مين أحسن دكتور أنف وأذن وحنجرة في القاهرة؟

**mr_who515** · 15-05-2014 12:39 PM

تحياتي ليكم جميعاً..

بأعاني من مشكلة شبه مزمنة في الأنف ومحتاج أروح لدكتور شاطر وتشخيصه مظبوط يكون بيفهم ويسمع كويس من المريض ويتقي ربنا ومش بتاع فتح شغل وعمليات إلا في الضرورة القصوى؟

تمنياتي بدوام الصحة والعافية لرواد المنتدى.

**أحمد كمال** · 15-05-2014 12:52 PM

اسامة عبد النصير في مستشفى كليوباترا

**A.Saad** · 15-05-2014 03:35 PM

احمد شوقى

عيادة بالمعادى

وايضا السلام الدولى

**Ahmed Sharaf** · 18-05-2014 11:44 AM

دكتور أحمد نصار مستشفي كليوباترا

**mr_who515** · 18-05-2014 01:21 PM

للأسف أنا روحت لدكتور اسمه علي الجارم في مستشفى الجارم في المعادي كشفه بـ 150 جنيه،
بس ما رتحتش لطريقة كشفه وتشخيصه نهائي كان بيلكلك وطول الوقت وهو بيكشف بالمنظار على الأنف كان بينهج أوي في وشي عشان بس قام اتحرك من ورا مكتبه لحد عندي..
وفي الآخر حاولني لعيادة الأسنان اللي عنده في المستشفى، مش فاهم أنا أيه علاقة وجود تسوس خفيف لضرس عندي بالتهاب الجيوب الأنفية!!
وعلى فكره عمل كده مع واحده كانت دخلت قبل مني برضه حولها للأسنان وراحت الإستقبال دفعت فلوس كشف تاني لعيادة الأسنان اللي عنده في المستشفى بتاعته..
المهم هو لما لاقيني مش مقتنع بحوار الأسنان ده كتبلي على علاج عبارة عن محلول قلوي للاستنشاق + بخاخة مية بحر + 2 مضاد حيوي + دوا للحساسية لمدة 10 أيام بعدها استشارة ولو مفيش تحسن هايحولني برضه للأسنان (مصمم) ويعمل أشعة على الأنف.

**canner** · 18-05-2014 02:05 PM

الف سلامة و الراجل ده من الاخر بيشتغلك انا برضه رحت لواحد ربنا يسامحه و كتابلى على موضوع البخاخة ده و مافيش تحسن و قبليه دوا الحساسية و الاشعة المقطعية

**mk3** · 18-05-2014 02:21 PM

الخربوطلى
المنيل القاهره

**mr_who515** · 18-05-2014 02:39 PM

الله يسلمك.. وألف سلامة عليك أخبارك أيه دلوقتي؟ وياترى لقيت حد كويس ولا عملت ايه؟
أنا روحتله بعد ترشيحات من كذا حد ولو أني مقاطع للأطباء في مصر لإن الغالبية العظمى دون المستوى بمراحل وعندي إني أفضل تعبان ولا أروح لحد منهم يزود تعبي و يفضل يجرب معاي شوية أدوية وعلاجات يا صابت يا خابت بدون تشخيص دقيق!
واللي اسمه علي الجارم ده واخد شهرة ع الفاضي ولا شكل دكتور أصلا من حيث الهندام والنضافة سواء لشخصه أو لأدواته..
القطاع الطبي في مصر في الحضيض، منتهى الإهمال والقذارة لإن الرقابة شبه معدومة و مفيش لا مسئولية ولا محاسبة.. وماتفرقش كتير سواء كانت مستشفيات حكومية و لا خاصة أو الدولية كله محصل بعضه..
وليه تجربة برضه كانت في منتهى السوء من حوالي سنة ونصف مع المركز الطبي العالمي اللي على طريق مصر الإسماعيلية الصحراوي!