السلام عليكم
رايح بكرة ان شاء الله احجز الكورولا 2014 و كنت محتار بين اللون الفيراني و النبيتي
ياريت تفيدوني و تقولوا لي انهي الافضل من وجهة نظركوا؟ و هل النبيتي لون بناتي شوية؟
اسف علي الاطالة
عرض للطباعة
السلام عليكم
رايح بكرة ان شاء الله احجز الكورولا 2014 و كنت محتار بين اللون الفيراني و النبيتي
ياريت تفيدوني و تقولوا لي انهي الافضل من وجهة نظركوا؟ و هل النبيتي لون بناتي شوية؟
اسف علي الاطالة
فراني يا باشا... والنبيتي مش بناتي ولا حاجة....
الأبيض اللؤلؤي حلو أو الفضي لو عاوز ألوان فاتحة
الشامبين الغامق (جراند أفانت) لو عاوز على غامق شوية .. وميزة اللون ده أنه بالنهار لا هو فاتح ولا غامق زي الرمادي .. وبالليل اللون بيغمق
الابيض
الابيض اللؤلؤى "" تحفة ""
الفيراني احلي بصراحة
الفيرانى
الفرانى يا باشا ومبروك مقدما
الفيرانى
زى ما كل الرجاله بتاعته تويوتا قالت واستفاضت فى الكلام والبحث فى الموضوع دة
بس حضرتك عايز اخد بالك من نقطه مهمه وهى الفرش الداخلى ودى بتختلف من انسان لانسان على حسب الذوق
وكل واحد بيشوف الدنيا وجماله من وجهه نظره
بس هكون امييين معاك من الى انا شوفته
اللون البيج فى الطبلوة انا مش مرتاح له خالص (( دة راى الشخصى ويحتمل الخطا مع بعض اذواق اخرى ))
طيب اية مبرراتى :
* التابلو الكورولا الجديد بيلم تراب كتير اوى لو حضرتك دايما فاتح الزجاج فتخيل مع البيج بقى
* الاتساخ للون الفاتح ودى مشكله لان طبعا سواء معاك اولاد او لا فاللون فاتح اوى ممكن شوية عرق فى ايدك او اى حد قاعد جنبك تلاقى الدنيا مش ظريفة خالص
* شوفت عربية التابلو فى الحته البيج دى فيها بقه فوق درج التابلو فالشكل استفذنى اوى فرحت وسالت الراجل هو اية الى بوظها كدة (( قولتله اصل انا مقبل على الشراء وعجبنى التابلو البيج وكدة علشان ميفكرش انى عايز اسرقه او اية الدخله الى انا دخلتها عليه دة هههه )) قالى انه وداها مغسله وبيمسحوها فالفوته وسخته او ايد الى كان بيمسح وقالى هتطلع لو اتغسلت بالبخار
فاللون الفيرانى و الابيض و الفضى فاللون الفرش الداخلى اسود فيهم اجبارى
لكن لو عايز ارشح لون .. او لو انا بشترى العربية تانى هجيب اللون الفضى واسبابى هى :
انا كنت فى حيرة من امرى فى اول شراء العربية وهى الاختيار بين اللون الفضى والفيرانى
واستقريت فى النهاية ع الفضى والحمد لله انى جبته ومرتاح جدا
الفيرانى من الالوان الجميله جدا ولكن اى تراب عليه بيبان او لقدر الله خرابيش وكدة
ودة ظهر مع احد الاصدقاء اشترينا العربية سوا هو فيرانى وانا فضى
بيبقى هو طاله من البنزينه بعد الغسيل ويدوب يمشى مشوار ممكن 5 او 10 كيلو وتبص ع العربية بتلاقيها بتلم تراب بطريقة كبيرة على عكس الفضى بيلم تراب برضة بس مش بيبان اوى زى الفيرانى
وعلى العكس بقى
النيكل كروم بيظهر اووووووووووى فى الفيرانى ع عكس الفضى
الاختيار صعب وربنا يوفقك انا حبيت افتح ليك خيوط للتفكير ليس اكتر ولا اقل والله الموفق
طبعا بعيد عن عيوبه فمن ميزاته شياكه ما بعدها شياكه بس انا مش بحب الاتساخ خالص حتى لو كان تراب وانا مش فاضى كل شوية امسح والفوطه تبقى نظيفة او مناديل معطره وتبقع فى البيج والحورات بتاعه البنزينه والمغسله وكدة
فنصيحه اخويه خليك فى التابلو الاسود والفرش الاسود فهو يحمل الاتنين الشياكه والفخامه وقليل اتساخ عن البيج وسهل تلميعه ومسحه ويبقى اللون الخارجى اتفاقا مع لون الفرش الاسود وهم من وجهه نظرى ايض
البون النبيتى .. فرش بيج
انا مع abofandy باشا في كل الكلام اللي قاله
انا الحمدلله اشتريت اللون الفيراني بعد مماطلة من المعرض لان الالوان الشائعة الابيض والفضي والبرونزي
الفرش الاسود مع التابلوه الاسود حكاية
انا كان عندي جيتا ٢٠٠٨ لونها اسود والفرش بيج
تخيل الفرق الرهييييييييييب بين الفرش البيج وفخامته في الجيتا والفرش البيج في الكورولا
انا كان نفسي اجيب فرش بيج لكن اتفرجت عليها في معرض اوتوماك معجبنيش لان التابلوه مطعم بقطعة شغيره بيج والباقى كله اسود ولان اللون البيج شاهق قوي وبيتوسخ بسرعه زي ما تم التوضيح سابقا
بالنسبة للون الخارجي ففعلا النوامل على اللون الفيراني حاجه تانيه خالص
ربنا يوفقك ونبارك لك قريب
سؤال ياجماعة هو لون الفرش إختياري ولا كل لون خارجي بيجي بلون فرش إجباري؟
يعني البرونز والأبيض والفيراني ألوان فرشهم إيه؟
البرونزى فى الفئة التانيه والهاى لاين لون الفرش بيج اجبارى
الفضى والابيض فى الفئة التانيه والهاى لاين الفرش اسود اجبارى
فعلا إمبارح إتفرجت ع العربية عند المصرية بس كانت أول فئة أوتوماتيك وكانت برونزي والفرش إسود. لكن أنا فاكر تقرير أستاذ محمد هاني كان الفرش بيج والعربية برونزي وسألت المندوب لقيت معندهوش معلومة أكيدة في الفئات الأعلى (مش عارف إيه الخيبة دي). خسارة كان عاجبني اللون البرونز قوي بس الفرش البيج الولاد هيخلوه إسود بعد إسبوع.
طيب معلش حد عنده فكره الفيراني لون الفرش إيه ف الهاي لاين و الفئة إللي قبلها؟
معلش قريت ف تعليق حضرتك فوق إن الفيراني فرشة إسود. طيب هو فيه لون إسمه دارك ستيل مبكا عامل زي البترولي كده .. بينزل عندنا ده؟ حد شافه عالطبيعة؟
اللون البرونزى
فى الفئة الاولى الفرش اسود اجبارى
فى الفئة التانيه والهاى لاين الفرش بيج اجبارى
اللون الفيرانى او الجراى
فى الفئة الاولى والثانيه والهاى لاين فرش اسود اجبارى
اللون الفضى ميتالك
فى الفئة الاولى والثانيه والهاى لاين فرش اسود اجبارى
اللون الاسود متوفر منه لون واحد فقط
وممكن الاختيار فى الفئة التانيه او الهاى لاين فى الفرش الداخلى اما فرش بيج او فرش اسود