موجوده برضو بعد تركيبها
( انا عارف ان الكامه مالهاش دعوه وكسرها ده ممكن يكون نتيجه
مش سبب )
المهم اخونا الميكانيكي قال لي كده يبقي موتور طرميه البنزين
( مع العلم اني كنت جايب واحده ماركه بوش من الحرفيين بـ 150 من شهرين ) ..
ماشي غير يا عم .. غيرناها .. لسه برضو العربيه واطيه وبترعش وبتبطل .. طب ايه ؟؟؟؟
يبقي محتاجين ننضف الايدل .. فكيت انا الايدل ونضفته كويس وفكيت العمه ونضفت البوابه كويسه
وركبت كل حاجه .. دورت .. دارت .. وبرضو وهي واقفه مبرجله والـ rpm بيعلي ويوطي لوحده

خلاص يبقي الرشاشات .. طب عاوزين نجيب رشاش .. حاضر جاب لي رشاش من عنده وجربه
وقال لي انت عندك رشاش كان بايظ .. ماشي كده ظبطت يعني يا اسطي .. آه ظبطت بس هيبقي فيه رعشه خفيفه وهي واقفه ..
اصلي انا شاكك انها جايبه صباب ..

دلوقتي العربيه زي ما هي بتترعش ومبرجله والـ rpm بيوطي خالص .. وفيه تفتفه من ديل الشكمان
وعلي السرعات العاليه في الطرق المفتوحه الدائري مثلا .. عروسه .. كل حاجه تمام السحب كويس .. وزي الفل
حظي بقي يوقعني في اشاره مرور ولا زحمه واضطر اهدي عشان اقف ألاقيها رجعت اترعشت
وتروح مبطله .. ولما اركن برضو ولا اجيب مارشدير نفس القصه .. رجه وبرجله وتبطل

هي عربيتي مالها يا شباب ؟؟ افيدوني جزاكم الله كل خير

**Amr Elshamy** · 12-05-2014 10:19 AM

المشاركة الأصلية كتبت بواسطة ekotta

صباح الفل علي عيونكم شباب ..
عندي مشكله كده وحابب آخد رأي عتاوله المنتدي فيها ..

عاوز اقول لكم ملخص سريع للي حصل .. عربيتي لانوس 99 أوتوماتيك المدفع الكبير الموتور خفيف وناوي له علي عمره ان شاء الله علي شهر 7
من شهر تقريبا كده .. كنت واخد مشوار عادي من البيت للشغل حوالي 25 كيلو والعربيه تمام ..
السحب جميل والدنيا حلوه .. والمفروض اني اهدي خالص عشان اخد مطب قدام الشركه قبل ما أركن
لقيت العربيه إترعشت و الـ rpm وطي خالص .. وبطلت قبل المطب ..
دورتها دارت .. وجيت أركن جنب الرصيف اول لما دوست فرامل برضو إترعشت و الـ rpm وطي خالص .. وبطلت ..
دورت تاني وجيت مارشدير فيه رعشه ورجه جامده وبرضو بطلت ..

وانا مروح بقي في نفس اليوم بطلت برضو 3 مرات .. كنت بسيبها دقيقه ولا اتنين وادورها تدور
بس فجأه حتي وانا دايس علي بدال البنزين ألاقيها اترجت جامد
والـ rpm نزل والعربيه تقف ..
فضلا أساسيها في اليوم ده ووصلت البيت ..
تاني يوم الصبح دورتها دارت .. وطالع في امان الله لسه مفيش 3 كيلو
وراحت برضو اترجت واترعشت .. وراحت مبطله
وراسها والف سيف ما هي شغاله تاني ..
يهديكي يرضيكي .. ابدا ..
وديتها للميكانيكي اللي بتعامل معاه لقاها كسرت كامه ..
عاوزين كامه يا باشا .. حاضر
جبتها بـ 600 جنيه من الحرفيين بالبلوك اللي بتركب فيها وخزنه الزيت ..
ركبناها .. وتمام دارت العربيه ...
العربيه فيها رعشه وهي واقفه لسه ما اتحركتش ..
ونفس المشكله اللي كانت قبل كسر الكامه موجوده برضو بعد تركيبها
( انا عارف ان الكامه مالهاش دعوه وكسرها ده ممكن يكون نتيجه
مش سبب )
المهم اخونا الميكانيكي قال لي كده يبقي موتور طرميه البنزين
( مع العلم اني كنت جايب واحده ماركه بوش من الحرفيين بـ 150 من شهرين ) ..
ماشي غير يا عم .. غيرناها .. لسه برضو العربيه واطيه وبترعش وبتبطل .. طب ايه ؟؟؟؟
يبقي محتاجين ننضف الايدل .. فكيت انا الايدل ونضفته كويس وفكيت العمه ونضفت البوابه كويسه
وركبت كل حاجه .. دورت .. دارت .. وبرضو وهي واقفه مبرجله والـ rpm بيعلي ويوطي لوحده

