التيل واستهبال التوكيل (301) واخر ماتم

بسم الله الرحمن الرحيم

السلام عليكم ورحمه الله وبركاته

الموضوع هيبقى طويل شوية لانى هقوله بالتفصيل علشان نلاقى حل

العربية الحمد لله مفهاش مشكلة غير تيل الفرامل

من 1000 كيلو والتيل بيصفر نزلت للتوكيل فى صيانه ال 2500 استلم العربية محمد مجدى فى توكيل صلاح سالم هو اصلا فى غمرة وكان منتدب فى صلاح سالم اسبوع المهم قالى دى وساخه فى التيل قولتله مش مشكلة قالى متقلقش انت معاك لحد 20 الف كيلو لو حصل حاجة تقدر تيجى فى اى وقت تغيره فى الضمان

روحت على صيانه العشر الاف وكانت العربية عاملة 11 الاف بتصل احجز اقرب معاد فى فرع غمرة حجزت وروحت واللى استلم العربية برده محمد مجدى التيل بيصفر يا هندسة نغيره قالى معاك لاء انت كان معاك ل 9 الاف مقدرش اغيرهولك دلوقتى غير على حسابك :question2: يا عم انت هتهزر مانت قايل عشرين :khd:

قالى لاء بص احنا نصنفره ومش هيصفر معاك تانى وطبعا اى كلام خرجت من عنده تانى يوم التيل بيصفر اتصلت عملت شكاوى 19207 وحكيت بالظبط اللى حصل الكلام ده 5/5 مسؤل الجودة كلمنى 8/5 وبعد كلام كتير قالى هنبعت الشكاوى للقسم المختص ولحد النهاردة فاكس ولا حد كلمنى

نزلت امبارح فرع صلاح سالم وقولتله بص التيل بيصفر يا تبداله يا تخلينى امشى مبيصفرش جية قالى فااضلة 3 الاف وهيصفر معاك ال 3 دول قولتله خلاص

انا مش عايز التيل بتاعك واجى اركب تيل اجيبه قالى تجيبه منين قولتله هتصرف بس العربية متخرجش من الضمان قالى استنى وارد عليك اتكلم شوية قالى هتخرج مش هتكلم كتير لان الكلام اكتر والوقت كان كتير

الخلاصة مفيش تيل يركب خارجى الا والعربية تخرج من الضمان ومش هيستحمله مشكلتهم ان التيل بيصفر او ان المهندس قال اى كلام ومعاك لحد 20 الاف هنا شاف المشكلة مسؤال الجودة استاذ محمد

قعد معايا وفضل يتكلم ونهاية الكلام قالى اقول لحضرتك حاجة اتفضل قالى التيل نضف دلوقتى احنا نطلع نجرب العربية ونشوف التيل صفر ولا مصفرش قولتله ولو صفر قالى خليها لوقتها

قولتله ببساطة المهندس جية وقالى بقايله 3 الاف وهيصفر معاك فيهم قالى نجرب بس قولت ماشى

جية موظف يجرب معايا وفى منتهى قلة الذوق فضل يجرب ويقولى مفيش حاجة قولتله انزل خلينى اسوق لفينا لفتين الصوت بدا يظهر خفيف جدا بقوله اهو الصوت

قالى بمنتهى قلة الذوق (اسمع) انا سمعت الكلمة دى وخصوصا ان ده نفس الموظف اللى جرب معايا فى ال 2500 وعمل موقف مش كويس وقتها وعديته وقلت عادى بس المرة دى خلاص

وقفت بالعربية قولتله احنا مع بعض لحد اخر اليوم ونفضل نلف بالعربية لحد مالصوت يطلع وفعلا لفيت 6 مرات مثلا لحد مالصوت ظهر. ها سمعت الصوت يرد اتفضل روح بينا التوكيل اقوله سمعت يعنى

يقولى ارجع على التوكيل بصوت عالى قولتله انت شفتنى عليت صوتى علشان تعليه قالى انا كده وقفت قولت انزله ابن ال .... يرجع مشى قلت لا معلش بصتله كده وقولته والله احترامك لسنك

