الموضوع: طريقة تجميل سقف شقتك بتكلفة بسيطة.....بالشرح والصور والفيديو والاسعار

السلام عليكم ورحمة الله

اية اخبار السقف عندك
سواء كان فى البيت ولا فى منشأتك التجارية
معمول فية ديكور ولا عادى

طب لو انت معندكش ديكور فى السقف وفكرت تعمل ديكور اية اول عقبة هتقابلك ؟؟؟؟؟
-اكيد البهدلة اللى ممكن السقف الجديد يسببها اثناء التركيب وبعد كدة حساب التكلفة + المصنعية.........الخ

فى الموضوع دة هشرح ازاى تعمل ديكور جميل وبسيط فى السقف وبنفسك على فكرة بدون صنايعية ( لو انت ايدك شغالة ) وبتكلفة متواضعة
ودة بعد استئذان مدام سما بعرض الموضوع فى الاجتماعى عشان الشرح وكدة

الاول اية هوة السقف دة ؟؟؟؟
دة عبارة عن بلاطات من الفوم خفيف الوزن جدا وزن البلاطة الواحدة 30 جرام تقريبا ومقاس البلاطة 50 سم 50 سم
عازل للصوت
عازل للحرارة
عازل للرطوبة
قابل للدهان
قابل للغسيل
صناعة روسى

والجميل فى الموضوع انة تقريبا بيتلزق على اى سقف
ودى اشكالة
واللى مكتوب على كل صورة دة رقم الموديل

















ودى اشكال الكرانيش اللى بتيجى معاة









طيب عشان تلزقة اية اللى بتحتاجة؟؟؟؟

فقط بستلة معجون من عند بتوع الحدايد والبويات بالاضافة لبعض الحاجات البسيطة
جدا زى بعض قطع القماش القطنية وكتر للقطع ومتر وحاجة طويلة تسطر بيها وبعض
الاكياس اللى هتعبى فيها المعجون عشان تعرف تستخدمة فى اللزق



شخصيا انا استخدمتة عندى فى الشقة ولزقتة بنفسى
ودى كانت الخطوات
الاول عبيت المعجون فى اكياس


وبعدين غسلت ايدى عشان البلاطات متتبهدلش
وبعدين جبت عود الوميتال كان عندى فى الشقة
وبعدين سطرت سطر على بعد 50 سم من الحيطة عشان يبقى دة الدليل بتاعى اللى همشى علية فى اللزق
وبعد كدة حطيت معجون على ضهر البلاطة ووزعتة كويس فى الاركان والمنتصف











وبدأت لزق على الحيطة بلاطة ورا بلاطة لحد ما خلصت خالص






ولما كان يقابلنى عمود فى نص الحيطة
كنت باخد المقاس بتاعة
وافرغ مكان العمود من البلاطة
وبعد كدة احط عليها معجون والزقها








وبعد كدة بدأت اجهز الكورنيشة اللى بتتلزق على الحرف
بستخدم مثلث 30--60 وبقطع من على الزاوية 60 عشان يقفلوا على بعض على الحيطة فى الزوايا والاركان






وبعد كدة بحط عليها المعجون من الناحيتين




الجميل فى الموضوع ان مفيش حاجة عندى اتبهدلت
وكمان كنت بلزق فوق العفش من غير ما احرك حاجة من مكانها
سواء كان دولاب او ستارة ........الخ