خلاص يبقي الرشاشات .. طب عاوزين نجيب رشاش .. حاضر جاب لي رشاش من عنده وجربه
وقال لي انت عندك رشاش كان بايظ .. ماشي كده ظبطت يعني يا اسطي .. آه ظبطت بس هيبقي فيه رعشه خفيفه وهي واقفه ..
اصلي انا شاكك انها جايبه صباب ..

دلوقتي العربيه زي ما هي بتترعش ومبرجله والـ rpm بيوطي خالص .. وفيه تفتفه من ديل الشكمان
وعلي السرعات العاليه في الطرق المفتوحه الدائري مثلا .. عروسه .. كل حاجه تمام السحب كويس .. وزي الفل
حظي بقي يوقعني في اشاره مرور ولا زحمه واضطر اهدي عشان اقف ألاقيها رجعت اترعشت
وتروح مبطله .. ولما اركن برضو ولا اجيب مارشدير نفس القصه .. رجه وبرجله وتبطل

هي عربيتي مالها يا شباب ؟؟ افيدوني جزاكم الله كل خير

بص يا باشا ممكن يكون دي اعراض تلف حساس ايدل
او عيب فى سيرفو الفرامل
وهل اتأكدت من مستوي زيت الفتيس ؟!!

**a_mohamedsamir** · 12-05-2014 10:46 AM

فلتر البنزين و البوچيهات و كبلاتها اخبارهم ايه ؟
راجع عليهم

**ekotta** · 12-05-2014 11:18 AM

المشاركة الأصلية كتبت بواسطة Amr Elshamy

بص يا باشا ممكن يكون دي اعراض تلف حساس ايدل
او عيب فى سيرفو الفرامل
وهل اتأكدت من مستوي زيت الفتيس ؟!!

حساس الأيدل انا نضفته تاني إمبارح ..
وعلي فرض ان العيب منه .. اتأكد إزاي ؟ فيه اختبار بيتعمل مثلا ؟
انا فاكر اني لما نضفته مره كان لما بفتح الكونتاكت الرأس بتاعته بتتحرك لبره ولجوه عادي .. بس بحس انه كسلان شويه .. بطيء في حركته .. رأيك آخد حساس تاني اجربه ؟؟؟؟

اما سيرفو الفرامل .. تفتكر اول لما ادور العربيه وهي لسه واقفه ما اتحركتش وبرضو بترعش وتترج والـ rpm بيوطي تحت الواحد ويطلع يترفع لوحده ويفضل يلاعبني طالع نازل السيرفو له علاقه بكده من قبل ما العربيه تتحرك حتي ؟؟

اما زيت الفتيس ففعلا من حوالي 5 ايام كده زودته 3 علب .. فهو مش ناقص .. ولقيت خرطوم الفايظ مطرطش حبه زيت زياده

**ekotta** · 12-05-2014 11:24 AM

المشاركة الأصلية كتبت بواسطة a_mohamedsamir

فلتر البنزين و البوچيهات و كبلاتها اخبارهم ايه ؟
راجع عليهم

الفلتر مغيره من شهرين تقريبا .. والبوجيهات جبتهم engk من شهر بالظبط والعربيه مش بتتأخر في الدواره بتدور من اول مره ..
اما أسلاك البوجيهات فدي بقي لها 5 شهور تقريبا ..

بس سؤالي لحضرتك .. هي ايه الاختبارات اللي اعملها عشان اعرف ان العيب فعلا ممكن يكون من فلتر بنزين مضرروب أو ان سلوك البوجيهات بتهرب مثلا او محتاجه تتغير ؟؟؟؟

**عمرولبيب** · 12-05-2014 01:39 PM

نضف الحساس صح .. وغير بوجيهات وشوف الموبينه وسلوك البوجيهات نظامهم ايه .. ونضف البوابه وربنا معاك .. غير كدايبقى فيه حاجه غريبه

**ekotta** · 12-05-2014 03:53 PM

المشاركة الأصلية كتبت بواسطة عمرولبيب

نضف الحساس صح .. وغير بوجيهات وشوف الموبينه وسلوك البوجيهات نظامهم ايه .. ونضف البوابه وربنا معاك .. غير كدايبقى فيه حاجه غريبه