فضل بيرطم ويقول والله احنا محترمين اوى قولتله انت زعلان ليه انا مش عايزك زعلان قلقت اخد ذنبه وهو برده هابب جينا فى الاخر قولتله معلش انا اسف يمكن كلمتك وحش مع انى متاكد انه كان نازل معايا علشان يقولى العربية مفهاش صوت بس انا قلت ده موظف وماعرفش ظروفه اية ومش عايز افترى عليه ولا اكلمه وحش انت ماتعرفش ده عايش ازاى اعتذرلته واحنا داخلين على التوكيل وهو قالى مفيش مشكلة ونزل قال فيه صوت

لقيت مدير الفرع ومسؤل الجوده صوتهم بقى عالى على بعض ومسؤل الجوده قالى مشكلتك مشكلتى وانا لو هموت هرجعلك حقك والادارة بتاعتى على علم بموضوعك دلوقتى واستنى عليا من 24 ل 48 ساعه وهكلمك

الكلام جميل لحد دلوقتى ومش عارف اية اللى هيحصل بس انا مش هسكت على حقى وحاجة تانى نسيت اقولها لما خلصت مع المهندس وقولتله مش هغير التيل على حسابى خرج ولقيت العربية بتتقفل دخلتله هو والمدير قالى حضرتك تروح فرع غمرة وهناك الضمان المركزى ده قبل مااقعد ما استاذ محمد مسؤل الجوده وقالى العميل ملوش انه يستحمل ده او يحصل معاه كده

بالنهاية مسؤل الجودة ده راجل محترم وشوفه هتعمله اية وانا معاكوا فيه بس لو هنركب تيل خارجى محدش يقولى نخرج من الضمان

جميل جدا
بس تيل ايه اللى يخرج العربية من الضمان ، هيألشوا في دى كمان ولا ايه
مش هو قطعة استهلاكية برضه زي ما بيقولوا
على كدة بقى لو عملت خرم في الكاوتش برة التوكيل يخرج العربية من الضمان :d !!!!!!!

اصل مرتبط بالضمان في ايه اصلا معلش ؟ يعنى مثلا لو ركبت تيل سيء جدا وجيت افرمل العربية ما وقفتش ، حصل حادثة ولبست ، طب ماهو في جميع الحالات انا اللى مسؤول عن الحادثة محدش هينفعنى ساعتها !!!!!!! بصيانة توكيل بقى مش بصيانة توكيل ، لو التوكيل هو اللى مقصر مش هتعرف تثبت ده ولا تاخد حقك ، يعنى هم بيتهربوا من ضمان حاجات تافهة هيضمنولك العربية ويعوضوك لو عملت حادثة بسببهم ! اكيد لا طبعا !!!!!!


انت اصلا ما تسألوش السؤال ده ، المفروض دى حاجة من البديهيات التيل مالوش دعوة بضمان العربية لانه لا هو قطع ميكانيكية ولا كهربية وتغييره بيتم من برة العربية بعيدا عن الميكانيكا والكهربا تماما ! بالاضافة ان مفيش اكشن معين ممكن يحصل بسببه ويترتب عليه امتياز ما من امتيازات الضمان ، يبقى ازاى يخرج العربية من الضمان ؟


والاسئلة اللى زي دى هى اللى بتخليهم يسوقوا الهبل بزيادة

انا عن نفسى لحد دلوقتى الحمد لله العربية عاملة 10 الاف كيلو بس لسة ما رحتش الصيانة مش حاسس باي مشكلة في التيل لا صوت ولا اي حاجة ، لو ظهرت مشكلة مش هسكت ، لو ما اتغيرش في الضمان ، خلاص كدة شكرا توكيل انا كنت بعمل الصيانات عشان الضمان ، مفيش عندكوا ضمان ، هعيش حياتى برة ، وتيل من بتاع الـ 207 والواد بلية يركبه بـ 5 جنيه والحياة تبقى اخر حلاوة

