إن لي ههنا ما لا يصفه كلام
إن لي آمال وتطلعات وأحلام
فلقلبي هنا ما ليس لأحد غيري
فلا ألام ما توجهت إليه بسيري
يكفي ان فيه طناني وأحمد فهمي
وفادي الكريم اكرم به من شهم
فلا يضيرني إن كنت بين الأحبة
نقتسم المودة الصافية والمحبة
عرض للطباعة
احنا معاك في اي حته و حبايبك " طناني , فادي , أحمد " مع حفظ الالقاب اكيد بيدخلو العام
وهناك اكيد هتلاقي ناس تدخل قلبك بردو , ناس طيبين أوي يا خال :)
انا بس حابب المواضيع تبقي في مكانها الصح مش اكتر
و المواضيع او المشاكل الخاصه ب أوبل تبقي هنا في قسم أوبل
دا اقتراح لحضرتك و في الاخر تعمل اللي يريحك
http://nileup.com/up/uploads/nilemotors_13992120732.jpg
ده اسمه اتوماتيك المارش
طيب إيه مكوناته وإيه أعطاله
لو فكيناه (هنفك المسمار اللي براس مفك اللي قدام الصابع في الصورة ومسمار تاني قباله) وكمان هنفك الصامولة اللي ماسكة الشيلد النحاس اللي داخل المارش
هنلاقي جواه
++++ غويشتين نحاس واحدة منهم مقسومة نصين وكل نص منها واصل بمسمار من الكبار اللي في الظهر اللي فكينا منهم الاسلاك
دول وظيفتهم إنهم مفتاح بيوصل الكهرباء للمارش علشان يشغله
مظهر عطلهم إنك تسمع تكتكة المارش من غير ما يدور وتلاقي نور التابلوه مش بيضعف
العطل بيكون فيه وساخة عليهم أو كبرتة أو تآكل
الوساخة والكبرتة علاجها الغسيل بالفرشة والصنفرة الناعمة
التآكل لو قليل ممكن تخشينة ولكن ينصح بالتغيير ( مش كل يوم هنفك المارش بقى والصداع ده --- وبعدين قطع الغيار رخيصة --- الصنايعية هما اللي بقوا رجال أعمال تخصص مص دم)
طيب ايه بقى اللي بيخلي الغويشة دي توصل وتفصل
دا عبارة عن اسطوانة حديد شبه السرنجة بس بوزها طويل
وجسم الاتوماتيك دا من جوة فيه ملفات سلك لما توصلها كهرباء تبقى مغناطيس كهربي تشد القلب ( اللي شبه السرنجة)
القلب ده بيشد دراع بتعشق ترس البنيون ( البندكس) في ترس الفلام وفي نفس الوقت القلب ده بيضغط على الغويشة علشان توصل الكهرباء للمارش علشان يدور ويدور العربية
الملف الكهربي دا لو اتحرق هتلاقي كل ما تيجي تدور ولا حس ولا خبر ولا تكتكة ولا غيره
ولو وصلت المسمارين النحاس اللي في ظهر المارش ببعض تسمع صوت المارش من غير ما يلف العربية
الملف دا لو اتحرق مالوش علاج بتغيره من أي مارش تاني
مش شرط نفس نوع المارش أي أتوماتيك يركب هيؤدي الغرض ويشتغل زي الفل
نيجي بقى للمارش
المارش فيه يمين وشمال
معظم المارشات شمال
المارش اللي بيركب جنب الموتور بيبقى شمال ما عدا بعض موديلات الهوندا اللي مواتيرها بتدور عكس
المارش دا عبارة عن محرك صغير في الحجم كبير في القدرة
لو فكيته هتلاقي فيه الموبينة ودي اهم حاجة فيه
ودي صورتها
http://up2all.net/do.php?img=18609
دي اللي بتلف
تاخد بالك كويس إن الملفات سليمة مش محروقة
تاخد بالك من الجزء اللي فوق ده هتلاقيه عبارة عن خطوط نحاس جنب بعضها
أحيانا بيحصل بينها قفلة بتتنضف بسن كتر أو سكينة
وتتغسل كويس
هتلاقي بقى حاجة اسمها الشربون
دي صورة مجموعة من الشربونات اشكال مختلفة
http://up2all.net/do.php?img=18612
الشربون دا كل مهمته توصيل الكهرباء للعضو الدوار
ودا شكل التوصيل
http://up2all.net/do.php?img=18614
الشربون لو متاكل بتغير
الشربون واحد في كل الاجهزة الكهربية اللي بتدي حركة
المارش - كل المواتير - صاروخ القطع - الشنيور اللي بيفرق بس هوا شكل الشربون لكن الخامة والوظيفة واحدة
طيب الشربون بياخد كهرباء منين
لو بصيت لاول حتة في المارش بعد ما تفك هتلاقي زي الصورة دي
http://up2all.net/do.php?img=18613
دا مكان الشربون
بيكون عندك اتنين قصاد بعض
واحد كهرباء
ودا بيكون ملحوم فيه سلك الشيلد اللي جاي من أتوماتيك المارش
ولو السلك فصل المارش ما يدورش وتسمع تكتكة الاتوماتيك تلف المفتاح يتك تكة تسيبه يتك تكة
ولو السلك لمس الأرض المارش بيكون فيه قفلة
تيجي تدور تسمع تكتكة سريعة وكل انوار العربية تضعف وترعش جامد
الشربون التاني بيكون أرضي ودا بيكون واصل لجسم المارش
لو لقيت سلك فاصل أو لو هتغير الشربون لازم تلحم باستخدام مكواة لحام 100 وات أو أعلي وتسيبها تسخن جدا علشان اللحام يكون كويس ومش يفصل تاني
كل مرة هتفك فيها المارش هتغسل وتنظف وتحط شحم نوعية كويسة ويفضل شحم أبيض
التراب ممكن يخلي المارش تقيل أو خشن ودا معناه استهلاك كهربا أكتر وعمر أقصر وبطئ في الحركة ( تعتيل)