-
استفسار ضرورى من فضلكم
انا إن شاء الله هبيع العربية ولكن المشترى رافض يعمل عقد بيع وبيقول انه هيعمل توكيل علشان يستفيد بباقى المدة الموجودة بالرخصة ، وانا طلبت منه انه فى الحالة دى نعمل توكيل ولكن مقفول يعني مينفعش يرخص بيه لما تخلص المدة ولازم ينقل الملكية .. سؤالى هو هل ممكن هو يبيع العربية تاني لشخص اخر بتوكيل مفتوح وتفضل الرخصة تتجدد بإسمي .. ولا التوكيل المقفول بيمنع حدوث ده .. وإزاى اخلى مسئوليتي عن العربية تماما هل يعمل اقرار استلام ونوثقه فى الشهر العقارى وهل ده يكفى ... ؟؟
-
1- لو كتبت فى التوكيل ( البيع لنفسه فقط ) كده يبقى هو يقدر يحتفظ بالعربيه لحد ما الرخصه تنتهى و بعدين ينقل ملكيتها باسمه و يرخصها برضه باسمه و فى الحاله دى ميقدرش يجدد رخصتها باسمك .
2- لو كتبت فى التوكيل ( البيع لنفسه او للغير ) بكده يقدر يعمل كل اللى فى رقم 1 و زود عليه انه يقدر ينقل ملكيتها لشخص اخر و برضه فى الحاله دى ميقدرش يجدد رخصتها باسمك .
3- لو كتبت ( البيع لنفسه او للغير و توكيل الغير ) بكده يقدر يعمل اللى فى رقم 1 و رقم 2 و زود عليهم انه يقدر يبيعها لشخص اخر بتوكيل و الشخص الاخر ده يقدر ينقل ملكيتها باسمه و يرخصها باسمه و برضه ميقدرش يجددها باسمك .
4- لو كتبت ( البيع لنفسه او للغير و توكيل الغير والتجديد ) بكده ممكن العربيه تتنقل من شخص لاخر لمدة 20 سنه و الرخصه باسمك . و ده هو اللى غلط .
و ممكن برضه فيه اقتراح لو هو مش ناوى يبيع العربيه لاى شخص و عاوز بس يستفيد بفترة الرخصه ممكن تعمله عقد بيع فى الشهر العقارى و لكن ميمضيش فيه مشترى . و بكده يقدر يحتفظ بالعربيه حتى انتهاء فترة الرخصه و بعدها يروح الشهر العقارى يمضى مشترى فى العقد و يروح المرور ينقل الملكيه
معذرة للاطاله بس حبيت اوضح الاحتمالات كلها
-
أشكرك أ/ سامي على الرد والتوضيح الرائع ، ولى من فضلك استفسار اخر .. فانا اريد من المشتري عمل اقرار استلام السيارة وتوثيقه بالشهر العقارى .. فهل هذا نموذج موجود أم يمكن كتابته وتوثيقه .. ولكم جزيل الشكر
-
اخي الفاضل
بيع بتوكيل مفيش مشكله
ومش لازم تعمل اقرار باستلام
بعد البيع يكون معاك نسخه من التوكيل
تطلع علي المرور وتطلب ايداع التوكيل في ملف السياره
وبكده انت اخليت مسؤليتك عن العربيه من تاريخ التوكيل
Content Relevant URLs by
vBSEO 3.6.0 PL2