كلام جميل وكلام معقول مقدرش اقول حاجة عنه
بص يا حودة معلش يعني بلا جودة بلازفت يروحوا يبصوا علي حاجتهم اللي زي الزفت
وبعدين شكلها كده الواحد هينفض للتوكيل ذه لان اكرم كان هناك وبيقولي اسعار قطع الغيار غليت كلها
يبقوا يشربوها بقي

اقتباس:

---

المشاركة الأصلية كتبت بواسطة amrelsaqqa

جميل جدا
بس تيل ايه اللى يخرج العربية من الضمان ، هيألشوا في دى كمان ولا ايه
مش هو قطعة استهلاكية برضه زي ما بيقولوا
على كدة بقى لو عملت خرم في الكاوتش برة التوكيل يخرج العربية من الضمان :d !!!!!!!

اصل مرتبط بالضمان في ايه اصلا معلش ؟ يعنى مثلا لو ركبت تيل سيء جدا وجيت افرمل العربية ما وقفتش ، حصل حادثة ولبست ، طب ماهو في جميع الحالات انا اللى مسؤول عن الحادثة محدش هينفعنى ساعتها !!!!!!! بصيانة توكيل بقى مش بصيانة توكيل ، لو التوكيل هو اللى مقصر مش هتعرف تثبت ده ولا تاخد حقك ، يعنى هم بيتهربوا من ضمان حاجات تافهة هيضمنولك العربية ويعوضوك لو عملت حادثة بسببهم ! اكيد لا طبعا !!!!!!


انت اصلا ما تسألوش السؤال ده ، المفروض دى حاجة من البديهيات التيل مالوش دعوة بضمان العربية لانه لا هو قطع ميكانيكية ولا كهربية وتغييره بيتم من برة العربية بعيدا عن الميكانيكا والكهربا تماما !

والاسئلة اللى زي دى هى اللى بتخليهم يسوقوا الهبل بزيادة

انا عن نفسى لحد دلوقتى الحمد لله العربية عاملة 10 الاف كيلو بس لسة ما رحتش الصيانة مش حاسس باي مشكلة في التيل لا صوت ولا اي حاجة ، لو ظهرت مشكلة مش هسكت ، لو ما اتغيرش في الضمان ، خلاص كدة شكرا توكيل انا كنت بعمل الصيانات عشان الضمان ، مفيش عندكوا ضمان ، هعيش حياتى برة ، وتيل من بتاع الـ 207 والواد بلية يركبه بـ 5 جنيه والحياة تبقى اخر حلاوة

---

انا سالته عن الموضوع ده اول حاجة ان اقوله انى عندى بديل والتانى انى هركبه عنده لانى فى التجمع مفيش صناعيه وكان معايا لانوس تعبونى معاهم ومش عايز حد غير التوكيل يجى جنبها لانى جايبها زيرو علشان اريح دماغى من قرف الميكانيكية اللى ميفهومش حاجة

ولو على البديهات فيه صوت طالع من التيل وبيقول لو غيرته مش هيبقى فيه صوت اقوله فيه مشكلة يقولى لاء طيب انت شفت اكتر من كده استهبال عايز اقولك انا كنت فى قمة الادب وقلت اشوف الرد هيكون اية ومستنى رد مسؤل الجوده

اقتباس:

---

المشاركة الأصلية كتبت بواسطة hema_basha

كلام جميل وكلام معقول مقدرش اقول حاجة عنه
بص يا حودة معلش يعني بلا جودة بلازفت يروحوا يبصوا علي حاجتهم اللي زي الزفت
وبعدين شكلها كده الواحد هينفض للتوكيل ذه لان اكرم كان هناك وبيقولي اسعار قطع الغيار غليت كلها
يبقوا يشربوها بقي

---

وبتغنى انا بكلمك امبارح عايز اعرف وصلت لايه لموضوع التيل علشان ادخل عليهم بقلب جامد اقولهم ابو توكيلكوا على اللى يعرفكوا

