ملاك الكورولا ٢٠١٤ هاي لاين .. كيفية التعامل بالمفتاح الذكي

ياريت ملاك الكورولا ٢٠١٤ هاي لاين يوصفولنا كيفية التعامل مع العربية بالمفتاح الذكي. يعني كيفية التعامل مع فتح وغلق الأبواب هل المقابض فيها أزرار للفتح والغلق ولا سنسورز كيفية التعامل مع الكونتاكت سواء تشغيل المحرك أو إستخدام وظائف العربية بدون إدارة المحرك (كاسيت ،فتح/غلق زجاج). كيفية التعامل مع الشنطة. كنت قريت إنك لو شايل أكياس من الهايبر مثلا وقربت من الشنطة بتفتح لوحدها مش لازم تفتحها بإيدك مضبوط الكلام ده ولا إزاي بالضبط ... يعني بإختصار ياريت تنلقلولنا تجربة إستخدام المفتاح الذكي عشان عايز أكون فكرة أنا وغيري لما ناخد قرار الشراء نبقى عارفين مدى فايدة وإغراء الأوبشن ده في الهاي لاين.

وكمان عندي أسئلة إضافية بالمرة لملاك الهاي لاين:
- هل العربية فيها غلق أوتوماتيك للسنتر عند التحرك بالعربية؟
-هل العربية فيها حساس مطر (تشغيل تلقائي للمساحات في حالة وجود مطر)؟
-هل العربية فيها حساس إضائة (تشغيل تلقائي للإضائة الأمامية في حالة الدخول لنفق مثلا)؟
- هل العربية فيها غلق أوتوماتيك للمرايات عند الدخول لمكان ضيق أو بين عربيتين فعلا زي ما كنت قريت فموضوع قب كده هنا؟
- الكاسيت التاتش .. هل فيه أي إمكانيات غير مستخدمة فيه غير gps نافيجيشن؟
- هل حد فيكو عرف يركب فرش جلد كامل من غير مايتعارض مع وظائف الإيرباج الجانبية؟ لول مينفعش الفرش القماش في جلد هيستحمل (أنا عندي ٣ أطفال) .. ولا ينفع مثلا أركب فرش للكنبة الخلفية بس؟؟؟؟

معلش شوية أسئلة تفصيلية تفصيصية بس أحب أكون عارفها قبل الشراء مش أتفاجئ بيها خصوصا إن مندوبين البيع مش بيفيدو في التفاصيل الدقيقة دي.

وفي الآخر شكرا جزيلا لكم وربنا يباركلكو في عربياتكو ويهنيكو بيها يارب.

اقتباس:

---

المشاركة الأصلية كتبت بواسطة ahmed_m_ashraf

ياريت ملاك الكورولا ٢٠١٤ هاي لاين يوصفولنا كيفية التعامل مع العربية بالمفتاح الذكي. يعني كيفية التعامل مع فتح وغلق الأبواب هل المقابض فيها أزرار للفتح والغلق ولا سنسورز كيفية التعامل مع الكونتاكت سواء تشغيل المحرك أو إستخدام وظائف العربية بدون إدارة المحرك (كاسيت ،فتح/غلق زجاج). كيفية التعامل مع الشنطة. كنت قريت إنك لو شايل أكياس من الهايبر مثلا وقربت من الشنطة بتفتح لوحدها مش لازم تفتحها بإيدك مضبوط الكلام ده ولا إزاي بالضبط ... يعني بإختصار ياريت تنلقلولنا تجربة إستخدام المفتاح الذكي عشان عايز أكون فكرة أنا وغيري لما ناخد قرار الشراء نبقى عارفين مدى فايدة وإغراء الأوبشن ده في الهاي لاين.

