الموضوع: ريو 2015 هاى لاين هاتشباك خليجى

طب ما تفيم كله بالمرة وتروح المرور بس ممكن تتكشف
او مثلا تركب زجاج ملون اساسا بدل بتاع العربية
بس ساعتها هتبقى غيرت الفابريقة

المشاركة الأصلية كتبت بواسطة osama elkomy

ثانيآ :
أنا جبت العربية من سمير ريان ، والعربية افراجها فاميه بس المرور مرخم عليا عايز الزجاج يكون ملون والحقيقة ان الزجاج الاصلى شفاف

- الاكتشافات :
* العربية بيها نظام أمان بيتم تفعيله من باب السائق وده عجبنى انك ممكن تفتح باب السائق فقط مش كل ابواب العربية .
* المفروض أن السيستم ده بيقوم بدور الانذار بس مجربتش ازاى لسه - تحت الاختبار - .


وتحياتى لكم جميعآ

بالنسبه للزجاج افضل حل ان حضرتك تروح تعمل فاميه عسلي اللي هوه اقل درجات الفاميه عند حد محترم عشاان ميبانش انه ملزوق وتعمل الزجاج الخلفي والبابين اللي ورا بس .....
ثانيا موضوع الابواب ده ممتاز جدا بس خللي بالك لو عندك اطفال الابواب بتفتح عادي حتى لو اللوك مقفول بس بتفتح من جوه بس وده عيب قاتل في الريو ... يعني حضرتك جرب تقفل السنتر من جوه العربيه وافتح الباب من جوه هتلاقيه بيفتح عادي ..... بس البابين اللي ورا فيهم لوك بيقفل الباب من جوه خالص سواء انت قافل اللوك ولا لا واللوك ده هتلاقيه في الباب من الجنب كده والف مبروك على العربيه ولو في اي استفسار احنا في الخدمه

المشاركة الأصلية كتبت بواسطة osama elkomy

السلام عليكم،

شكرآ لكل اللى تابع وأقترح نصائح :m_yes[1]:

الحمد لله أنا رخصت بفاميه خلفى وجانبى فقط لأن مندوب معرض السيارات كان واقف ضدى ( وده كانت من الكوميديا الساخرة) ، ولما طلبت تغييره من المعرض راح بلغ لظابط المرور عن أن السيارة بدون فاميه !!!!

عندى استفسار بخصوص السحب ، العربية مخنوقة وانا لسه عامل 600 كم
هل فى ارشادات ولا اروح لمركز صيانة
وفاتنى إنى أقولكم إنى اشتركت فى aaa وان شاء الله نتابع التقييم سويآ

تحياتى

الف مبروك
ياريت توضح يعني ايه العربية مخنوقة وازاي والعربية جديدة ..
بس عموما نظام الايكو لو قفلته هيخلي العربية تسحب اكتر
وقبل كل ده انت لسه عامل 600 كم حاول تلتزم بإرشادات التليين وهتلاقي مكتوب في الكتالوج التليين لمسافة 1000 كم
وده هيخلي اداء العربية يتحسن ان شاء الله ويطول عمر المحرك والفتيس
ده غير ان العربية ادائها هيتحسن في كل حاجة ان شاء الله سواء في السحب او نعومة العفشة او قوة التكييف بعد 5000 كم فحاول ماتستعجلش ومتقرصش على العربية اوي .. خلي بس في سنة قرص لكن بسيط ومش كتير عشان الموتور مايتعودش على الكسل ..