واكرم قال ان ظهرت مشكلة معاه فى التيل قولتله تعال ونهب هبه واحده عليهم مع بعض

ماعرفش اسعار قطع الغيار اللى غليت بس انا مش عايز اعمل صيانه بره ولا يفرضوا علينا حاجة فى نفس الوقت

ولو هى خربانة خربانه يبقى يتعمل معاهم الصح والواحد ياخد حقه ووقتها برده نشوف نتعامل معاهم ولا لاء

اقتباس:

---

المشاركة الأصلية كتبت بواسطة maio_do

وبتغنى انا بكلمك امبارح عايز اعرف وصلت لايه لموضوع التيل علشان ادخل عليهم بقلب جامد اقولهم ابو توكيلكوا على اللى يعرفكوا

واكرم قال ان ظهرت مشكلة معاه فى التيل قولتله تعال ونهب هبه واحده عليهم مع بعض

ماعرفش اسعار قطع الغيار اللى غليت بس انا مش عايز اعمل صيانه بره ولا يفرضوا علينا حاجة فى نفس الوقت

ولو هى خربانة خربانه يبقى يتعمل معاهم الصح والواحد ياخد حقه ووقتها برده نشوف نتعامل معاهم ولا لاء

---

ايوه انا عايز بقي اعمل معاهم الصح حتي لو الصح ده اننا نولع فبهم مش مشكلة

اقتباس:

---

المشاركة الأصلية كتبت بواسطة maio_do

وبتغنى انا بكلمك امبارح عايز اعرف وصلت لايه لموضوع التيل علشان ادخل عليهم بقلب جامد اقولهم ابو توكيلكوا على اللى يعرفكوا

واكرم قال ان ظهرت مشكلة معاه فى التيل قولتله تعال ونهب هبه واحده عليهم مع بعض

ماعرفش اسعار قطع الغيار اللى غليت بس انا مش عايز اعمل صيانه بره ولا يفرضوا علينا حاجة فى نفس الوقت

ولو هى خربانة خربانه يبقى يتعمل معاهم الصح والواحد ياخد حقه ووقتها برده نشوف نتعامل معاهم ولا لاء

---

انا معاك في موضوع هبة واحدة دي اه والله بجد ونخليها زفت علي دماغهم

اقتباس:

---

المشاركة الأصلية كتبت بواسطة Hema_Basha

انا معاك في موضوع هبة واحدة دي اه والله بجد ونخليها زفت علي دماغهم

---

يلا يا كبير نهب عليهم هبه راجل واحد :Bravo:

انا عامل 7500 بالعربية و لحد دلوقتى سمعت صفارة بسيطة مرة واحد وخلاص

بس انتوا عارفنى انا راشق فى أى مصلحه

و انا معاكوا قلبا و قالبا
بس لو ف اجازه :d

الاتحاد قوة. خمسة سته منكم عندهم المشكلة يروحو يبدأو الكلام بالأدب و لو الموضوع ما اتحلش وقتي طبعا عارفين هتعملو ايه. ربنا يقويكو و يقوينا علي الحرامية اللي في البلد ديه.

يا رجالة خدوا بالكم ان الصفارة مش هى العلامة الوحيدة ان التيل قرب يخلص.

التيل مكنش بيصفر خالص مع صاحبى وبالصدفة فكينا العجلة عشان مسمار، ببص على التيل لقيته خلصان خالص.

الحاجة الوحيدة اللى كانت بتحصل ان صاحبى كان بيشتكى من بودرة التيل كانت على طول بتوسخ الجنط.

طبعا صممت انه يروح قبل ال10 الاف وغيروله التيل فى الضمان.