اهلا يا باشا بيك اولا
1-عادي بتحط القطعه في جيبك عادي بتقرب من العربيه وانت مزاجك حلو ^o^ بتلاقيها بتنور من جوا بس مقفوله بمجرد ما تمسك المقبض تفتح
2- الغلق بتضغط علي stop engine وتنزل تقفل الباب بتحط صبعك فوق الاكره في حته مخصصه فيها شرطتين صغيرين
3-طبعا تقدر تفتح accessories في العربيه عن طريق تضغط start /stop بدون الضغط علي الفرامل اول مره معناها اول تكه وهكذا لكن مش هتدور غير بضغط الفرامل او تدخل في وضع emergency اللي هو تضغط مره علي الزرار والتانيه متشلش ايدك حوالي 15ثانيه هتدور
4-طيب افرض القطعه بتاعت العربيه فاضيه البطاريه هتعمل ايه مش هتمشي لا طبعا القطعه الذكيه موجود فيها من الجنب زرار بتضغط عليه ويطلع منها شبه مفتاح صغير بتحطه في الاوكره وتفتح العربيه وتدخل جوا تضغط علي البريك وتحط القطعه علي الزرار هتلاقي الزرار نور ازرق وتقدر تدورها
5-موضوع الشنطه لو في جيبك القطعه الذكيه هتضغط علي الزرار اللي في الشنطه هتفتح معاك.. لكن مفيهاش نظام تحط رجلك تحت الشنطه وحجات bmw دي

وكمان عندي أسئلة إضافية بالمرة لملاك الهاي لاين:
- هل العربية فيها غلق أوتوماتيك للسنتر عند التحرك بالعربية؟
-هل العربية فيها حساس مطر (تشغيل تلقائي للمساحات في حالة وجود مطر)؟
-هل العربية فيها حساس إضائة (تشغيل تلقائي للإضائة الأمامية في حالة الدخول لنفق مثلا)؟
- هل العربية فيها غلق أوتوماتيك للمرايات عند الدخول لمكان ضيق أو بين عربيتين فعلا زي ما كنت قريت فموضوع قب كده هنا؟
- الكاسيت التاتش .. هل فيه أي إمكانيات غير مستخدمة فيه غير gps نافيجيشن؟
- هل حد فيكو عرف يركب فرش جلد كامل من غير مايتعارض مع وظائف الإيرباج الجانبية؟ لول مينفعش الفرش القماش في جلد هيستحمل (أنا عندي ٣ أطفال) .. ولا ينفع مثلا أركب فرش للكنبة الخلفية بس؟؟؟؟


-لا مفيهاش غلق مركزي بعد التحرك
-طبعا فيها حساس مطر وحساس ضوء وكمان غسالات للفوانيس الاماميه
-الكاسيت التاتش يكفي صوته افضل من الكاسيت اللي في الفئه التانيه بكتير
-لا بصراحه مفكرتش احط فرش فيها لان الفرش جميل جدا

معلش شوية أسئلة تفصيلية تفصيصية بس أحب أكون عارفها قبل الشراء مش أتفاجئ بيها خصوصا إن مندوبين البيع مش بيفيدو في التفاصيل الدقيقة دي.

-تحت امرك يا باش عنينا ليك

وفي الآخر شكرا جزيلا لكم وربنا يباركلكو في عربياتكو ويهنيكو بيها يارب.

---

الله يخليك يا رب

اقتباس:

---

المشاركة الأصلية كتبت بواسطة ahmed_m_ashraf

ياريت ملاك الكورولا ٢٠١٤ هاي لاين يوصفولنا كيفية التعامل مع العربية بالمفتاح الذكي. يعني كيفية التعامل مع فتح وغلق الأبواب هل المقابض فيها أزرار للفتح والغلق ولا سنسورز كيفية التعامل مع الكونتاكت سواء تشغيل المحرك أو إستخدام وظائف العربية بدون إدارة المحرك (كاسيت ،فتح/غلق زجاج). كيفية التعامل مع الشنطة. كنت قريت إنك لو شايل أكياس من الهايبر مثلا وقربت من الشنطة بتفتح لوحدها مش لازم تفتحها بإيدك مضبوط الكلام ده ولا إزاي بالضبط ... يعني بإختصار ياريت تنلقلولنا تجربة إستخدام المفتاح الذكي عشان عايز أكون فكرة أنا وغيري لما ناخد قرار الشراء نبقى عارفين مدى فايدة وإغراء الأوبشن ده في الهاي لاين.
المقابض فيها سنسورز مش زرار .
وكمان عندي أسئلة إضافية بالمرة لملاك الهاي لاين:
- هل العربية فيها غلق أوتوماتيك للسنتر عند التحرك بالعربية؟ لأ
-هل العربية فيها حساس مطر (تشغيل تلقائي للمساحات في حالة وجود مطر)؟ اه
-هل العربية فيها حساس إضائة (تشغيل تلقائي للإضائة الأمامية في حالة الدخول لنفق مثلا)؟ اه
- هل العربية فيها غلق أوتوماتيك للمرايات عند الدخول لمكان ضيق أو بين عربيتين فعلا زي ما كنت قريت فموضوع قب كده هنا؟ كلام مش حقيقي
- الكاسيت التاتش .. هل فيه أي إمكانيات غير مستخدمة فيه غير gps نافيجيشن؟ لأ
- هل حد فيكو عرف يركب فرش جلد كامل من غير مايتعارض مع وظائف الإيرباج الجانبية؟ لول مينفعش الفرش القماش في جلد هيستحمل (أنا عندي ٣ أطفال) .. ولا ينفع مثلا أركب فرش للكنبة الخلفية بس؟؟؟؟ الفرش هيستحمل ان شاء الله , ولو عاوز ممكن تركب للكنبة فقط انما الكراسي لأ .

