للمشاركة :- ماهو تعريف او معنى متعة القيادة

السلام عليكم

جايب لكم موضوع انما ايه هيسبب هيجان جامد فى المنتدى

ألا وهو ماهو معنى متعة القيادة؟

كثيرا مانجد هذا التعريف فى تعليقات تقييم السيارات أو اعلانات سيارات او على لسان بعض المتعصبين لسياراتهم

انما الحقيقة ان مايمتعنى ليس بالضرورة ان يمتعك او يمتع غيرك

ثم ماهى المتعة فى القيادة أساسا ؟ هل هى الأحساس بالفخامة - أو القوة - أو الراحة - والا السرعة - والا الأوبشنز الكتير - والا القدرة على المناورة والدرفتات - والا الثبات -والا العملية - والا طول عمر اجزاء العربية والا الاعتمادية - والا انها تكون عالية عن الارض علشان المطبات - والا يمكن الراحة داخل الكابينة والعفشة الناعمة - والا تمنها نفسها - والا تمن اعادة بيعها - والا قطع غيارها وتوفرها او رخصها -
طبعا مفيش سيارة بتجمع ده كله فى سيارة واحدة

عاوزين مشاركة من الجميع بقى

من رأيى ان شخصيا
هى ان تستجيب السيارة لكل متطلباتك - يعنى تدوس بنزين وعاوز سرعة تديك سرعة
عاوز تعمل غرزة او مناورة سريعة برضه تستجيب ليك
تكون مريحة فى قيادتها وخاصة العفشة والكراسى

انتو ايه رأيكم؟

من رأيى
ان الطريق يبقى فاضى

بالنسبه ليا المتعه فى القياده بتكون فى السحب القوى والكيك داون والتجميع السريع والمناوره وراحه الركوبه والاحساس بالفخامه بالشكل الداخلى والخارجى

متعة القياده سحب سلس مع احساس بالعزم على السرعات المنخفضه و صوت موتور مميز و ده بيكون بيصاحبه ثبات و هاندلنج مع كرسي مريح و عدادات جميله مع عجلة قياده سبور
وانك تحس ان العربيه عمرها ما بتخذلك و مش شرط انك تحس بالمتعه فقط اثناء السحب

متعقة القيادة عربية قوية ثابتة مريحة وشوارع فاضية وهواء كويس

بالنسبه ليا متعة القياده هي ان العربيه تنفذ ليك كل طلباتك و بالاسلوب و الطريقه اللي انت بتفضلها او حتي رسمتها في خيالك و كانها متصله بمخك علي طول

دي بتختلف فعلاً من واحد للتاني
بالنسبالي المتعة فإني اكون راكب عربية ماركة لإن دا بيديك احساس انك راكب شئ قيم
+ سحب وثبات العربية

متعة القياده هى ان تسير بسرعة 110 فقط الى ان تصل مسترخى الاعصاب الى الهدف وجهة نظرى

اصل اللى راكب عجله و اديتلو 128 عل طريق حيبقى مبسوط
و اللى راكب بي ام لو اديتله جاجوار حيبقى مبسوط
و هى دى النسبيه

انتو نسيتو اهم حاجه
الطريق نفسو

تخيل نفسك راكب سيارة بمواصفات معقوله و انت بتحبها و مريحاك و ماشى على طريق ساحلى جمبك شط البحر و الهوا مع الاشجار ....طريق ناعم حرير ... معاك حد بتحبه
و يا سلام لو مكشوفه

هىا دى متعه القياده

متعه القياده بالنسبالي اني اكون ماشي بعربيه قويه و حاسس بعزمها تحت رجلي لكن ماشي بهدوء على طريق واسع و قافل زجاجي و مش سامع حاجه و ريلكس على الاخر هوا ده تعريف متعه القياده عندي

So what is the best car will give you the driving pleasure?

tell Me

Regards

انا تخيلي ان bmw e46 هيا اللي حتديني متعه القياده (ح) مش متأكد يعني واكيد البحث مستمر

في رأيي متعة القيادة هي
الراحة داخل العربية .. عشان لو العربية لو مش مريحة مش هتستمتع بأي حاجة
سهولة القيادة
ركوبة العربية والقاعدة جواها
سرعة استجابة العربية سواء من الفرامل او دوسة البنزين او المناورات

وعموما المتعة بتتلخص في القيادة في جو هادئ نسبيا وانت اعصابك هادية ومش هامك حد من اللي حواليك

متعة القيادة بالنسبة لى هى التوافق بين السيارة وقائدها
يعنى السيطرة الكاملة للقائد على السيارة بنسبة 100 % الا فى الظروف القهرية طبعا
يعنى تقدر تقول نوع من الكيميا بين القائد والسيارة
تحياتى

الاخوة الكرام
ان تعريف متعه القيادة لكل شخص اشبه بتعريفة لمتعه التذوق او الحب او السعاده

فمع احترامي لكل الاراء و تقديري للجميع

الا انها مسئله نسبيه كمن يسالك هل تحب النوم علي ظهرك او جنبك الايسر ام الايمن

و بناء عليه

فالمتعه عادة تاتي من التلذذ بالشئ نفسه

فقياده السيارة شئ ممتع في حد ذاته لكن وسائل الترفيه الداخليه كسماع الموسيقي و التكييف في الحر المذهل في الايام دي تساعد علي زيادة المتعه

ووسائل الترفيه الخارجيه كالطريق الممهد و عدم وجود مطبات كل متر دا شئ بيرحمك من التركيز و بيريح عقلك و دا يقودك للمتعه بخلاف الناس اللي بتنط قدامك كل 10 متر و لازم تخاف عليهم طبعا

اذن المتعه في القياده شئ مستحيل الا في الافلام القديمه لما تلاقي الشوارع فاضيه
و مفيش تراب و لا ناس و زحمه

اعتقد الهدوء و السكينه في عمل اي شئ و ( بمزااااااااااج ) هو دا قمه المتعه

حتي لو سايق عجلة او حتي اسكوتر