قسما بالله معاكم نطربقها على دماغهم

اقتباس:

---

المشاركة الأصلية كتبت بواسطة wel781

انا عامل 7500 بالعربية و لحد دلوقتى سمعت صفارة بسيطة مرة واحد وخلاص

بس انتوا عارفنى انا راشق فى أى مصلحه

---

صوت الصفارة لو زاد تبقى فيه مشكلة واطلع معانا فى المصلحه دى بس تيجى بالوش ده :019f3b~14:

اقتباس:

---

المشاركة الأصلية كتبت بواسطة akram.gamal

و انا معاكوا قلبا و قالبا
بس لو ف اجازه :d

---

اجازتك هتبدا امتى ؟

اقتباس:

---

المشاركة الأصلية كتبت بواسطة svneleven

الاتحاد قوة. خمسة سته منكم عندهم المشكلة يروحو يبدأو الكلام بالأدب و لو الموضوع ما اتحلش وقتي طبعا عارفين هتعملو ايه. ربنا يقويكو و يقوينا علي الحرامية اللي في البلد ديه.

---

يا رب والاحسن انها تكون اكتر من خمسة ستة مننا لان المشكلة اكتر من العدد ده

اقتباس:

---

المشاركة الأصلية كتبت بواسطة damasry

يا رجالة خدوا بالكم ان الصفارة مش هى العلامة الوحيدة ان التيل قرب يخلص.

التيل مكنش بيصفر خالص مع صاحبى وبالصدفة فكينا العجلة عشان مسمار، ببص على التيل لقيته خلصان خالص.

الحاجة الوحيدة اللى كانت بتحصل ان صاحبى كان بيشتكى من بودرة التيل كانت على طول بتوسخ الجنط.

طبعا صممت انه يروح قبل ال10 الاف وغيروله التيل فى الضمان.

---

المشكلة مع الصفارة مش ان التيل يخلص وبس صوت الصفارة كفاية مانا عندى 13 الاف وهيكمل ل 16 على كلامهم وبيصفر بردة

اقتباس:

---

المشاركة الأصلية كتبت بواسطة amr hussain

قسما بالله معاكم نطربقها على دماغهم

---

ايوة هى دى الروح اللى مطلوبة :019f3b~14: :019f3b~14: :019f3b~14:

لازم شكوي مجمعه ضد توكيل بيجو و نيسان او حتي نكلم جهاز حمايه المستهلك انه يتم تغيير التيل بره التوكيل
لان اعتقادي ان التوكيلين اشتروا كميات كبيره من التيل الصيني الرخيص و ده السبب الوحيد اللي بيخليهم يقولون ان التيل يخرج العربيه من الضمان
و الا لو الناس كلها غيرت التيل بره التوكيل هيلبسوا هم التيل الصيني ابو 40 جنيه اللي بيبعهولنا ب500 جنيه

اقتباس:

---

المشاركة الأصلية كتبت بواسطة ashrafwolf

لازم شكوي مجمعه ضد توكيل بيجو و نيسان او حتي نكلم جهاز حمايه المستهلك انه يتم تغيير التيل بره التوكيل
لان اعتقادي ان التوكيلين اشتروا كميات كبيره من التيل الصيني الرخيص و ده السبب الوحيد اللي بيخليهم يقولون ان التيل يخرج العربيه من الضمان
و الا لو الناس كلها غيرت التيل بره التوكيل هيلبسوا هم التيل الصيني ابو 40 جنيه اللي بيبعهولنا ب500 جنيه

---

كان فيه موضوع خاص للشكاوى حماية المستهلك الاهم من كده اننا ننزل كلنا نزلة رجل واحد على التوكيل :36_7_4[1]:

انا عندي الجنط كله متغطي بدره سوده و كل لما انضفه و امشى مشوارين شكله يتحول للون الاسود من البدره اللى عليه
و لما رحت التوكيل اشتكي من صوت خفيف جدا فى التيل الامامى قالى انه صنفر التيل و ان التراب و مايه الغسيل السبب .. و لاقيت خربش فى الطنبوره بقي شكلها وحش بعد ما كانت بلمعتها لسه :(
انا ماشي 4000 كيلو دلوقتى و مش بسمع صوت بس مش مطمن لمستقبل التيل معايا :)

اقتباس:

