لو استهلاك الوقود 5 لتر لكل 100 كم .. ليه اشتري سكوتر؟؟
كنت بسألكم يا شباب..
أنا أعرف ان استهلاك السكوتر في المتوسط 5 لتر لكل 100 كم يعني 400 كيلو لكل 20 لتر في حين ان اللانوس ممكن تعمل 300 كيلو في ال 20 لتر !!
طيب ليه اشتري سكوتر و أعرض نفسي لخطر الحوادث علشان 100 كيلو زياده في الصفيحة؟
كمان أنا مشواري من وسط البلد لأكتوبر رايح جاي بيعمل 60 كيلو يعني كل يوم تقريبا لازم أمون لأن معظم السكوتر بيكون سعة الخزان فيه 5 لتر !!
أنا بسأل علشان أنا مهتم بموضوع السكوتر ده خاصة ان سعره معقول جدا و الموديلات الجديدة حلوة أوي بس أنا برده بحسبها من الناحية الاقتصادية و العملية.
و شكرا ...