معلش شوية أسئلة تفصيلية تفصيصية بس أحب أكون عارفها قبل الشراء مش أتفاجئ بيها خصوصا إن مندوبين البيع مش بيفيدو في التفاصيل الدقيقة دي.

وفي الآخر شكرا جزيلا لكم وربنا يباركلكو في عربياتكو ويهنيكو بيها يارب.

---

جزاكم الله خير،رجالة القسم هنا عاملين شغل جامد
و بالأخص الأستاذ محمد هاني بجد حضرتك ذخر للمنتدى
وأسف للتدخل

شاكر ليكم جدا يارجالة .. يعني فيها حساس نور ومطر؟؟؟؟؟ أصل تصور مثلا البروشور بتاع العربية على موقع تويوتا مصر مكتوب فيه حساست مطو ومجابوش سيرة حساسات النور نهائي ولما بعت أسأل على صفحة الفيس بوك بتاعتهم كان الرد إن مفيش الإثنين أساسا :Copy of majd(4):

هههه طب نعمل إيه مع بتوع المبيعات دول .. الأمر مايستغناش إن الواحد يسأل أصحاب العربية .. هما إللي معاهم الخبر اليقين.

معلش هو وضع ال emergency ده إني أدور العربية لو ضاع مني المفتاح ولا إيه؟ مش ده خطر بالنسبة للسرقة ولا حضرتك تقصد أبطل العربية مش أدورها ولا أنا فاهم حاجة غلط؟

لا طبعا emergency في وضع نفاذ البطاريه المفتاح الذكي

بص حضرتك العربيه الكامله اللي ب215الف دي اسمها g73
واللي ب189الف اسمها g72

اتكلم مع المبيعات بالرقم الكودي للتسهيل

بس خليني اقول شهاده حق... بما اني ركبت عربيات زمايل واقارب في نفس الفئه السعريه

السيراتو 2013 كامله
فورد فوكس
مركبتش الاسترا
ركبت الفلوانس الجديده وسوقت القديمه

-الكورولا بالنسبه لهم ابداااااااااااااع في كل شئ.. صحيح فيهم عربيات بتتفوق في جوده interior. بس في قطع بسيطه.. الوحيده اللي بتتفوق علي الكورولا في الثبات بفرق حوالي 30في المائه الفوكاس

لكن التسارع والعزل والمساحات الكورولا

مشكله الكورولا عدم وجود فتحه السقف.. والمشكله الكارثيه بجد.. انك يوم ما هتنزل منها بالذات الناس اللي بتغير بسرعه تركب ايه في نفس الفئه طب اقولك في فئه 300الف حتي.. كلها عربيات فيها مشاكل اغلبها ميكانيكا زي مثلا الانسجنيا..
المشكله فعلا علشان تركب بعد الكورولا عربيه فعلا توفرلك نفس الاوبشن.. مش بقول الاداء.. هتدخل في فئه 450+

اقتباس:

---

المشاركة الأصلية كتبت بواسطة mohamed elnagar

بس خليني اقول شهاده حق... بما اني ركبت عربيات زمايل واقارب في نفس الفئه السعريه

السيراتو 2013 كامله
فورد فوكس
مركبتش الاسترا
ركبت الفلوانس الجديده وسوقت القديمه

-الكورولا بالنسبه لهم ابداااااااااااااع في كل شئ.. صحيح فيهم عربيات بتتفوق في جوده interior. بس في قطع بسيطه.. الوحيده اللي بتتفوق علي الكورولا في الثبات بفرق حوالي 30في المائه الفوكاس

