النترا 2008

**Al-Sherbeeny** · 13-05-2014 05:44 PM

السلام عليكم ورحمة الله وبركاته...
عندي صديق عزيز جدا معاه النترا كاملة مانيوال 2007 او 2008 مش فاكر... وهو المالك الاول
المهم عمل حادث على المحور وكلمني ورحت اخدتو ورفعنا العربية على ونش وراح صلحها وغيرلها نص خلفي كامل وبعض التصليحات من قدام ودلوقتي العربية اتصلحت وتمام التمام.
ودلوقتي هو عايز يبيع بــ 63الف
وطبعا ليا انا سعر تاني ( في حالة ان انا اللي اشتريت)
المهم انا معايا 60 الف وعايز اشتري عربية هيونداي بالذات.
اشتري فيرنا موديل 2012 مثلا ولا اجيب العربية دي واحاول اشدها بحوالي 10 الاف جنيه (طبعا بعد ما احوشهم)...
وشكرا على الرد مقدماً...

**ozy2026** · 13-05-2014 06:13 PM

عاوز تشد فيها ايه ش بتقول انها اتصلحت وبقت كويسه
لو انت مش فى دماغك التغيير وهتركبها فتره كبيره يبقى خدها
بس المهم ميكونش فى مشاكل فى العجل اللى ورا والعربيه يكون مشيها مظبوط عالطريق

**elmeniawy** · 14-05-2014 11:58 AM

عربية متغيرلها نص خلفي تشتريها ليه هي كده انتهت حرام عليك تحط فيها فلوس عمرها ما هترجع لاصلها تاني

**Al-Sherbeeny** · 14-05-2014 12:02 PM

انا اهم حاجة عندي ان العربية مايبقاش لحامها مش مظبوط (تكون مشيسة او معوجه)
لو هي مش معوجه كدا ممكن اخدها اضبط لحامتها بشكل افضل بحيث اكون مطمن انها ماتقسمش
ولا الموضوع دا اصلا كلو مش نافع وبلاش منها احسن؟؟
المشكلة في الفيرنا انها خفيفة جدا
وانا كل الطرق بتاعتي سريعه وانا اصلا بسوق بسرعة والفيرنا من غير حاجة بتطير لوحدها وبتلبس في اي حاجة...
وشكرا للرد مقدما بردوا

**Al-Sherbeeny** · 15-05-2014 01:30 PM

يارب

**mummy_47** · 15-05-2014 02:00 PM

المشاركة الأصلية كتبت بواسطة elmeniawy

عربية متغيرلها نص خلفي تشتريها ليه هي كده انتهت حرام عليك تحط فيها فلوس عمرها ما هترجع لاصلها تاني

ده على اساس ان في الحرفين مش بيجمعوا انصاص عربيات بي ام ويبيعوها باسعار خزعبلاية

**ahmedelrayan** · 15-05-2014 02:46 PM

لو انتى ميفرقش معاك خدها لكن لو هيفرق بلاش تخدها عشان متعقدش منها وبعدان اعادة بيعها هتبقى صعبة شوية

**mummy_47** · 15-05-2014 03:23 PM

ممكن سؤال : ازاي اعرف وانا رايح اشتري ان العربية مش متغيرلها نصين او ملحومة مثلا؟ ..اعتقد عشان اعمل كده..لازم اشيل فرش القوايم والكراسي وفرش الصالون واخلي العربية على اللحم....هل ده ممكن يحصل لو انت بتشتري عربية .؟؟ ..خلي بالك ان فيه شغل في الحرفيين ..لو اجدعها سمكري مش هيعرفها ابدا....وخليني اشكر البائع على امانته انه قالك المعلومة ديه....

**msobhy** · 15-05-2014 03:52 PM

هاقولك حاجتين عارف انهم عكس بعض
أولا ما تاخدش العربيه ديه لأنها مغيره نص ونفسيا هاتبقى مقلق منها ومش مستريح - لكن الميزه انك هاتاخدها بسعر كويس ولما هاتبيع مش هاتخسر

ثانيا كل العربيات اللى فى السوق اغلبها بطيخ أقرع - مهما كنت خبره ممكن يضحك عليك

لو مكانك ممكن اخد العربيه ديه لو بسعر لقطه - لكن بشرط تاخدها تستخدمها لمدة أسبوع كامل سواء جوه البلد أو بره البلد ----- غير كده يبقى لأ