مشكلة فى الار بى ام سيات ابيزا ٢٠٠٦

**Fed2003** · 14-05-2014 12:46 AM

السلام عليكم
معلش عندى مشكلة بسيطة فى العربية وهى ان التكييف عنى باظ ولما رحت اشوف ماله لقيت ان سربنتينة التكييف مخرومة والبلف كمان بايظ المهم لحمت السربنتينة وغيرت البلف وبعدين كنت مشغل التكييف ووقفت فى مكان فلما جيت اطفى التكييف والعربية دايرة لقيت الار بى ام على ووطى وبعدين بقى طبيعى المهم محطتش فى دماغى
وبعدين فى نفس اليوم رحت بيها مشوار والمرة دى التكييف مكنش شغال وكنت داخل على اشارة فمورت عشان اهدى برضه لقيت الار بى ام لعب تانى وبعدين بقى طبيعى كده بقى بدأت اتوغوش لان موضوع الار بى ام ده حصل معايا قبل كده وفضل قارفنى بتاع شهرين لحد مرحت غيرت البوجيهات فى التوكيل عشان هى اللى كانت السبب
وتانى قلت اجرب بليل واشوف هيحصل تانى ولا لا برضه دورت العربية وشغلت التكييف لقيت الار بى ام عمل نفس الحاجة وبعدين بقى طبيعى طفيت ودورت بتاع عشرين مرة لقيت الار بى ام مفيهوش حاجة
ملحوظة الكلام ده كله النهارده وعاوز اعرف ايه ممكن يكون السبب عشان لما ارجع لبتاع التكييف ميبوظش حاجة
افيدونى ارجوكم

**hossamalsadik** · 14-05-2014 11:39 AM

العيب ده مش عيب بوجيهات ده بوابه كنترول مهيس حساس
الموضوع ده بيحصل لما تكون العربيه سخنه فقط
طيب ماتجرب تكشف كمبيوتر أثناء المشكله وشوف هيدى ايه

**hossamalsadik** · 14-05-2014 04:23 PM

شيل كبل الموجب والسالب مدة نصف ساعه راستر يعنى وبعدين رجعهم تانى وجرب
أو جرب عمل Reset على جهاز كشف الاعطال
الفكره ان عاوز أتأكد أن كمبيوتر العربيه أعاد ضبط نفسه وكمان يستشعر كل الاجهزه والحساسات المتصله بيه عشان ياخد منه القراءات ويبدأ يدى الاشاره المظبوطه فى التوقيت المناسب دون تأخير لما حاجه تشتغل
وعمتا ديه مش مشكله جمده فامتقلقش

**SYD** · 15-05-2014 02:37 AM

انا اعتقد انها مجرد بوابة دخول الهوا عايزة تتنظف
لأن العربية طبيعية معاك وكل حاجة تمام
خليك ماشي بيها علي كدة شوية ولما الأر بي ام يبقي دة طبيعة شغله ساعتها هتعرف تشخص المشكلة بشكل افضل

والله المستعان
،
،