ارغب فى شراء سيارة فيات 128 مستعملة بالتقسيط

السلام عليكم ورحمة الله وبركاته
أنا اسمى / أبو حنين
ارغب فى شراء سيارة فيات 128 مستعملة بالتقسيط من أى فرد بشرط أن لا يكون هناك فوائد بنكية ، مع استعدادى لاعطائه كافة الضمانات التى يطلبها والتى سوف نتفق عليها.
قد يكون طلبى هذا غريب على بعض الأشخاص ولكنى أخشى الله من الوقوع فى شبهة الربا أو فى اى شئ حرام.
من لديه الرغبة فى بيع سيارته لى فإنه يمكنه مراسلتى على البريد الاليكترونى Abuhanyean@yahoo.com ويمكنه أيضا أن يرسل لى كافة البيانات الخاصة بهذه السيارة والشروط التى يريدها وأن يرسل لى البريد الاليكترونى الخاص بة لمراسلته عليه.
وشكرا
أبو حنين
القاهرة
الجمعة الموافق 10 أكتوبر 2008

اخى الفاضل
جزاك الله خيرا واكثر من امثالك , طبعا الواحد لازم يتحرى كل تعاملاته المادية
ولكن اعتقد من الصعب حضرتك تلاقى تقسيط كدة
ممكن حضرتك تعمل زى منا عملت مثلا (نصيحة من اخ لاخوة يعنى)
عملت جمعية وكملت عليهم وجبت عربية صغيرة على اد فلوسى وصاحب القرش صياد ده حل (لان متهيئلى لو حضرتك قبلت حد يقسط لك بالطريقة الى حضرتك ذكرتها ممكن تكون العربية وقعة واقعة وملهاش قومة وتخليك تندم انك اشتريتها وهيكون عليها لسة اقساط طبعا )

وممكن حضرتك تراجع المنتدى فى الجزء ده جايز ينفع حضرتك كل الاخوة بتتناقش عن نفس الموضوع
http://www.nilemotors.net/Nile/showt...t=5618&page=39
وفققك الله لما فيه خيرا
والسلام عليكم ورحمه الله وبركاته

الاستاذ / kefafy
جزاك الله عنا خير الجزاء
على فكرة وأنا بكتب طلبى السابق أنا عارف ومتأكد ان شاء الله إن ربنا هيقدمللى اللى فيه الخير واللى أنا معرفهوش ويعلمه الله فقط.
بس حاولت بان أنا اعرض وجهه نظرى وربنا يسبب الأسباب.
وربنا يكرمك على نصيحتك الغالية ومرة اخرى جزاك الله عنا خير الجزاء
الحمد لله على نعمة الاسلام وكفى بها نعمة
وشكرا لهذا الموقع الرائع الذى يضم نخبه من الأفراد المحترمين
أبو حنين

الاخ ابو حنين
انا سعيد جدا لدعوات حضرتك
وطبعا طالما بتتحرى الحلال يبقا إن شاء الله ربنا هيعملك كل خير
وحبيت اوضح لحضرتك الصورة بس عشان تبقا عارف ان ممكن تلاقى فعلا عروض بس العربية زى مقلت لك ممكن هتكلفك اكتر من تمنها
وانا حكيت لحضرتك عن تجربتى الشخصية
وانا تحت امرك فى اى حاجة
واهلا بيك كاخ فى المنتدى
والسلام عليكم ورحمه الله وبركاته