-
هوندا سيفيك مو 92 !!
السلام عليكم
أولا ،، احلى تحية لكل الهنداوية اللى موجودين هنا و خصوصا استاذ سامح فؤاد اللى بشكره جدا على مجهوده الجبار هنا اللى استفادت منه كتيــــر و خلانى مفكرش فى مستعمل غير الهوندا بصراحة ،، وربنا يديك على قد نيتك ان شاء الله
ثانيا ،، بقالى فترة بدور على عربية فى حدود الــ 45 : 50 الف واستقريت على الهوندا سيفيك 92\93 si عشان عايزها اتوماتيك و فتحة سقف وتكون عربية محترمة
المهم انا لا افقه شيئ فى العربيات لا من بعيد ولا من قريب بس طبعا المنتدى هنا استفدت منه واتعلمت حاجات كتيــر مكنتش اعرفها بصراحة
من كتر ما دورت على الهوندا عرفت انها عربية محترمة جدا و بقى يقع قدامى كذا عربية و ببقى عايز اروح ابص عليها بس خبرتى فى المجال دة تمنعنى من ذلك مببقاش عارف اروح ابص على ايــه ولا اتكلم فى ايه حتى
بس ان شاء الله خلاص نويتهــا بعــون الله ،، ومفيش اكتر منكوا هيقدر يفيدنى بخصــوص العربية دى
عايز اعرف لو عجبتنى عربية وعايز خلاص اروح اشوفها اعمل ايــه بالظبط ،، اخد معايا ميكانيكى و سمكرى ولا اخدها واطلع اكشف عليها فى بنزينة محترمة ولا ايه بالظبط
وايــه الحاجات اللى لازم ادقق عليها فى العربية دى عشان مش عايز البسها فى الاخر خصوصا انها بقالها 20 سنة
ولكم جزيل الشكــر
-
ياباشا ربنا يخليك
بس انا هقولك حاجة الافضل ليك انك تاخد العربية وتتطلع على ميكانيكى متخصص هوندا فى الحرفيين يكشفلك عليها
دة افضل حل
بس طبعا بعد ماتكون كونت فكرة عن العربية هل فعلا تستاهل ولا لأ , يعنى مبدأيا كدة هتبص على الاتى /:
1- حالة العربية من عفشة ومحرك
2- كود المحرك
3- حالة ال interior بتاعة السيارة من ابواب و تابلوة و زراير وهل كلة يعمل بكفاءة ولا فية حاجة مش شغالة
4- حاول تصور العربية وخصوصا من حوض المحرك ووش العربية والصالون و وترفعهم عشان نفيدك
5- لقيت دة كلة تمام , كتقييم مبدأى تبدأ بقى تتطلع على متخصص هوندا يكشف بقى على العفشة والشاسية ويتم مطابقة ارقام الشاسية الموجودة فى السيارة والمحرك
واخيرا تعمل كبس محرك
-
-
شكرا جزيلا سامح باشا
ترشحلى مين افضل ميكانيكى فى الحرفيين ممكن اروحله
و يا ريت لو معاك رقمه او عنوانه بالتفصيل
Content Relevant URLs by
vBSEO 3.6.0 PL2