لكن التسارع والعزل والمساحات الكورولا

مشكله الكورولا عدم وجود فتحه السقف.. والمشكله الكارثيه بجد.. انك يوم ما هتنزل منها بالذات الناس اللي بتغير بسرعه تركب ايه في نفس الفئه طب اقولك في فئه 300الف حتي.. كلها عربيات فيها مشاكل اغلبها ميكانيكا زي مثلا الانسجنيا..
المشكله فعلا علشان تركب بعد الكورولا عربيه فعلا توفرلك نفس الاوبشن.. مش بقول الاداء.. هتدخل في فئه 450+

---

أختلف مع حضرتك بشدة
فئة الكورولا غير محسومة لعربية بعينها

أما فئة ال200-300 ألف، دى مليانة وحوش يكلوا الفئة إللى قبلهم تماماً، أداء ومساحات وتجهيزات.
لكن ايه المشاكل الميكانيكية إللى موجوده فى كل عربيات الفئة دى؟!
ما سمعناش مشاكل مثلاً من 508 ولا 3008 ولا حتى c5. بالنسبة للإنسيجينا، هى عربية واحدة إللى سمعنا عن مشكلة فيها وده وارد فى أى عربية. لكن كل ملاكها إللى معانا فى المنتدى بيشكروا فالعربية، ربنا يبارك لهم فيها

أما فئة ال450+ فدول موضوع تانى خالص.

Peugeot 508 كانت فيه عربيه في المنتدي الماتور ولع بدون سابق انذار.... بس سيبك انا مش هقولك كده.. بس خليني اقولك اني واحد من ناس كتير في مصر عندنا فوبيا الفرنساوي وخساراته عند البيع
3008 مش كل الناس بتحب suv ثم 3008 باعت قد ايه في مصر
C5 اعتقد انها اعلي فئه مش معديه 230الف تقريبا.. بس انا تقريبا شوفتها 4مرات او 5من ساعه ما نزلت هل انا ظالم نفسي للدرجه دي واروح كمان لعز العرب التوكيل اللي مكسل حتي يعلن عن عربياته

-معني كلامي.. انك تمشي مع القطيع ده مش معناه انك لاغي عقلك الفكره ان فعلا الكورولا علي مر زمانها وفرتلك اعتماديه الافضل في مستواها كسياره رخيصه.. والسنه دي جاءت بتقدم في وسائل المتعه في فئه السيارات الصغيره 1.6بالذات في مصر.

اقتباس:

---

المشاركة الأصلية كتبت بواسطة mohamed elnagar

peugeot 508 كانت فيه عربيه في المنتدي الماتور ولع بدون سابق انذار.... بس سيبك انا مش هقولك كده.. بس خليني اقولك اني واحد من ناس كتير في مصر عندنا فوبيا الفرنساوي وخساراته عند البيع
3008 مش كل الناس بتحب suv ثم 3008 باعت قد ايه في مصر
c5 اعتقد انها اعلي فئه مش معديه 230الف تقريبا.. بس انا تقريبا شوفتها 4مرات او 5من ساعه ما نزلت هل انا ظالم نفسي للدرجه دي واروح كمان لعز العرب التوكيل اللي مكسل حتي يعلن عن عربياته

-معني كلامي.. انك تمشي مع القطيع ده مش معناه انك لاغي عقلك الفكره ان فعلا الكورولا علي مر زمانها وفرتلك اعتماديه الافضل في مستواها كسياره رخيصه.. والسنه دي جاءت بتقدم في وسائل المتعه في فئه السيارات الصغيره 1.6بالذات في مصر.

---

الكورولا اعتمادية واستقرار فى السوق وإعادة بيع...كلام سليم ميه فى الميه
لكن لما ندخل فى المقارنة الفئة السعرية الأعلى صعب الكورولا تصمد لو المقارنة من كل النواحي

أعتقد أستاذ محمد النجار ميقصدش يقارن الكورولا بالفئات السعرية الأعلى. على حسب فهمي هو يقصد لما تركب كورولا أو حتى عربية في نفس الفئة السعرية والأوبشنز لما تيجي تطلع منها لحاجة أعلى عشان تحس بفرق لازم تطلع كتير يعني مثلا لونقلت منها لفئة ال ٢٥٠ ل ٣٠٠ هتحس بفرق آه بس مش إللي يوازي فرق المبلغ لا زم تتخطى حاجز ال٣٠٠ ل ٣٥٠ ألف عشان تحس بفرق حقيقي يستاهل دفع مبلغ زي ده فعربية.