---

المشاركة الأصلية كتبت بواسطة mahmed0100

انا عندي الجنط كله متغطي بدره سوده و كل لما انضفه و امشى مشوارين شكله يتحول للون الاسود من البدره اللى عليه
و لما رحت التوكيل اشتكي من صوت خفيف جدا فى التيل الامامى قالى انه صنفر التيل و ان التراب و مايه الغسيل السبب .. و لاقيت خربش فى الطنبوره بقي شكلها وحش بعد ما كانت بلمعتها لسه :(
انا ماشي 4000 كيلو دلوقتى و مش بسمع صوت بس مش مطمن لمستقبل التيل معايا :)

---

الراجل لسه قايل على موضوع البودرة لازم تكشف على التيل لانه كده ممكن يخلص ويدخل على الطنبورة شوفه من فترة لفترة وشوف لو فيه فرق او بينقص بسرعه وتقدر تروح بالمشكلة لو الطنبورة حصلت فيها حاجة وانت لسه فى الضمان بس متنامش على المشكلة وتسكت عليها

اقتباس:

---

المشاركة الأصلية كتبت بواسطة mahmed0100

انا عندي الجنط كله متغطي بدره سوده و كل لما انضفه و امشى مشوارين شكله يتحول للون الاسود من البدره اللى عليه
و لما رحت التوكيل اشتكي من صوت خفيف جدا فى التيل الامامى قالى انه صنفر التيل و ان التراب و مايه الغسيل السبب .. و لاقيت خربش فى الطنبوره بقي شكلها وحش بعد ما كانت بلمعتها لسه :(
انا ماشي 4000 كيلو دلوقتى و مش بسمع صوت بس مش مطمن لمستقبل التيل معايا :)

---

باشا ياريت ترجع للتوكيل وتكشف على التيل لان ممكن التيل يكون بيتاكل منك بسبب البودرة السوداء دى

البودره دى انا شفتها بعد ما رحت الصيانه .. و قبل الصيانه ولا كان فى حاجه غير صوت صفاره هاديه جدا على اخر 20 سم و العربيه بتقف .. الصفاره اختفت و ظهرت البودره دى :(

روح لاى واحد بتاع كاوتش وفك العجل وشوف سمك التيل بقى قد ايه

ذهبت أول أمس لزيارة مريض بالمقطم ، وكنت أسير بسرعة هادئة (70 - 80 كم/ساعة) على الأتوستراد ، شميت رائحة " كاوتش محروق" ، فاستغربت وقلت لربما من المناطق المحيطة بالطريق ، ولكن ركزت فى سبب الرائحة وجدتها تظهر بعد ضغطى على الفرامل ، معنى هذا ان تيل الفرامل ردئ جداً ، ولايمكن أن يكون تيل فرامل ، أعتقد أنه "فبر" الذى تصنع منه الألعاب الصينى، عند وصولى المنزل حاولت أن أعرف سماكة التيل بالنظر إليه دون فك العجلة فلم أسطع.
على فكرة عندى بجو 505 ولم أشم منها هذه الرائحة مطلقاً إلا فى حالات نادرة جداً عندما أضغط على الفرامل مرات متتالية للتهدئة من سرعات عالية ، كما يمكن أن ترى سماكة التيل بالنظر إليه من خلال " الجنط" ودون أن تفك العجلة .

يعنى اللى بيشتكى من صفارة بالفرامل يروح توكيل يغير التيل قبل 10000 الاف كيلو لو قالو وساخة وهنصنفره يبقى لا انا عايز اغيره فى الضمان غير كدة لا عشان بعد 10000 الاف هيغيروه على حسابك

استهتار بالعميل اللى هم اصلاً عايشين من فلوسو حاجه غريبه بجد التوكيلات فى مصر بيتعاملو كانهم شغاليين ببلاش والعميل موظف عندهم

اقتباس:

---

المشاركة الأصلية كتبت بواسطة amrelsaqqa

جميل جدا
بس تيل ايه اللى يخرج العربية من الضمان ، هيألشوا في دى كمان ولا ايه
مش هو قطعة استهلاكية برضه زي ما بيقولوا
على كدة بقى لو عملت خرم في الكاوتش برة التوكيل يخرج العربية من الضمان :d !!!!!!!

