الموضوع: الحكومه تكافح لابطال صيام المصريين -_-

زمان كان التليفزيون المصري بيعرض مسلسلات و برامج اكثر في رمضان رغم انه شهر عبادة يعني المفروض شبه يقفلوا فيه الا انهم علي الاقل كنت و انا صغيرة عارفة ان مثلا الافلام و المسلسلات بيحكمها قواعد انها تكون متوافقة مع الشهر الكريم و مفيش مشاهد رقص ولا حتي كانوا بيعرضوا مسلسلات اجنبية الا حاجات اطفال و متحفظة شوية و مسلسلات مميزة مثل ليالي الحلمية و الشهد و الدموع يعني بيحترموا نفسهم لكن فجأه في احدي السنين فوجئت بمسلسل لالهام شاهين مش فاكرة اسمة من اول مشهد كانت لابسة لبس لا يتناسب ابدا مع الشهر الكريم و بعدها وجدتهم كأنهم بيقصدوا يحشروا في المسلسلات مشاهد رقص و خمر للأسف بشكل مستفز. الحمد لله ربنا تاب علينا من الفرجة . لكن كنت بشوف قبل رمضان بين البرامج اعلانات مسلسلات رمضان المستفزة. طبعا سهل ابطال المخطط بالمقاطعة. اصلا مفيش وقت خاصة بعد الافطار و التراويح و اللي بيحضر التهجد مبيلحقش حتي ينام.ليل رمضان كنز للعابد و نهاره عمل و كد لكسب العيش و ما بينهما وقت قليل.
اللهم تب علينا و بلغنا رمضان

رمضان اللى جاى يبقى السنه التالته ليا بدون متابعه اى مسلسل او برنامج تافه فى رمضان

مافيش غير خواطر لاحمد الشقيرى واذا كان برنامج لعمرو خالد وساعات لمصطفى حسنى ده ان كان فيه وقت لمتابعه ده كلو بردو

لكن الحقيقه ان رمضان بيبقى ليه طعم تانى من غير التفاهه دى عوقبال باقى ايام السنه

المفروض احنا اللى نمنع نفسنا مش الحكومه
طب ما فى امريكا كل حاجه مباحه بس فى مسلمين ويعرفو ربنا ويمكن اكتر مننا كل واحد يقدر يتحكم فى نفسه مش نفسه اللى تتحكم فيه وبعدين هو فى بلد وحكومه علشان تمنعنا ولا تساعدنا ياعم صلى

يعنى انتوا منتظرين ايه من بلد تم اختيار رقاصة ام مثالية

احنا فعلا فى انحدار اخلاقى رهيب

وسلم لى على الخلق والابداع الفنى اللى مذكور فى الدستور اللقيط.

وان ماحدش يقدر يحاسب اى حد على اى قذارة وانحطاط اخلاقى بحجة الابداع

..حلاوة الروح

وهلم جرا