فكرة لتحسين أداء اليارس

**محمد يوسف** · 10-10-2008 08:42 PM

النهارده بعد صلاة الجمعة وقفت أدردش مع اتنين صحابى واحد معاه لانسر والتانى معاه دايو وكلمتهم عن مشاكل اليارس و كان من ضمن اقتراحاتهم لتقليل مشكلة وصول صوت الموتور وصوت الكاوتش لى حتى مع غلق الزجاج هو انى حا زود عزل العربية (عزل صوت) عن طريق ألواح عزل داخل الكابينة وبطانة الأبواب و داخل الكبوت..وقالوا لى انهم سمعوا عن الموضوع بس مش مجربينه عشان التكلفة

ياترى خبراء اليارس عندنا ممكن يفيدونى بتفاصيل هذا الموضوع؟ وهل هو فعلا مفيد؟

**hero** · 10-10-2008 09:23 PM

انا عمري ما سمعت عن شكوي ان صوت الياريس مزعج....انا ركبت الياريس واللانسر البومة الـ1600 ...وااللانسر صوتها اعلي بكتير...

دة علاوة علي ان مافيش كماليات معتمدة من تويوتا لتقليل صوت العربية ...وعموما ...

انا في رأي الشخصي اي اضافات للعربية مش موثقة ومعتمدة من قبل المصنع ليس لها اي لازمة...دة علاوة علي انها ممكن تعمل مشاكل....يعني مثلا اي شيء ممكن يضاف علي الموتور (غطاء مثلا) ممكن يقلل من كفاءة تبريد الموتور...او دورة الهوا في غرفة الموتور...وبالتالي يؤثر بالسلب علي اداء العربية....

علي فكرة احسن حل....لو العربية حسيت انك ما وجدتش فيها ايلي كنت متخيلة...او حسيت انها مش قوي...انك تبيعها....وتشتري غيرها....احسن ما تصرف عليها ...وترجع برضة تبيعها تاني...

وربنا يوفقك لما فية الخير....

**محمد يوسف** · 10-10-2008 10:01 PM

المشاركة الأصلية كتبت بواسطة hero

انا عمري ما سمعت عن شكوي ان صوت الياريس مزعج....انا ركبت الياريس واللانسر البومة الـ1600 ...وااللانسر صوتها اعلي بكتير...

دة علاوة علي ان مافيش كماليات معتمدة من تويوتا لتقليل صوت العربية ...وعموما ...

انا في رأي الشخصي اي اضافات للعربية مش موثقة ومعتمدة من قبل المصنع ليس لها اي لازمة...دة علاوة علي انها ممكن تعمل مشاكل....يعني مثلا اي شيء ممكن يضاف علي الموتور (غطاء مثلا) ممكن يقلل من كفاءة تبريد الموتور...او دورة الهوا في غرفة الموتور...وبالتالي يؤثر بالسلب علي اداء العربية....

علي فكرة احسن حل....لو العربية حسيت انك ما وجدتش فيها ايلي كنت متخيلة...او حسيت انها مش قوي...انك تبيعها....وتشتري غيرها....احسن ما تصرف عليها ...وترجع برضة تبيعها تاني...

وربنا يوفقك لما فية الخير....

لأ..اليارس صوت موتورها عالى بعد ال 80...وصوت كاوتشها مزعج ع الأرض الخشنة وفوق فواصل الكبارى

**Sharky** · 10-10-2008 11:38 PM

المشاركة الأصلية كتبت بواسطة m5m

لأ..اليارس صوت موتورها عالى بعد ال 80...وصوت كاوتشها مزعج ع الأرض الخشنة وفوق فواصل الكبارى

أنا معايا العربية بقالى سنة و نصف و أول مرة أسمع المعلومة دى !!!

