-
السنتر بيعلق وخنقني
سلام عليكم
في الاول كان شغال كويس اول فترة لما جبت العربية بعد كده لقيته بيعلق اقفل يقوم فاتح تاني واجي اقفل تاني بالريموت ميقفلش مع ان الريموت شغال كويس
لازم استني حوالي نص دقيقة عشان يشتغل تاني .. بعد كده برمجته اشتغل كويس لكن في حاجة غريبة اقفل وافتح مثلا ورا بعض 5 مرات كده بعد كده يقف ميشتغلش السنتر لازم برضو نص دقيقة ويرجع يشتغل وساعات لما يعلق الاقي باب السواق مفتوح والي جمبه والي ورا واحد قافل والتاني نص نص
المشكلة دي في اوبل فيكترا 2000
تفتكروا ايه المشكلة؟
-
اعمل reset للعربيه شيل اطاش البطاريه عشر ثوانى وحطه تانى مكانه وبعد كده متقفلش السنتر وفى اى باب مفتوح علشان داه بيخلى السنتر يهنج هذا والله اعلم لانها حصلت معايا من فتره
-
جربت اشيل كابل البطارية بس نفس المشكلة بعد مالسنتر اتبرمج بعدها بشوية برضو رجع يعلق مرة اقفل السنتر يقفل كويس ومرة اقفله يقوم فاتح تاني ومعلق ابواب تقفل وابواب لأ
-
جرب تشيل كارتة الريموت
افصل الفيشة بتاعتها لأنها في الغالب فيها رطوبه بتخليها تهيس
لو السنتر قفل وفتح تمام بالمفتاح من غير مشاكل ( الحتمال الاكبر) يبقى نشوف هنعمل إيه في كارتة الريموت
لو فضلت المشاكل ( الاحتمال الاضعف) يبقى المشكلة في السنتر نفسه
-
اللى فاهمه انك لما بتفتح وتقفل كذا مرة ورا بعض السنتر بيعلق وبعد فترة بيشتغل او لما تدور العربية ... صح؟؟؟
ده طبيعى علشان لو فى طفل بيلعب فى السنتر ...ومش محتاج تعمل اى حاجة
قصة التعليقة اللى فيه انه يفتح تانى ... السنتر هنا بموتور كهربا وتروس
التروس لما بتتقل من التراب والرطوبة بتعمل كده حلها انك ترش wd-40 فى مكن السنتر
-
شيخ سمطي انا مش عارف ايه هيا كارتة الريموت معلش ممكن توضحلي
eng\ahmed
هجرب انضف السنتر زي ماقولت لكن هو فعلا بيعلق لما بقفل العربية بس مش لما افتح السنتر لما اقفل السنتر يقوم فاتح تاني في نفس اللحظة يقعد بعدها نص دقيقة عشان اجرب تاني بالريموت ويقفل
-
بص ياباشا دى مشكله يونت وانا عندى خبره مع الحوار ده التهييس ده بيبقى يونت نفس الاعراض دى وبعد شويه تيجى تفتح وتقفل هتلاقى الرموت شغال ومفيش استجابه من اليونت وتيجى تبرمج بردوا مفيش فايده كده انته قدامك حل من اتنين لو السنتر شغال بالمفتاح والمشكله في الريموت ممكن تركب يونت عادى زى اللى عند بتوع الكماليات والحل التانى انك تغير يونت السنتر وده بيبقى موجود تحت الفبره من عند الباب اللى جمب السواق وانا عملت كده روحت جبت واحده تانيه استيراد وريحت دماغى وانا ارشحلك الحل التانى تغير اليونت بواحده استيراد وتريح دماغك وبالتوفيق
-
معلش مش واخد بالي ايه اليونت ده *_*؟
Content Relevant URLs by
vBSEO 3.6.0 PL2