;كام سؤال عن الريداتير وترموستات الكوعه

يا رجاله انا اولا عندى مشكله فى الريداتير انه على طول ساقط ماهما اعمله يقع مع اى مطب تقريبا كدا قواعج الريداتير البلاستك اللى عندى مكسوله ياترى دى بتتباع لوحدها لو مالهاش حل انا عندى الريداتير ال 2 مروحه على سير واحد
ومين ممكن يظبطلى الريداتير بدل مانا بربطه بافيز كدا ويطقطع


تانى سؤال بقى انا عاوز اركب ترموستات كوعه لان تقريبا اللى عندى علقت وهى مفتوحه وناوى كمان انشاء الله اجبلها الميه الحمرا معلش بقى اجيب منين ترموستات كوعه مضمونه وحالتها حلوه واجيبها نوعها ايه علشان متعلقش لان اعرف ان مشاكلها بموته وسعرها فى حدود كام ؟؟

الرادياتير ... تروح لسمكري تقله عايز اثبت الرادياتير ده و هو ممكن يظبطلك حمالات سفلية و اخري علوية بمسامير تثبيت تمسكه (الموضوع محتاج شوية فن و لحامات عشان تظبطه صح )

ترموستات الكوعه ... كل اللي موجود صيني و شغال لما بيفتح بيكون اتكسر جوه و ملناش غير ربنا في قطع الغيار يسترها معانا من مصايبها

المياة ليها قصص كتير انا شخصيا بحط مياة مقطرة من مياة تكثيف التكييف و قريبا هضيفلها ايثيلين جليكول مركز نسبة و اشتري دماغي لأن اسعار مياة التبريد الاصلية غالية بغباء و انا اشك انها اصلي اساسا ده تجار قطع الغيار بيغشوا قطع الغيار اللي ممكن تسبب وفاتنا زي وسائل الامان (جلب و قطع عفشه و فرامل و ... ) تفتكر انهم هيفكروا انهم يجيبوا المياة اصلية و مش مغشوشة !!!!!!!!!! يا راجل كبر مخك ههههههههههه

بخصوص الريدياتير فى حل مؤقت

عارف حبل الغسيل السلك ؟ مش البلاستيك .. هات حته كده وربط بيها، طبعا ده شغل سوقى بس إن شاء الله مش هتتقطع

لأن الأفيز البلاستيك مع اللإهتزازات ورعشة العربية هيتنحل منك ويتقطع ويسبب ميل فى الريدياتير وممكن يديك مؤشر حرارة خاطئ لأن ترموستات المروحه ربما تبقى فى ميل والمياه في ميل ويبقى عندها هوا بسبب نقص مياه او اى سبب تانى وتلاقى العربية سخنت معاك.

كل ده عن تجربتى، انا ركبت الأفيز واتقطع، وروحت لعصام وعمالى سلك رباط واتقطع، وجبت السلك اللى بقولك عليك وما شاء الله جامد. فقط هتعلق فيه الريدياتير مع السدر اللى فوق

انا كان حصل عندي كده
غالبا مش هيكون القواعد بتاعته من تحت لو فتحت الكبوت و بصيت هتلاقي فيه مسمارين طوال مربوطين من وش الكبوت قدام و نازلين في الراديراتير بيتربطو فيه المشكلة ان مكان المسمارين دول محاطين على شكل مربع المسمار بيخش فيها لو أي جنب منهم اتكسر المسار بيثبت مع الربط لكن مع الحركة المسمار بيتحرك من المكان ده و بيبان انو مربوط لو بصيت عليه لكن هو بالفعل بيكو نطلع برة المكان اللي مفروض يبات فيه
حاول تفك المسمارين دول و تلحم الحتة اللي المسمار بيخش فيها و اعملها بآفيزين من الجنبين .
لانو لازم بيتثبت من فوق زي تحت .

منتظر ردك.

اقتباس:

---

المشاركة الأصلية كتبت بواسطة ahmedhk

انا كان حصل عندي كده
غالبا مش هيكون القواعد بتاعته من تحت لو فتحت الكبوت و بصيت هتلاقي فيه مسمارين طوال مربوطين من وش الكبوت قدام و نازلين في الراديراتير بيتربطو فيه المشكلة ان مكان المسمارين دول محاطين على شكل مربع المسمار بيخش فيها لو أي جنب منهم اتكسر المسار بيثبت مع الربط لكن مع الحركة المسمار بيتحرك من المكان ده و بيبان انو مربوط لو بصيت عليه لكن هو بالفعل بيكو نطلع برة المكان اللي مفروض يبات فيه
حاول تفك المسمارين دول و تلحم الحتة اللي المسمار بيخش فيها و اعملها بآفيزين من الجنبين .
لانو لازم بيتثبت من فوق زي تحت .

منتظر ردك.

---

ايوه هى دى بالظبط المشكله اللى عندى مش عارف اربط الريداتير من قدام ممكن لو توريلى صوره اعمل زيها علشان اربطه من قدام وياترى الريداتير بتاع الابيزا 2000 فيه نفس المشكله ولا ايه ؟؟ا

بالله عليك لو لقيت ثرموستات قولي ضروري

اقتباس:

---

المشاركة الأصلية كتبت بواسطة nesr6060

ايوه هى دى بالظبط المشكله اللى عندى مش عارف اربط الريداتير من قدام ممكن لو توريلى صوره اعمل زيها علشان اربطه من قدام وياترى الريداتير بتاع الابيزا 2000 فيه نفس المشكله ولا ايه ؟؟ا

---

إِنْ شَاءَ الله هنزلك الصور بس حاول زي ما قلتلك تفك المسمارين و تضبطه علي اساس ان المسمارين يخشو في مكانهم بعديها اربطو لازم الاول تدخل المسمارين عشان ميتحركش و إِنْ شَاءَ الله هنزل الصور اول ما اصورها هنا .

اقتباس:

---

المشاركة الأصلية كتبت بواسطة ahmedhk

إِنْ شَاءَ الله هنزلك الصور بس حاول زي ما قلتلك تفك المسمارين و تضبطه علي اساس ان المسمارين يخشو في مكانهم بعديها اربطو لازم الاول تدخل المسمارين عشان ميتحركش و إِنْ شَاءَ الله هنزل الصور اول ما اصورها هنا .

---

ياريت بسرعه علشان انا عاوز اعمل الحوار ده فى اسرع وقت



بالنسبه لترموستات الكوعه انا ترموستاتى اسمها ترموستات 4 رجل ابو دبله صفرا و سالت واحد عليها قالى جديده مش هتشتغل وقالى اجبلها استيراد وقالى هو عنده شويه و هو لانه نفس كود موتورى هاخد منه واحده وهيركبهالى و هو راجل خبره فى الفولكس

طب هو فين الراجل ده ؟
واعرف كود ماتوري ازاي انا بولو 1998 1000 سي سي

الراجل ده اسمه مصطفى ابو سريع انا عرفته عن طريق جروب فيس هو من اكتوبر وساعات بيروح شارع الاشول يخلص شغل هناك عند الراجل اللى قبل عصام بس مش على طوب اعتقد انه كان قايلى هيروح خميس وسبت لو عاوز رقم تليفونى انا رقمى
01026155230

انا عرفه و حكلمه
اشكرك

@ ra3d
محرك البولو ال1.0 كوده اللي نزل بيه في مصر AER

أما عن الثرموستات فدة لازم يركب ما ينفعش المشي من غيره

بالنسبة لتثبيت الردياتير
شوف الموضوع دة
فك وتنظيف الردياتير وتغيير المبرد - خطوة خطوة بالصور