$ $ $ $ طالما معاك عربيه يبقى انت اكيد غني ومعاك فلوس كتير $ $ $ $
صباح الخير
موضوع طويل شويه ولو كملته للأخر فا انت اختبار الصلابه (الهاردنيس ) عند عاليه جدا وبتستحمل
قاعد زي كل اسبوع مع صحابي وفي وسط القعده جه صاحبنا ( الي كل الي بيعمله بيحقد ع الناس )
وهو قاعد بص الراجل ده طلب طلبات قد ايه
( لازم الشخص يزور ويطلع عينه في الاكل واكيد محدش عارف بيبقى مصيره ايه لما يقوم )
نرجع بقى لموضوعنا بتاع الي معاه عربيه اكيد غني ده كلام صاحبنا عم حقد ( النيك نيم بتاعه )
http://media-cache-cd0.pinimg.com/23...e1dc395a65.jpg
في وسط القعده قال الناس الي معاها عربيات ديه معاهم فلوس قد كده قلتله مش كله قالي لا كله
قلتله مش كله قالي مش كله قمت قلتله بص في فئه خصوصا الي عربيته ب 400 الف ل مليون جنيه
وكاش ده معاه ومعبي لاكن تعالى نعمل مقارنه ما بين الناس المتوسطه
مابين شخصين = شخص معاه عربيه + شخص مقضيها مواصلات
1 شخص 1 معاه عربيه من العربيات العاديههيونداي فيرنا اكسنت النترا هوندا سيفيك سيتي رينو ميجان فلورانس بيجو ( لما سمع بيجو قال يبختهم ال 301 الجديده جامده كل ما اشوف وحده لازم انق عليها ... تلاقيه سبب حوادث اغلب الاعضاء هنا ههههههههههههه ) المهم الخ الى باقي انواع العربيات العاديه
2 شخص 2 مقضيها مواصلات مترو وخلافه وميكروباز كوتكوت تاكسي اوتوبيس الخ
الاتنين مش متجوزين والاتنين بيشتغلوا والمقارنه كالاتي
-----------------------------
الشخص 1 بتاع العربيه لازم تلاقيه بيعجز بدري بدري وفيه شعر ابيض ولما يسمع صوت فرقعه ولا حد بيصرخ ولا اي جهاز انذار رن في الشارع يطلع يبص على العربيه ؟ اصدقائه الي غاوين ينكدوا عليه كتير وحنذكرهم واحد واحد
نبتدي بسايس الجراج لازم يدي التاتش بتاعته على العربيه الجديده اول حاجه مبروك يا باشا فين الحلاوه والتاتش بتاعه الحته الزفره الي بتعمل خرابيش وتخرب الدنيا وتحس كانه جايب كنكه وبيدعكها بسلك المواعين عشان ينضفها ؟؟؟؟؟؟؟؟؟؟؟؟
الكلاب والقطط في الشارع لازم تعمل زي الناس عليها او لو تعبانه تروح تريح عليها اصل شاريها عشان تريح عليها ؟؟؟؟؟؟؟؟؟؟؟؟؟؟ ولا حد اتسطل ولا نعس يقوم نايم عليها ولا واد مليان والديسك توب بتاعته زي الفيل يقوم مريح على الشنطه ولا الكبوت ولا على الباب ويدي التاتش بتاعه يعم روح اسند * * * * على اي رصيف ولا على تريلا تستحمل * * * * الكبيره ديه وابعد عن العربيه .. ولا العيال الي بيلعبوا كوره ولازم يطلعوا عين العربيه ولا ضربته لو طيب انا اسف ياعمو لو شراني ويسلام لو ابن جزار يبقى تختار انتا ولا العربيه هههههههههههههه
من اصدقائه الي بيعزوه بردوا الموتوسيكلات الصيني ,, التكاتك لازم شوية تجريح والزي منه .... الغشيم الي بيسوق ويخبطه ولا سواق ميكروباص الخ الخ وطبعا مش حننساه صديقه الصدوق لما يجي يركن او يطلع من الباركن وفجأه بدون اي مقدمات يطلع المارد السحري من تحت الارض بمجرد دعكه لاي بلاعه في الشارع يطلع المارد المسمى ب الساااااااااااااااااااااي س = ايوا تمام كده ياباشا هات عجله ورا عجله قدام اعمل تمنيات اديها ورا