هوه لازم العريس يرقص يوم فرحه !

**mahmoud_ali** · 13-05-2014 03:43 AM

بص ياباشا انا ان شاء الله هكتب كتابى فى مسجد الشرطه مثلا واطير على اى حته واوفر فلوس الفرح اللى اصلا مبيبقاش ليك ده للمعازيم اللى مبيعجبهمش حاجه اصلا و ولا رقص ولا وجع دماغ

**طارق _عبد السلام** · 13-05-2014 04:26 AM

ياباشا متحملش هم الموضوع ده انا كنت زى حالاتك مليش فى الرقص نهائى

وواحد غلس صمم انه يقومنى وانا طبعا مستحيل كفايه ان ان امه لااله الا الله بتتفرج عليك جتلى فكره فى ثانيه قلتله البنطلون واسع جدا ولو وقفت هتبقى فضيحه والحمد لله الزبون شربها وهو اللى كان بيبعد الناس عنى كمان مع ان الغبى ده لو فكر للحظه واحده .. على ايامى فى التسعينات كانت الموضه البدله القصير على القمر بنتاع البنطلون وبتلف على الوسط حزام عريض بيلمع حاجه كده شبه السفرجيه ههههههههه فعلا والله نفس بتاع السفرجيه بس كانت موضه الايام دى .. بس وعديت من الموقف المحرج ده ... ياه حرام عليك قلبت علينا المواجع واكبر غلطه فى حياتى :) بهزر طبعا هو فيه احلى من الجواز

**S O P H O S** · 13-05-2014 01:01 PM

حاجات كتيرة لا داعي منها
الناس بتكررها وخلاص
ومنها الرقص فالفرح

**علاء محمد** · 13-05-2014 06:06 PM

اه الصراحة الرقص بالوسط عيب خالص احنا فى اسوان عندنا طقوس خاصة بالنسبة للفرح ونوع الرقص

**a raafat** · 16-05-2014 02:32 PM

شكرا يا جماعه عالردود دى نورتوا الموضوع والله وانا مبسوط من التفاعل ده :)
والحمدلله ناس كتير زى مش حابه موضوع الرقص
بس انا شخصيا مستحيييييل أرقص ولا يمكن أتنازل وأرقص ده انا لو أطريت أعمل فرح ساعتها بفكر قبل الفرح بيومين أشوف الواد الدى جى بتاع القاعه وأزرفه 100 جنيه ولا حتى 200 وأقوله انسى انى أرقص شغل أغانى مترقصش او موسيقى هاديه وخلاص ولو لقيت خد هيرقصنى غير الاغنيه علىل طول :)
طبعا فى ناس من المعازيم هيقولوا ايه الفرح الميت ده ده فرح اى كلام -_- لا منا بقى احاول اعملهم بوفيه فخيم واكل محترم أخذا بمبدأ أطعم الفم تستحى العين :)
أو بقى فى حل تانى اتنمى انى موصلوش وهوه انى اجبلهم صافيناز ترقص أهوه يتلهوه فيها وميركزوش معايا ههههههههههه بهزر طبعا أقتراح صافيناز ده مستبعد :)

**drcobra** · 16-05-2014 04:22 PM

والله انا كنت زيك بس فى الفرح مجرد مسكت ايد واحد صاحبى خمس دقايق وقعدت
عالعموم فى شباب دايما بيكونوا فى كل فرح وهما بيقوموا بالواجب

**mustafavet** · 16-05-2014 04:33 PM

المشاركة الأصلية كتبت بواسطة dodge2013

‫فضيحة .. سلفي يرقص بمطواه (دول الى عايزين يحكمونا )‬&lrm; - youtube

والله ما عارف انتوا بتكدبوا ع مين

**lena jo** · 16-05-2014 04:34 PM

اولا الف مبروك .حضرتك زعلان من رقص الرجال في الافراح؟ ده اقل حاجة. قاعات الافراح للاسف اصبحت مكان يُستحل فيها كثير من الحرام. بداية من العروس فهي لو محجبة اقل ذنب انها بتحط ميك اب و طبعا ده فرحها ازاي متحطش و الغريب و القريب يتفرج. و لو حد علق صح يبقي معقدها و دي ليلة و ايه يعني. و طبعا مستوي اخر انها تشيل حجاب الرأس و تعمل شعرها. و ايه يعني مهو محدش هيبص دي عروسة. و هو يعني حد هيغمض عين اللي هيبص عليها امال الناس بيتفرجوا علي مين غير العريس و العروسة. و اكثر ممكن لو برده محجبة تتنازل اكثر و تلبس فستان لا يصلح حتي لغير المحجبة. و اسوأ كمان احيانا اخت العروسة و الله شفت بعيني و خطوبة لسة مش فرح لابسة فستان بشع لا يصلح ابداااا. اللهم اعفينا. و طبعا اكيد العروسة كمان بس الخطوبة دي اتفسخت. يعني كله علي الفاضي. و صاحبات العروسة لازم الميك اب الحمد لله مبيشلوش الحجاب كتر خيرهم لكن مش عارفه هي سنة مثلا و انا مش عارفة ان غالبا المحجبة بتعمل الطرحة spanish يعني مربوطه للوراء و لا تغطي الرقبة طب لو مش كدة الفرح يبطل مثلا و مش دايما شكلها شيك و الله. الرقص مش بس للرجال لا ده كمان البنات و الكبار احيانا... محجبات و غيره و زي ماتكون مصدَقت طب احترمي الحجاب اللي انتي لابساه. ليه متجاملش العروسة ميصحش عييييب .طب سقفي بس حتي . لا ميصحش لازم ترقص بضمير امال يعني تزعل صاحبتها و لا اختها و لا قريبتها. و مين يشيل ذنوب الحبايب دي كلها ؟.
الغريب ان الاهل احيانا هم الي يبصمموا علي الفرح و العريس و العروسة بيكونوا عايزين كتب كتاب بس و بيرضخوا للاهل. لكن من ناحية اخري أعرف مستويات عالية جدا و متوسطه اكتفوا بكتب الكتاب في قاعة من قاعات كتب الكتاب زي مسجد الشرطة او غيرة بفستان الفرح و بس و هو ده الفرح. و لا ذنوب و لا مناظر مؤذية و لا وجع دماغ و بعدين اللي عايز يعمل وليمة يبقي يعمل علي مهله و التكاليف هم اولي بيها يسافروا يشتروا اي حاجة بدل ما يبدءوا حياتهم مش بذنب واحد، لا بمجموعة ذنوب.ربنا يهدي الجميع

**Ahmed Elseufy** · 16-05-2014 04:43 PM

بتختلف من شخصية انسان واخر اعمل اللي تراه صحيح من وجه نظرك

الموضوع: هوه لازم العريس يرقص يوم فرحه !

LinkBack

أدوات الموضوع

عرض

-

-

-

-

المواضيع المتشابهه

بعد طول انتظار....يا فرحه ما تمت

ياجماعة حد عمل فرحه او حضر فرح فى فندق الماسة الا فى مدينة نصر

باركولي وشاركوني فرحه+ تقييم

هم يبكي وهم يرقص !! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة