الموضوع: ميكانيكي وعفشجي لفيكترا في اسكندرية

السلام عليكم ياحبايبنا الاوبلاوية
كالعادة لما بفضي باجي جري عليكم واعذروني انا متابعكم كل يوم بدخل عشر دقايق كنت قبل ما انا اشوف المستجات في القسم وانام علي طول ههههه سامحوني كنت مضغوط في الشغل
انا بقي من يوم مااشتريت العربية ما عملتش اي حاجة غيرغيار زيت وفلتر زيت وعاوز اعملها سرفيس كامل للموتور وكمان العفشة فيها خبط جامد
ياريت تدلوني علي 3حاجات
ميكانيكي اوبل وخاصة اني عاوزه يوفلي الايه بي اس عشان مش شغال
عفشجي محترم عنده ضمير
بتوع قطع غيار جديدواستيراد
وياسلام بقي واجب من عندكمتدلوني علي بتاع تكييف بس يكون فاهم اوبل عشان التكييف شغال بس مش بيسقع
كمان في معلش لو حبيت اجيب اجزاء عفشة استيراد اعرف منين اذا كانت الفينات ولا تسعينات عشان عربيتي 2001 ولا مافيش اختلاف؟ واسعار العفشة ايه امامي وخلفي
انا عارف اني لكاك ورزل بس انتم صدركم ارحب معلش سامحوني ماهو لو طناني يريحنا ويفتحلنا فرع اليكس كنت وفرت عليكم الرزالة هههههه

المشاركة الأصلية كتبت بواسطة astra lover

باشا انا اعرف اتنين ميتخيروش عن بعض شغالين فى الميكانيكة و العفشة:
محمد ابو الحمد الراجل بيفهم فى الموتور كويس جدا بس ملهوش فى الفتيس الراجل بصراحة يحترم الى ملهوش فيه بيقول مش فتى وخلاص وهو امين ومش شماط ويجبلك كمان قطع الغيار لحد عندك سواء جديد او استيراد هو على طريق مطار النزهة بعد ماتعدى المطار فى بنزينة على ايدك اليمن فى نفس اتجاهك وانت طالع على سموحة هى اول بنزينة بعد المطار مباشرتا( موبيل)الشارع الى قبليها خش فيه اول يمين فى اول يمين وهو قدامه جامع وده رقمه 01117703305

م/ عاطف الراجل محترف وامين وده اهم حاجة ومش شماط بجد مشاء الله هو مكانه على الترام وانت طالع من كليوبترا حمامات الى سيدى جابر الشيخ هو فى النص تقريبا بين المحطتين المحل حتلاقى صغير وميوحيش باى حاجة بس ده عشان العين الراجل عندو مخزن مشاء الله فى كل حاجةوهو شغال فى الاسكودا والاوبل والشيفورليه وده رقمه0100560330,

وياريت ياباشا طمنا عملت ايه فى العربية وايه الاخبار

الف شكر ياباشا على استجابتك السريعة وانا متشكر لحضرتك جدا بالافادة وفعلا انا سمعت كتير عن راجل فى المطار بس الله يباركلك فى انك جبتلى بيناته بس السؤال بقى بالنسبة للايه بى اس هل بيشتغل فيه ولا ايه ؟؟