بص هي العربيات أذواق وإرتياح نفسي وثقافة كمان. أنا عن نفسي أترعب إني أركب عربية توكيلها ميسدش معايا. ومحبش أركب عربية ملاقيش ليها كماليات لو حبيت فيوم أدلعها بحاجة. ومحبش العربية إللي مش منتشرة (بعكس بعض الناس) مش هقول لدرجة إني ألاقي قطع غيارها عند البقال كتعبير مشهور بس ألاقي حاجتها بسهولة وخلاص وكمان بسعر معقول مش لازم رخيص قوي بس كمان مش غالي قوي قوي.

عن نفسي بيني وبين الياباني عشق قديم مرتبط بأول عربية جابها والدي وفضلت أسوقها قبل ماجيب عربيتي الحالية وكانت مازدا ٣٢٣ ولذلك بقولك هي ثقافة برضة أنا وعيت ع الدنيا لقيت العربية دي وإرتبط بيها نفسيا وبقى عندي تذوق خاص للياباني، قاومتة بشدة وأنا بشتري عربيتي اللوجان بحكم الإمكانيات المادية ساعتها لكن قضل الياباني عشقي والكورولا بالذات ليها معزة خاصة عندي وطموحي إني أجيبها فيوم،ودلوقت لما بفكر أغير تاني قريب حاولت أقنع نفسي بالفلوانس مثلا بإعتبار إنها مش غريبة عليا عشان معايا رينو + إنها فيها العرق الياباني. بس بصراحة لإعتبارات كتير أنا ميال حاليا لإعتمادية الكورولا المعروفة وكل مميزاتها إللي الناس عرفاها من إعادة بيع لغيره، غير إني معرفتش أقاوم إنجذابي للكورولا. رغم إن الفلوانس بتغطي الأوبشنز إللي نفسي فيها أكتر وده كان المغزى من أسئلتي هنا لأصحاب الهاي لاين عن بعض الأوبشنز الدقيقة.

تحس إني بتكلم عن مراتي مش كده هههههه، معلش دي حاجة أكيد يعرفها ويحس بيها كل التويوتاوية وأصحاب الكورولا تحديدا. والموضوع مش موضوع تفكير مصري ده كمان خليجي وحتى أوروبا وأمريكا التويوتا ليها نصيب محترم من سوق العربيات الأجنبية.

وعن نفسي أظن إن إللي معاه كورولا مش بيبيعها غير للشديد القوي ولو جاب عربية بيجيب عليها ويخليها لو الإمكانيات تسمح. ليا والد واحد صاحبي كان فاضل أبوس رجلية يبيعلي كورولا ٢٠٠٦ وواحد تاني صاحبنا بيحاول معاه دلوقت وهو أبدا، على الرغم إنه لو حب يركب مرسيدس أو بي إم هيركبها بصباع رجلة الصغير ماشاء الله، بس هو مرتاح كده!

فئة ال 200000ج الكورولا اخدتها بالضربة القاضية حتى الان لكن بداية من 210000 لحد 300000 الانسجنيا كاسحة طبعا فى ناس كتير حتقول طب التوكيل و قطع الغيار و اعادة البيع انا كل ده عارفه لكن لما اقرر اشترى عربية فوق ال250000 كل الكلام ده مايفرقش معايا انا حكون عايز عربية متميزة فى الامكانيات و من الاخر منظرة يضرب لها تعظيم سلام و انت داخل بيها اى حتى و مش منتشرة (ثقافة مختلفة) و هو ده اللى يخلى بعض الناس تدفع ارنب فى عربية و دول مايفرقش معاهم بقى سعر قطع الغيار او التوكيل او اعادة البيع من الاخر

اقتباس:

---

المشاركة الأصلية كتبت بواسطة ahmed_m_ashraf

ياريت ملاك الكورولا ٢٠١٤ هاي لاين يوصفولنا كيفية التعامل مع العربية بالمفتاح الذكي. يعني كيفية التعامل مع فتح وغلق الأبواب هل المقابض فيها أزرار للفتح والغلق ولا سنسورز كيفية التعامل مع الكونتاكت سواء تشغيل المحرك أو إستخدام وظائف العربية بدون إدارة المحرك (كاسيت ،فتح/غلق زجاج). كيفية التعامل مع الشنطة. كنت قريت إنك لو شايل أكياس من الهايبر مثلا وقربت من الشنطة بتفتح لوحدها مش لازم تفتحها بإيدك مضبوط الكلام ده ولا إزاي بالضبط ... يعني بإختصار ياريت تنلقلولنا تجربة إستخدام المفتاح الذكي عشان عايز أكون فكرة أنا وغيري لما ناخد قرار الشراء نبقى عارفين مدى فايدة وإغراء الأوبشن ده في الهاي لاين.


