هيا زيوت مواتير شل عمرها اطول من موبيل و لا ان بيتهيألي؟
كلاكيت عاشر مره ( بعد الاف )
السلام عليكم
معلش يا جماعة موضوع الزيوت للمره المليون
بس تحديدا المره دية الزيوت التخليقية و نخض بالذكر النوعيين الرئيسيين في السوق
موبيل1 و شل الترا
انا باستعمل الاولاني لاني علشان انا من اسكندرية و مفيش مكان معتمد للشيل غير التوكيل الي لا اثق فية لتغيير الزيوت ( غالبا بيحط زيت زيادة عن المنسوب دا لو حط الزيت الي انت شارية اصلا او ما يغيرش الفلتر بتاع الزيت و يقولك غيرتة و بالمناسبة انا عندي دليل ان دا بيحصل )
زيت موبيل 1 جميل طبعا و ممتاز و ما فيش مقارنة في حالة الموتور لما كنت باستعمل زيوت عادية و حاليا مع موبيل1 ( صوت و اداء و سحب العربية و السخونة و دوران الصبح و الاهتزاز و في الزحمة الخخخخخخخ)
بس المشكلة اني حاطط الزيت من حوالي سبع شهور و عامل بية اقل من 6 الاف كيلو و بدأت الاحظ انة بدأ يخف او يفقد خواصة دا غير ان ريحتة بقت شياط بالرغم من ان اداء الموتور زي الفل جداااا و يمكن احسن كمان لما الزيت لزوجتة خفت في الايام الاخيره ( مش عارف يمكن تحسن زائف حيصحبة تفويت او اذية للمحرك و لا اية الله اعلم )
دا غير اني حاسس بنقص بسيط جدا في منسوب الزيت ( الموتور سليم ) مش عارف دا يمكن يكون البخر الي بيقولوا علية و لا اية بالضبط
المهم اني مستخسر انزل الزيت لاني لسة ما كملتش حتي بية 6 الاف
في ناس ببتكلم عن شل الترا و بتقول ان احسنلي و مستورد لانة ممكن يقعد لحد سنة او كيلو متر اعلي يعني ممكن لحد 15 الف !!! الله اعلم
و الي انا لاحظتة بصراحة في زيوت موبيل عموما انها غالية جدا و مش قد كدا يعني مثلا بالنسبة للاكس اتش بي اغلي من شيل الاصفر بشوية بس الشيل الاصفر افضل في المحرك و عمره اطول
الشيل المونو كنت باحطة في العربيات القديمة من قريب يعني من شهور قليلة بس بصراحة ادأئة ممتاز و بيقعد لحد ما كنا بنزهق منة بالرغم ان الموتور كان مفوت و افضل من نظيره في موبيل موبيل عموما زيوت غاليا جدا و مش افضل الانواع و خصوصا في العمر و دا واضح للانواع التقليدية و ناس كتيره اجمعت علية اعتقد ان الفرق دا موجود برضة بالنسبة للتخليقي في الاتنين
فا اية رايكم يا جماعة شيل الترا ( لو قولتولي علية حابعت اجيبة من مصر )
و لا اخليني علي الموبيل 1 الي بدأت ازعل منة ( علشان العمر بتاعة بس) بس من مكان مضمون هنا في اسكندرية
خصوصا ان باقعد الزيت كتير في الموتور و كيلو متر قليل و معظم مشيي sever drive وسط البد و الزحمة و القرف او شد و حرق احيانا
يا ريت حد يفيدني يكون جرب الاتنين في عربية جديدة
شكرا و السلام عليكم
