ايه رايكم يا جماعة فى الفلشيا فى ناس شكرتلى فيها و ناس تانية بتقولى انها مش حلوة و مشاكلها كتير و كمان جودة تصنيعها و حاجاتها مش كويسة قوى
افيدونى بآراكم
عرض للطباعة
ايه رايكم يا جماعة فى الفلشيا فى ناس شكرتلى فيها و ناس تانية بتقولى انها مش حلوة و مشاكلها كتير و كمان جودة تصنيعها و حاجاتها مش كويسة قوى
افيدونى بآراكم
لو جاد وعاوز تعرف الفليشيا
أدخل القسم وتجول بين موضوعاته وكون فكرتك عن العربية ..
أنا عملت كدة لما قررت اشتري فليشيا
انا بعمل كدة فعلا بس انا حبيت اعرف راى الناس مباشرا بدون موضوع محدد و مشكلة محددة
سلام عليكم
انا مشترى العربيه فى شهر 12 اللى فات وعربيه حمالة أسيه زى ما بيقولو وحاجاتها متوفره واسعارها معقوله وفى المتناول وعربيه عمليه جدا معايا ودايما بسافر بيها مسافات بعيده يوميا 200 كيلو رايح جاى طبعا فى متانة العربيه وحاجاتها طبعا اللى يجرب العربيات الالمانى هيحس بدا كويس بالنسبه لصاجها وكده متين عن باقى العربيات وانا شايفها عربيه محترمه جدااااااااااااااااااااااا اااااااااااااا
الخلاصة العربية مميزات وعيوب
المميزات
صاج تقيل ومتين
شاسية جامد
صالون واسع
طابلوة شيك
كراسي مريحة
شنطة معقولة
ثبات غير طبيعي على الارض
كل دة طبعا بالنسبة لاي عربية فى نفس فئتها السعرية
تعالي للعيوب
واطية نسبيا علي الارض
عفشة ناشفة
تصارع بطيئ ((( يعني من صفر الى 100 كيلو/ساعة فى وقت اطول من عربيات كتير )))
دة اللى متجمع فى دماغي دلوقتي
تقبل تحياتي
عربيه جميله جدا جدا جدا
بس ربنا يوفقك في حاجه نضيفه ..
انا شفت واحده من شهر في السوق موديل ٩٦ لسه خارجه من المصنع
انا مش هاقول مميزات وعيوب علشان ميبقاش تحيز بس هاقولك لو نويت عليها اعمل استخارة ودور على عربية متكونش متهانة وحط تحت كلمة متهانة مليوووووووووون خط علشان متكرهش اليوم اللى اشتريت فيه العربية وبالتوفيق
الفلوس بتحكم فى الاول والاخر. اذا كانت فلوسك اخرها 35 الف فمن غير شك سكودا فليشيا تكسب اى عربية تانية
بصراحة يسلم كل اعضاء المنتدى بجد ناس تشرف و منتظر المزيد من الردود يا رجاله
الفيليشيا حبيبة قلبي ... هو انا حببني في الاسكودا غير الفيليشيا ؟؟؟؟!!!!
كان معايا واحده 95 كنت بحمل الشنطة طوب احمر واسمنت وسيراميك وعمرها ما اشتكت
رحت بيها القاهرة في فرح اخويا انا واربعه غيري مجموع اوزاننا كان اكتر من 500 كيلو وماشتكيتش
استاذي الفاضل توكل علي الله بس مهم تكون عربية حالتها كويسة