صوت الموتور مش عالى لدرجة الإزعاج و إنك تسمعه و إنت قافل الزجاج كمان

عزل الياريس كويس جدا و يعتبر الأفضل فى فئتها

**ابوشريف** · 11-10-2008 05:38 PM

الياريس ملهاش صوت اساسا حتى مع السرعه

انا مستغرب الصراحه من شكواك من صوت الموتور

**mohamed ibiza** · 11-10-2008 08:32 PM

عمري ما سمعت للياريس صوت دي شبه السيارة الصامتة موتورها ناعم جداااااااا ولا بيتسمعله صوت اصلا اول واحد يشتكي من الصوت هو انت فعلا لو بتروح التوكيل قولهم علي المشكلة لو ليها حل عندهم

**Hassan Khalil** · 11-10-2008 09:18 PM

يمكن حضرتك حساس شوية بالنسبة للاصوات اثناء القيادة .. و دي صفة موجودة عند ناس كتير انا واحد منهم ..
عموما .. يفضل لو تسوق اللانسر البوما .. و ياريت ال 1600 علشان تعرف الفرق في العزل .. مشكلة البوما بتظهر اكتر في صوت الكاوتش و الهوا علي السرعات العالية اكتر من صوت المحرك ..
و ساعتها حتعرف ان الياريس كويسة ..
برضه .. رجاء اذا عرفت معلومة عن اضافات العزل .. و مين اللي بيعملها .. ادينا فكرة .. و مين عارف .. ممكن الواحد يستخدمها مستقبلا .

**محمد يوسف** · 12-10-2008 12:31 AM

المشاركة الأصلية كتبت بواسطة Hassan Khalil

يمكن حضرتك حساس شوية بالنسبة للاصوات اثناء القيادة .. و دي صفة موجودة عند ناس كتير انا واحد منهم ..
عموما .. يفضل لو تسوق اللانسر البوما .. و ياريت ال 1600 علشان تعرف الفرق في العزل .. مشكلة البوما بتظهر اكتر في صوت الكاوتش و الهوا علي السرعات العالية اكتر من صوت المحرك ..
و ساعتها حتعرف ان الياريس كويسة ..
برضه .. رجاء اذا عرفت معلومة عن اضافات العزل .. و مين اللي بيعملها .. ادينا فكرة .. و مين عارف .. ممكن الواحد يستخدمها مستقبلا .

والله عندك حق..أنا موسوس شوية فى حكاية الأصوات

موضوع تزويد العزل ده صحابى قالوه ولما دورت عليه ع النت لقيته موجود فى المنتدى بتاعنا بس قسم المتسوبيشى ومكتوب انه بيتعمل عند سبير كار فى لاظوغلى

**محمد يوسف** · 12-10-2008 12:32 AM

والله جرب تزود عن ال 100 حاتسمع صوت الموتور بيعلى جدا

انتو خوفتونى لايكون موتورى فيه مشكلة

**Hassan Khalil** · 12-10-2008 12:41 AM

اي عربية بعد ال100 صوتها بيعلي .. تحديدا في المنطقة بعد 2.5 ار بي ام .. و صوت الموتور بيكون واضح داخل المقصورة .. و عزل العربية مهما كان كويس حيوصل ليك صوت المحرك .. لكن برضه فيه عربيات افضل من عربيات في موضوع العزل .. و الياريس من العربيات الكويسة جدا في هذه النقطة ..
* برضه حط في اعتبارك صوت الهوا .. لو انت فاتح الشبك .. و صوت الهوا لو انت قافل الشباك بس اتجاه الريح ضد اتجاه حركة السيارة .. الموضوع ده علي السفر بيكون متعب للغاية .. و بتحس ان صوت الموتور بيعلي اوي .. و العربية تقيلة جدا جدا جدا..
* بالاضافة الي ان كثير من الناس بيكونوا راكبين عربية معينة .. وواخدين علي درجة العزل فيها .. و بعدين يركبوا عربية تانية علي اساس سمعتها .. و يفاجئوا بالفرق ..
*عموما .. الموضوع نسبي من واحد للتاني .. شوف اللي يريحك و اعمله .. بشرط انك متلعبش في الحاجت المهمة و الغالية في العربية