تقرير مصور لشراء مساعدين أصلي من التوفيقية
السلام عليكم ورحمة الله وبركاته
بعد البحث وجدال كبير في شراء من التوكيل أو خارج التوكيل بالنسبة للمساعدين الخلفي لنيو أكسنت 2010 :chatting:،
وبعد فرق السعر الرهيب والمُفزع اللي مابين التوكيل وبره، حيث السعر في التوكيل للجوز تقريبا يصل إلى 1800 جنية، وهم هم من (البنا) في التوفيقية بـ 700 جنية الجوز:Copy of rfds:.
قلت أنزل التوفيقية وأشوف الوضع:welcome1:
- سألت في (الإخلاص) قالي موجود ماندو الكوري الجوز بـ 600 جنيه
- سألت في (الزقازيقي) قاللي نوع كوري كده وبـ 525 جنيه
- سألت في (البنا) قاللي الأصلي بـ 700 جنيه، والماندو بـ 500 جنيه
سألتهم في (البنا)، طيب ما أنا أعرف إن الأصلي هو ماندو، قاللي فعلا، والماندو مناسب للعربية برده، ولكن الأصلي بيكون نوعه ماندو وعليه H هيونداي، أما الماندو بس بيكون درجة تانية ومش عليه H هيونداي.
سألتهم، أمال إنتو بتجيبو الأصلي توكيل ده منين ؟؟!!!!!!! قاللي: إن دي عروض بتيجي زي مثلا اشتري بضاعة بمليون جنية ونعملك خصم وحاجات من دي.
فأنا اشتريت الأصلي "على حد قوله" بـ 700 للجوز، ودي صوره واللي عنده تعليق يقول ....