اصل مرتبط بالضمان في ايه اصلا معلش ؟ يعنى مثلا لو ركبت تيل سيء جدا وجيت افرمل العربية ما وقفتش ، حصل حادثة ولبست ، طب ماهو في جميع الحالات انا اللى مسؤول عن الحادثة محدش هينفعنى ساعتها !!!!!!! بصيانة توكيل بقى مش بصيانة توكيل ، لو التوكيل هو اللى مقصر مش هتعرف تثبت ده ولا تاخد حقك ، يعنى هم بيتهربوا من ضمان حاجات تافهة هيضمنولك العربية ويعوضوك لو عملت حادثة بسببهم ! اكيد لا طبعا !!!!!!


انت اصلا ما تسألوش السؤال ده ، المفروض دى حاجة من البديهيات التيل مالوش دعوة بضمان العربية لانه لا هو قطع ميكانيكية ولا كهربية وتغييره بيتم من برة العربية بعيدا عن الميكانيكا والكهربا تماما ! بالاضافة ان مفيش اكشن معين ممكن يحصل بسببه ويترتب عليه امتياز ما من امتيازات الضمان ، يبقى ازاى يخرج العربية من الضمان ؟


والاسئلة اللى زي دى هى اللى بتخليهم يسوقوا الهبل بزيادة

انا عن نفسى لحد دلوقتى الحمد لله العربية عاملة 10 الاف كيلو بس لسة ما رحتش الصيانة مش حاسس باي مشكلة في التيل لا صوت ولا اي حاجة ، لو ظهرت مشكلة مش هسكت ، لو ما اتغيرش في الضمان ، خلاص كدة شكرا توكيل انا كنت بعمل الصيانات عشان الضمان ، مفيش عندكوا ضمان ، هعيش حياتى برة ، وتيل من بتاع الـ 207 والواد بلية يركبه بـ 5 جنيه والحياة تبقى اخر حلاوة

---

علشان الطنابير يا باشا , لو التيل اللى بره عمل فيها ريجه مش هايغيروها لك و ها يقول لك التيل ده مش بتاعنا

اقتباس:

---

المشاركة الأصلية كتبت بواسطة yasser100

علشان الطنابير يا باشا , لو التيل اللى بره عمل فيها ريجه مش هايغيروها لك و ها يقول لك التيل ده مش بتاعنا

---

اوك خلاص يبقى ضمان الطنابير مش ضمان العربية بحالها

مع انك برضه لو بالتيل بتاعهم ونسيت والتيل خلص على 15 الف مثلا وبوظ الطنابير ، برضه هيقولك مع نفسك مش هيضمنلك الطنابير ولا حاجة !

اقتباس:

---

المشاركة الأصلية كتبت بواسطة amrelsaqqa

اوك خلاص يبقى ضمان الطنابير مش ضمان العربية بحالها

مع انك برضه لو بالتيل بتاعهم ونسيت والتيل خلص على 15 الف مثلا وبوظ الطنابير ، برضه هيقولك مع نفسك مش هيضمنلك الطنابير ولا حاجة !

---

كان.قالولي في مرة ضمان الطنابير عشرين الف كم عشرين وكيلو ميعرفكش

الكلام ده مش ثابت لان كله بالبق اصلا :d

اقتباس:

---

المشاركة الأصلية كتبت بواسطة amrelsaqqa

الكلام ده مش ثابت لان كله بالبق اصلا :d

---

الطنابير عشرين الف فلو تيلهم خلص وبظ الطنابير قبل العشرين هيتيغير عليهم وعلشان كده بياكد عليك ف صيانه العشر الاف ويقولك التيل فاضلوا كذا

اقتباس:

---

المشاركة الأصلية كتبت بواسطة maio_do

اجازتك هتبدا امتى ؟

---

انا لسا راجع
اول ماتأكد م المعاد هقولك

اقتباس:

---

المشاركة الأصلية كتبت بواسطة maio_do

اجازتك هتبدا امتى ؟

---

انا لسا راجع
اول ماتأكد م المعاد هقولك

متابع