شكرا يا دكتور الله يبارك فيك ومتشكر جدا
عرض للطباعة
الله يبارك فيك ويكرمك يا استاذ مصرى .. ويا ريس انت وصلتلى الاصل مش الصورة ... حضرتك تقريرك كان اكتر من ممتاز ... نقدر نسمية بصورة ادق مرجع لكل راغبى شراء هذة السيارة ... ومفيش تقرير بعد تقريرك يا استاذ مصرى .. الف شكر ليك وربنا يباركلك ....
بس انا عندى كام استفسار ....
اولا : مين افضل وكيل صيانة لكيا ؟؟؟
ثانيا : التلين لحد الف كيلو بس ؟؟؟
ثالثا : حضرتك ركبتلها ديفندر او درع ؟؟؟
رابعا : انا حاسس ان فرامل اليد وانا على مطلع خفيفة نوعا ما انا حاسس لان العربية تقيلة بس دة عادى ولا اية رأى حضرتك ؟؟
الف مبروك
استاذ عمرو
اشكرك ويارب يجعلها مبروكة عليك وتسعدك دايما
اولا:
بالنسبة لافضل مركز صيانة فماقدرش افيدك لاني ماتعاملتش حتي الان غير مع محمد ذكي فماقدرش احكم علي غيرة
وان كان بالنسبة لي الصيانة العادية مش محتاجة اكتر من مركز تبقي شايف عربيتك وهيا بيتعملها الصيانة من خلال مكان مجهز ويكونوا بيهتموا بالعربية من ناحية النضافة ودة اللي لمستة عند محمد ذكي القطامية
ثانيا
التليين انا بالنسبة لي اول الف كيلو مابحاولش اقرص بزيادة علي العربية بس مش معني كدة اني اعاملها علي انها بتلين انا مش عامل عمرة , انما انا واخد عربية متلينة جاهزة ودة ينطبق علي اي عربية جديدة انما الحرص واجب لان انت بتتعامل مع انتاج كمي بمعني انة وارد يكون فية مشكلة صغيرة هنا او هناك ومن هنا ياتي الحرص في التعامل فقط في اول الف كيلو
دي وجهة نظري وممكن اعضاء يختلفوا معايا او يوافقوني
ثالثا:
بالنسبة لموضوع المصدات الامامية والخلفية فانا ليا تحفظ شديد علية لانة مخالف لقواعد السلامة بالنسبة للمشاة لاقدر الله الخبطة بموتة اعاذنا الله واياكم وعلشان كدة بصراحة لا اؤيدة ولا انصح بة دة بالنسبة للامامي اما الخلفي لا اعتقد انة هاينفع علشان الحساسات الموجودة في الاكصدام الخلفي واعتقد انة هايتعارض معاة ويكون عائق دائم بالنسبة للحساسات
رابعا
فرامل اليد هايضبطوها مع اول صيانة ماتقلقش ومهما كان وزن العربية فالفرامل مصممة للتعامل معاها بس كل الحكاية هاتلاقي الرجلاش مهوي شوية ودي حاجة بسيطة جدا
انما الصح انك لما تشد الفرامل اليد علي طريق مائل او عدل لازم تقوم بوظيفتها والعربية ماتتحركش
تحت امرك في اي استفسار وشكرا
الله يكرمك يا استاذ مصرى ... المصدات فعلا خطر على المشاه بس خطر كمان على الناس الى مبتعرفش تسوق والغشيمة والفهلوية الى ممكن يخبطك وانت راكن او ماشى ... حضرتك طبعا عارف تفكير شعبنا الحبيب ... الى معاة عربية قديمة تلاقية رمى عليك وهو بيقول دة معاة عربية جديدة هيخاف وهيسبنى اعدى .. الميكروباص دة العن حاجة اتعملت فى البلد ومبيفرقش معاة قديم ولاجديد اهم حاجة يكسر عليك او يخبطك .... السواقة فى مصر بقت دراع وفهلوه ... انا مش عايز ااقول لحضرتك انى يادوب خرجت بالعربية من ساعت مجبتها ٤ مشاوير منهم واحد للمرور ... جالى الضغط مع انى ماشى على مهلى وبالى طويل على الناس ... عربية جديدة بقا ... تحس انه مكتوب على العربية اكسر علية ... مرة اتوبيس ومرتين ميكروباص ٤ مرات ملاكى ... مرة منهم واحد بيركن كان خلاص ناوى يحط بصمته عليها لولا لحقته ... ومفبش حاجة بتزعل فى الدنيا غير لما عربيتك تتخبط وبالذات لو جديدة ومكوى فى تمنها ... عشان كدة انا ميال للدرع حماية للعربية من الفهلوية والناس الى بتطلع الرخصة وتتعلم السواقة فى الشارع ..
والف شكر ليك يا استاذ مصرى :orangeabli:
ألف مبروك و ربنا يبارك لك فيها.
Sent from my SM-N9005 using Forum Runner