شويه تمام كده زي الفل وميخلاش الموضوع من مسحه بسيطه ولازم ياخد تيبس ,, وطبعا من اصدقائه الشحاتين لازم تسمع الزن والون بتعهم والباعه المتجولين وناهيك عن الحراميه واللصوص ... وطبعا اخر صديق ليه وده بيموت فيه جدا لانه بيريحه من هم العربيه والتعب والمصاريف بتعتها هوا قطاع الطريق بيريحه خالص يدوب يسرقها منه وخلاص ولو شراني قوم قاتل صاحب العربيه عشان ميعيش سعيد اكمنه اتخلص من العربيه بتاعته ولو شراني يطلب فديه ويرجعهاله تاني بعد ما ياخد الفلوس ههههههههههههههه
طبعا ناهيك عن فلوس البنزين الي الحكومه غلته وبقى كانه بنزين معدني ههههههه والزيت والصيانه ولو اتسرقت حيدفع ولو اتخبطت حيدفع ده غير قرف السواقه والزحمه والتزنيق ( تزنيق العربيات ) وصداع رهيب والتدوير على الباركن والحق الفرده نامت وتجديد الرخصه والشاي ...الخخخخخخخخخخخخخخخ
وتلاقيه بيصرف عليها شهريا 600 - 800 - 1500 جنيه على حسب بقى
ومع الوقت تمن العربيه بيقل واكيد ممكن تتخبط ده غير الويلات الي بيشوفها وعمره الي بيدحدر والفلوس الي بيسرفها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
فين التحويش بقى ؟؟؟؟؟؟؟؟؟؟؟؟؟
___________________________________
الشخص 2 تلاقي صحته حديد من كتر المشي والجري والنط والزق واحياناً احياناً التلزيق في النص ههههههههههههه بيهيص يعني يعني عايش عيشه هنيه ومبسوط واحيانا يعني عشان منظلموش بيتعب ويبقى فيه كأبه في الموضوع واحيانا يقولك بتلطع في الشمس ( الشمس مصدر مهم لفيتامين د) يعني اهوه صحته حلوه ولا لا ؟؟ لا بيشيل هم ركنه ولا يقعد يبوص على العربيه ولا تتسرق منه ولا اي حاجه باشا وزي الفل يقعد في المواصله من هنا يتفرج على فيديوهات من هنا .. يسمع اغاني بال ام بي فور او الايبود الصيني التاتش هههههههه وعايش حياته وعمال يبصبص ويقعد بقى يتناقش مع الناس في السياسه ويعرف اخباره غير صحبنا بتاع العربيه قاعد محروق دمه لوحده في الزحمه وطبعا هو ولا شايل هم حاجه ولا سايق ولا اي حاجه ولو تعب ممكن يريح مكانه وينام = ولو اتزنق تحت الكبري واديله هههههههه
نيجي للمصاريف نقول في اليوم رنج 5-10 جنيه واحيانا 15 و 20 جنيه يعني خلينا نقول متوسط الشخص العادي في الموصلات 300 - 500 جنيه في الشهر على حسب (مش متجوز)
وطبعا تلاقي اتبقى من مرتبه فلوس وعمال يحوش
-----------------------------------------------
مين بقى الي مبسوط في الاتنين دول ؟؟؟؟؟؟؟؟؟؟؟؟؟؟؟؟
طبعا بعد ما حكتله الموضوع ده واخيرا افتكيت منه قلت حيعقل بقى ويارتني ما قلتله المقارنه
دلوقتي بقى ينق على الناس الي بتركب مواصلات وطول مهو بيكلم حد انت يساله انت بتركب مواصلات
يقوله اه ............... يقوم قايله يبقى اكيد معااااااااااااك فلووووووووووووووووووووووو ووووووووووووووس
عليا النعمه منا معلق على كلامه التعليق ليكوا انتوا
اذا شفت الجمله ديه فا احييك معناها انك قريبت الموضوع كله للأخر واختبار الصلابه عندك .... جاري التحميل .... جاري التحميل 80 % اختبار الصلابه = 80 في الميه مبروك
https://fbcdn-sphotos-e-a.akamaihd.n...31745846_n.jpg