وفي الآخر شكرا جزيلا لكم وربنا يباركلكو في عربياتكو ويهنيكو بيها يارب.

---

فى حاجة احب برضه احذرك منها فى المفتاح الذكى ان طول ما العربية دايرة العربية ما بتطقيش حتى لو المفتاح مش فى العربية كل ما هناك انها بتدى صفارة لمدة 10 ثوانى و بتقف يعنى بلغة تانية لو و انت فكرت تقف بسرعة عند اى كشك تشترى اى حاجة فى السريع و مشغل التكيف فى يوم حر و تقول بدل ما اطفى العربية منا راجع بسرعة و كده او كده المفتاح فى جيبى محدش يعرف يسرق العربية تبقى غلطان لان طول ما العربية دايرة ممكن العربية تروح لاى مسافة وما تفصلش يعنى المفتاح الذكى فى الحتة يبقى مفتاح غبى ما يعرفش ان العربية مفروض تطفى لو المفتاح مش جوه العربية

اقتباس:

---

المشاركة الأصلية كتبت بواسطة welsherif

فى حاجة احب برضه احذرك منها فى المفتاح الذكى ان طول ما العربية دايرة العربية ما بتطقيش حتى لو المفتاح مش فى العربية كل ما هناك انها بتدى صفارة لمدة 10 ثوانى و بتقف يعنى بلغة تانية لو و انت فكرت تقف بسرعة عند اى كشك تشترى اى حاجة فى السريع و مشغل التكيف فى يوم حر و تقول بدل ما اطفى العربية منا راجع بسرعة و كده او كده المفتاح فى جيبى محدش يعرف يسرق العربية تبقى غلطان لان طول ما العربية دايرة ممكن العربية تروح لاى مسافة وما تفصلش يعنى المفتاح الذكى فى الحتة يبقى مفتاح غبى ما يعرفش ان العربية مفروض تطفى لو المفتاح مش جوه العربية

---

كلام ده أكيد....؟
أصل كدة ممكن يعمل مشاكل رهيبة

اقتباس:

---

المشاركة الأصلية كتبت بواسطة k.ossama

كلام ده أكيد....؟
أصل كدة ممكن يعمل مشاكل رهيبة

---

الكلام ده اكيد بالنسبة للمفتاح الذكى فى الهونداى ix35 و لما كنت بحجز الكورولا سألت فى توكيل تويوتا اذا كان الموضوع نفسه فى المفتاح الذكى بتاع الكورولا المندوب اكد انه فى نفس الخاصية

اقتباس:

---

المشاركة الأصلية كتبت بواسطة welsherif

الكلام ده اكيد بالنسبة للمفتاح الذكى فى الهونداى ix35 و لما كنت بحجز الكورولا سألت فى توكيل تويوتا اذا كان الموضوع نفسه فى المفتاح الذكى بتاع الكورولا المندوب اكد انه فى نفس الخاصية

---

بس كدة مش مريح خالص

اقتباس:

---

المشاركة الأصلية كتبت بواسطة ahmed_m_ashraf

عن نفسي بيني وبين الياباني عشق قديم مرتبط بأول عربية جابها والدي وفضلت أسوقها قبل ماجيب عربيتي الحالية وكانت مازدا ٣٢٣ ولذلك بقولك هي ثقافة برضة أنا وعيت ع الدنيا لقيت العربية دي وإرتبط بيها نفسيا وبقى عندي تذوق خاص للياباني، قاومتة بشدة وأنا بشتري عربيتي اللوجان بحكم الإمكانيات المادية ساعتها لكن قضل الياباني عشقي والكورولا بالذات ليها معزة خاصة عندي وطموحي إني أجيبها فيوم،ودلوقت لما بفكر أغير تاني قريب حاولت أقنع نفسي بالفلوانس مثلا بإعتبار إنها مش غريبة عليا عشان معايا رينو + إنها فيها العرق الياباني. بس بصراحة لإعتبارات كتير أنا ميال حاليا لإعتمادية الكورولا المعروفة وكل مميزاتها إللي الناس عرفاها من إعادة بيع لغيره، غير إني معرفتش أقاوم إنجذابي للكورولا. رغم إن الفلوانس بتغطي الأوبشنز إللي نفسي فيها أكتر وده كان المغزى من أسئلتي هنا لأصحاب الهاي لاين عن بعض الأوبشنز الدقيقة.

