عايز اصلح ساعة سواتش

**A.Saad** · 12-05-2014 12:27 PM

عايز اصلح ساعة سواتش
الاستيك فيه جزء كان اتشال منه ومش لاقيه
وحاليا الاستيك ضيق على ايدى
فعايز ساعاتى كويس غير التوكيل
ياريت قريب من المهندسين والدقى

**A.Saad** · 13-05-2014 08:53 AM

شاكر لحضرتك جدا
ده صورة الاستيك عندى
فهل الجزء اللى عند حضرتك هيناسبه ولا لا ؟

وفى انتظار رد باقى الاعضاء تحسباً لو الجزء ده مش نافع

**svneleven** · 13-05-2014 09:55 AM

المشاركة الأصلية كتبت بواسطة boomboomzoro

السلام عليكم
عندي ساعه سواتش قديمه و إستيك معدن في كاوتش شيلته من ساعه سواتش علشان كنت غيرت الأستيك بالكامل
لو فيه قطعه منهم تفي بالغرض ممكن حضرتك تشوفها و تاخدها بدون مقابل لأنها مش لزماني
عذرا أنا بره القاهره و هأجي أول الشهر إن شاء الله لو حضرتك تقدر تستني
جزاكم الله خيرا
محمد شرقاوي

ماليش علاقة بالموضوع لكن اسمحلي أشكرك علي ذوقك.

**boomboomzoro** · 13-05-2014 10:03 AM

المشاركة الأصلية كتبت بواسطة svneleven

ماليش علاقة بالموضوع لكن اسمحلي أشكرك علي ذوقك.

السلام عليكم

أنا بصراحه بحس إن المكان هنا أسره واحده يسوده الإحترام و التفاهم
كثيرا ما إستفدت بمعلومات و نصائح قيمه و وجدتها فرصه أخيرا لأصبح مفيدا

شكرا لذوق حضرتك و جزاكم الله خيرا

**A.Saad** · 13-05-2014 10:25 AM

المشاركة الأصلية كتبت بواسطة boomboomzoro

السلام عليكم
الشكل تمام زي اللي عندي
بس الأبعاد مش متأكد بصراحه

ممكن أسيب لحضرتك الحاجه مع حارس العقار عندي في حدائق الأهرام أو أول الهرم في بيت العيله و حضرتك مشكورا ممكن تروح تشوفها لو ناسبت حضرتك تاخدها...و عذرا كمان مره لأني خارج القاهره

منتظر رد حضرتك لو موافق علشان أبعتلك الحاجه و نتفق علي الميعاد و العنوان

جزاكم الله خيرا و بالتوفيق

مش عارف اقول ايه على ذوقك وتعاونك
بس انا هافضل تأجيل المقابلة لحد ما تييجى بالسلامة ان شاء الله
علشان يكون لى الشرف انى اشوف حضرتك واقابلك
متشكر جداً جداً على اهتمامك

**Ahmed abdkarim** · 13-05-2014 12:22 PM

معلش انا أسف أنا بسحب عرضى . مش حقدر ادى لحضرتك جزء من الاستيك و ده بعد لما قريت بعض مشاركات حضرتك السابقة . وانت بتتهم اى معارض انه اخوان و تفويض حضرتك لقتل المعارضين .

**M R. Z E C O** · 13-05-2014 12:40 PM

المشاركة الأصلية كتبت بواسطة ahmed abdkarim

معلش انا أسف أنا بسحب عرضى . مش حقدر ادى لحضرتك جزء من الاستيك و ده بعد لما قريت بعض مشاركات حضرتك السابقة . وانت بتتهم اى معارض انه اخوان و تفويض حضرتك لقتل المعارضين .

معلش يا استاذ احمد ربطك للراي السياسي فموضوع شخصي ومساعدة انسان بينم عن حجات كتير اوي كنا نتمنا اننا منشفهاش فمصر ولا فالمنتدى