اول حادث لي بالسعودية - تجربة صدمتنى
السلام عليكم
امبارح بالليل واحد عدى على شمالي بسرعة عالية جدا والمكان مش كفاية عليه
المهم المرايتين خبطوا في بعض واتكسروا
المهم نزلت بقى وقلت هتخانق ونضرب ونشتم وفي الاخر كل واحد بشيتله
:stink[1]:
ايه ده انا في السعودية
:vctry:
نزلت لقيت الراجل بيسلم علي وقالي معلش كنت مستعجل علشان متأخر على الشغل
قلتله خلاص هنتصل بنجم
مين نجم ده يا شباب ؟
نجم هي شركة خاصة تحت اشراف حكومي وظيفتها لما يحصل حادث بتتصل بيهم كل دورهم معاينة الحادث وعمل تقارير الحادث وتحديد نسب الخطأ على الطرفين
الشركة دي اتعملت لما بقى في ضغط كبير على دوريات المرور نفسها وتسهيلا للاجراءات واختصارا للوقت
نرجع للموضوع
جات عربية نجم خلال 15 دقيقة تقريبا واتبعتلي رسالة على الموبايل برقم البلاغ وجملة حمد لله على السلامة
نزل الموظف معاه كاميرا وهات يا صور لكل مكان في كل عربية وصور الورق والمستندات الخاصة بالسائقين
وراح مديني ورقة ان نسبة التحمل بتاعتي صفر % وقالي الصبح تروح المرور تطلع ورقة اصلاح
يعني ايه ورقة اصلاح ؟
في السعودية عموما ممنوع اي ورشة تستقبل صيانة عربيات سمكرة ودوكو بدون تقرير اصلاح من المرورطبعا ده بيتعمل بناء على بلاغ عن حادث او خلافه
بعد لما اطلع ورقة الاصلاح اروح 3 ورش اخد منهم عرض اسعار معتمد واروح فورا لشركة تأمين اللطرف المدان وفورا استلم شيك بقيمة الاصلاحات باسمي اروح اصرفه من البنك واصلح العربية
في حالتي انا علشان العربية قسط عليها تأمين شامل فبيختصر علي موضوع اني اطالب شركة تأمين الطرف المدان والتوكيل هو اللي بيخلص الموضوع ده
بعد كده اروح احط العربية في التوكيل للصيانة
والعربية تتصلح ودمتم