تحس إني بتكلم عن مراتي مش كده هههههه، معلش دي حاجة أكيد يعرفها ويحس بيها كل التويوتاوية وأصحاب الكورولا تحديدا. والموضوع مش موضوع تفكير مصري ده كمان خليجي وحتى أوروبا وأمريكا التويوتا ليها نصيب محترم من سوق العربيات الأجنبية.

---

نفس الكلام بينطبق على اللى بيركب اوروبى لما بيركب اليايانى غالبا مش بيرتاح فيه هى راحة نفسية زى ما حضرتك قلت

اما بالنسبة لموضوع الانتشار والكلام دة انا مثلا مبحبش اركب عربية الشعب كله راكبها و كل مادخل بارك الاقى منها عشرة واقفين جنب بعض ... طيب وقطع الغيار ؟؟ هنا بقا ييجى دور التوكيل ما دام موفر كل قشاية ساعتها لا يهمنى اعادة بيع ولا كلام السوق المصرى العقيم دة انا بدفع 200 الف على سبيل المثال عشان استمتع اربع او خمس سنين وساعتها يحلها ربنا مفيش عربية مبتتباعش

يعنى مثلا احد مصادر اعجابى بالفلوانس ان مش ناس كتيرة راكباها (ولو ان انتشارها زاد بصورة ملحوظة الفترة اللى فاتت) وكل واحد بيركب معايا بيفضل يستكشف فالعربية

اقتباس:

---

المشاركة الأصلية كتبت بواسطة welsherif

فئة ال 200000ج الكورولا اخدتها بالضربة القاضية حتى الان لكن بداية من 210000 لحد 300000 الانسجنيا كاسحة طبعا فى ناس كتير حتقول طب التوكيل و قطع الغيار و اعادة البيع انا كل ده عارفه لكن لما اقرر اشترى عربية فوق ال250000 كل الكلام ده مايفرقش معايا انا حكون عايز عربية متميزة فى الامكانيات و من الاخر منظرة يضرب لها تعظيم سلام و انت داخل بيها اى حتى و مش منتشرة (ثقافة مختلفة) و هو ده اللى يخلى بعض الناس تدفع ارنب فى عربية و دول مايفرقش معاهم بقى سعر قطع الغيار او التوكيل او اعادة البيع من الاخر

---

أنا معاك فحتة إن إللي بيدفع أرنب أو حتى ٣٠٠ أو ٤٠٠ ألف فعربية ميهموش سعر قطع الغيار والصيانات وإعادة البيع .. إنما التوكيل نوووووووووو

اقتباس:

---

المشاركة الأصلية كتبت بواسطة welsherif

فى حاجة احب برضه احذرك منها فى المفتاح الذكى ان طول ما العربية دايرة العربية ما بتطقيش حتى لو المفتاح مش فى العربية كل ما هناك انها بتدى صفارة لمدة 10 ثوانى و بتقف يعنى بلغة تانية لو و انت فكرت تقف بسرعة عند اى كشك تشترى اى حاجة فى السريع و مشغل التكيف فى يوم حر و تقول بدل ما اطفى العربية منا راجع بسرعة و كده او كده المفتاح فى جيبى محدش يعرف يسرق العربية تبقى غلطان لان طول ما العربية دايرة ممكن العربية تروح لاى مسافة وما تفصلش يعنى المفتاح الذكى فى الحتة يبقى مفتاح غبى ما يعرفش ان العربية مفروض تطفى لو المفتاح مش جوه العربية

---

كل المفتاح البصمة كده. هو لو مفتاح الكورولا هاي لاين مبيفتحش ويقفل مع الإقتراب والإبتعاد عن العربية يبقى بالنسبالي مش مغري قوي، أنا كانت أكتر حاجة تهمني إنه يفتح لوحده لو قربت ويقفل لوحده لو بعدت من غير ما ألمس المقبض (الفلوانس كده مثلا) .. بس عموما فيه باكدج أوبشنز مش بطالة مقابل فرق السعر وطبعا أهما ال ٧ إيرباجز. عموما دي حاجة تتحسم فوقتها.