طيب ولو العربيه جايبه صباب .. يعمل كده برضو ؟؟

**lutenit030** · 12-05-2014 08:14 PM

ابعد عن الميكانيكى اللى عمال يخليك تشترى حجات منغير ما يكلف خاطرة يشوف الحاجه محتاجه تتغير فعلا ولا لأ

عشان تكشف على البوجيهات و الكابلات و كده
و العربيه دايرة شيل سلك بوجيه فى المره و الواحده و حااااسب تتكهرب، شوف مدى تاثيره قد ايه يعنى لما بتشيله تحس ان المكنه برجلت شويه يبقى هو كويس و ليه تاثير لو كلهم تاثيرهم متساوى يبقى الكابلات و البوجيهات و الصبابات كلهم تمام
لو لقيت فى كابلات بتشيلها و مفيش تاثير جرب بدل الكابلات و شوف العيب بيتنقل ولا لأ و بعدين جرب بدل بوجيهات و لو مع التباديل ديه كلها و لسه فيه مشكله فى نفس السلندر و تكون واثق ان البوجيه اللى راكب فى السلندر ده كان شغال كويس فى سلنجر تانى يبقى ممكن المشكله صباب

**moko_2004** · 13-05-2014 02:25 AM

انا ردودى هتكون مختلفة عن الشباب لان انا عانيت مع اعراض مشابهه
اولا تراجع على الموبينة
ثانيا البويجيهات و الكابلات
طريقة الكشف مفك عادة وتدخلة في الكابل و تقربة من جسم المكنة وتشوف الشرارة وقوتها لو قوية واضحة يبقى الموبينة تمام و الكابل دة تمام نركبة و نجرب على كابل تانى و نكرر العملية لحد ما نكشف عليهم كلهم
لان لو الكهربا خارجه وحشة هتعمل برجلة
ثالثا حساس الماف اللى في صدر العربية وواصل بخرطوم لما بيعطل بيعمل العيب دة بيخلى العربية تبطل وهيا ماشية وتبرجل جامد على السلانسية
رابعا تجرب تجربة تفصل حساس ال tps وهو كبل صغير 3 اطراف موجود تحت حساس الايديل و تمشي بالعربية لو اتحسن السحب يبقى العيب منة
خامسا طريقة الكشف على حساس الكرنك تفصل كابلين من الموبينة جنب بعض من ناحية الموبينة نفسها و تشوف هل الشرارة بتقفز ما بينهم ولا لأه
و اخير متعملش عمرة ابقى غير المكنة بشورت بلوك او مكنة نوبيرا 2 كامة 1500 هتتبسط منها جدا جدا

واخيرا التجارب على قطع مش جديدة قطع من عند المكانيكي و ثم تغير ما يلزم تغييرة منعا للتكاليف الزايدة عن الحاجة

**ekotta** · 13-05-2014 08:22 AM

صباح الفل علي شباب المنتدي .. جزي الله الشباب اللي تكرمت بالرد عليا كل خير ..

عملت تجربتين النهارده الصبح قبل ما اتحرك بالعربيه .. دورت العربيه وعملت الآتي :

1 - إختبار علي سلوك البوجيهات .. شلتهم واحد واحد من الموبينه لقيت
الأربعه كويسين وكل واحد لما اتشال عمل رجه جامده في العربيه كأنها هتبطل ..
وده دليل ان الاربعه بوجيهات سليمه

2 - إختبار علي الرشاشات .. فكيت فيش الرشاشات فيشه فيشه قولت أشوف أنهي فيشه لو فكيتها العربيه هتتبرجل اكتر .. وانهي فيشه لو فكيتها مش هتأثر خالص
لقيت كل الرشاشات اول لما افك الفيشه بتاعتهم العربيه تترج وليهم تأثير .. يبقوا شغالين ..
ولقيت بقي الرشاش التاني من ناحيه الكاتينه فاصل .. لما فكيت الفيشه بتاعته لقيت الحياه عادي
قبل الفك زي بعد الفك .. يبقي بالتأكيد العيب منه

سؤالي لحضراتكم .. كده أنا محتاج أغير طقم الرشاشات كله .. ؟
ولا أجيب رشاش واحد بس بدل اللي فاصل ده ؟
واجيب انهي نوع ؟
ويا ريت حد يقول لي سعر الرشاش استيراد هيكون في حدود كام ؟

الف شكر شباب .