السلام عليكم ورحمه الله معايا ميجان 2010 الفئة الاولى كانت عايز اعرف بعد اذنكم مقاس الكاوتش المظبوط وافضل نوع كاوتش للعربية ده على الاطلاق من حيث الثبات والامان على السرعات العالية وجزاكم الله كل خير
عرض للطباعة
السلام عليكم ورحمه الله معايا ميجان 2010 الفئة الاولى كانت عايز اعرف بعد اذنكم مقاس الكاوتش المظبوط وافضل نوع كاوتش للعربية ده على الاطلاق من حيث الثبات والامان على السرعات العالية وجزاكم الله كل خير
عندي كونتينتال 16/205/55 كويس مفيهوش مشاكل بس الالماني موجود عند وكيل كونتينتال قدام سيتي سنتر مدينة نصر
16/205/55 وخليك فى الغالي تمنة فية الكونتيتنال اكتر من ممتاز ولو غالي عليك شوية خش فى البريدح ستون
انا عندي جود يير ومفهوش مشاكل وعند ابويا برده وبقالو كتير
الف شكر لكل الاخوة اللى ردوا عليا بس معلشى يا جماعة العربية الفئة الاولى زى ما قلت لحضرتكم فالمقاس 15 مش 16 كنت عايز اعرف بقى المقاس كامل يعنى 15/65/205 ولا 15/65/195 ولا ايه بالظبط وشكرا
مقاسها الاصلي
15/65/195
و نصيحة ما تطلعش 16
بالنسبة للكاوتش فهو حسب ميزانيتك
عموما البريدجستون my-02 الناس بتشكر فيه جدا
كذلك الكومهو اكستا مثلا
بالمناسبة عشان ما نلخبطكش , هي عربيتك ميجان2 دي
http://gomotors.net/photos/cf/d0/ren...ts_2f2d5.jpg?i
ولا ميجان 3 دي ؟ :)))
http://www.ukcardeal.co.uk/wp-conten...-Hatchback.jpg
لأن الاتنين فيهم 2010 تقريبا
لو عربيتك ميجان3 يبقى المقاس اللي قلتهولك غلط للعلم
بالنسبة لمقاس 16 , تطلعه لو ما بتمشيش على ارض مكسرة كتير
انا عن نفسي معايا نفس العربية (لو عربيتك ميجان2) و طلعت 16 و على كاوتش سبور ناشف كمان , و بامشي في ارض مكسرة واتخنقت من فرق نشوفية العفشة :019F3B~14:
اما لو مشيك كله في شوارع نضيفة فاطلع براحتك بس خد بالك جنوطك السبور الجديدة تبقى نفس وزن الجنط الحديد مش اتقل
بالنسبة لأنك تحافظ على الجنط ال15 و تعرض الكاوتش شوية فانا عن نفسي كنت هاعمل كده كحل يجمع بين كاوتش اعرض و عفشة اطرى , بس صرفت نظر لظروف مادية :)))
بالمناسبة المقاس الصح ساعتها هايبقى 205-60-15 , و ده عيبه انه عادة اغلى شوية
الف شكر استاذ تامر لا يا باشا عن عربيتى ميجان 2 سيدان موديل 2010 اللى فى الصورة الاولى اللى هيه 2009 بس ترخيص 2010 مش مهم السعر المهم المقاس المظبوط والكاوتش الصح