الموضوع: الحكومه تكافح لابطال صيام المصريين -_-

أنا مش بتفرج في رمضان على التليفزيون غير على برنامج خواطر الشقيري وأنا بفطر بس ولو في وقت لحد صلاة العشاء ممكن أقلب على اقرأ أشوف الشيخ محمود المصري وقبل ما يقفلوا - قاتلهم الله - قنوات الناس والرحمة وباقي القنوات الدينية كنت بتفرج على برنامج "مدرسة الحياة" للشيخ الحويني
لكن اللي عايز يتفرج على صافيناز أو هيفاء أو الجن الأزرق هيتفرج محدش هيمنعه حتى لو منعوهم من رمضان
الموضوع عرض وطلب
لو منعوهم يطلعوا في التليفزيون الناس اللي عايزة تتفرج هتتفرج حتى ولو نزلوا برامجهم ومسلسلاتهم على فلاشة وشغلوها على التليفزيون أو حتى لو فتحوا النت ويوتيوب واتفرجوا !
كل واحد بيعمل اللي هو عايزه محدش بيقدر يمنعه لذلك مقدرش ألوم حكومة أو قنوات لأن لولا اللي بيتفرج على الناس دي وبيعملهم شهرة مكنوش ظهروا أساسا ، الناس هما اللي بيشهروهم بتتبعهم ومشاهدتهم ، زي ما الواحد بيسمع أغاني هابطة في الشارع لولا إن ليها زبون وناس بتحب تسمعها مكنش الناس دي طلعلها حس أصلا !
نسأل الله العافية