الموضوع: جايلي عقد عمل في السعودية أسافر ولا لا

انا مش هكلم على العقد
بس انتا رايح موسسه دا اولا
هيخدوك غسيل و مكوه
السوال الاهم ايه المهنه الجايه فى الفيزا الى اعتقد انها هتكون عامل
و ايه طبيعت عملك

المشاركة الأصلية كتبت بواسطة terrible_darsh

تواصلت مع شركة في الرياض من فترة ووافقوا وصليت استخارة حسيت اني مرتاح يعني

لو مرتاح بعد الاستخاره توكل على الله وخذ بالاسباب

المشاركة الأصلية كتبت بواسطة terrible_darsh

حاليا بعتوا لي العقد، بس بنود العقد مش مريحاني تماما
يعني زي ان الموظف يكرس كل وقته لخدمة الشركة وينزل في الاجازات الرسمية ويشتغل اوقات زيادة وكل حاجة حسب رغبة صاحب العمل وحسب لوائحه هو واللي لسه انا مشفتهاش

اى موظف بيشتغل 8 ساعات يوميا ممكن تكون فتره واحده او فترتين واكتر من كدا اختيارى بتشتغل اوفر تايم وبيحاسبك عليه بالساعه
والاجازات لازم تكون مكتوبه وبتكون شهر اجازه مدفوع الاجر كل 11 شهر وفى شركات يتديلك اجازه كل سنتين على حسب العقد

المشاركة الأصلية كتبت بواسطة terrible_darsh

الموظف يقوم باي اعمال توكلها له الشركة مهما كانت طبيعة عملها

سيبك من الكلام دا .. اللى تقدر تعمله ربنا يعينك ويوفقك ما قدرتش تعمله لا يكلف الله نفسا الا وسعها

المشاركة الأصلية كتبت بواسطة terrible_darsh

مدة تجربة 90 يوم غير شاملة الاعياد ويحق لصاحب العمل فسخ العقد دون انذار او مكافاة نهاية خدمة او تعويض ، كما انه له الخيار في منح الطرف التاني فترة تجربة اخرى في مهنة أخرى يحددها الطرف الأول.

دا طبيعى ان يكون مكتوب فى اى عقد لان جواز سفرك بيسمحلك تقعد 3 شهور فى السعوديه لغاية ما تطلع اقامه وبتكون هى دى فترة اختبار ليك
وفى شركات مدة اختبارها 6 شهور
صاحب العمل (الكفيل) من حقه يعمل اى حاجه يخصم من مرتبك او ما ينزلكش اجازه انما لو جه يطردك بتروح تقدم شكوى فى مكتب العمل وهو بيخاف جدا من الشكاوى لان الحكومه هنا قوانينها صعبه مع السعوديين

المشاركة الأصلية كتبت بواسطة terrible_darsh

كنا متفقين انا والمدير على ان في بونص كل 3 شهور وقالي هيتكتب في العقد وفتحت العقد ملاقتش البونص ده

الاتفاق بيكون مع الكفيل مش المدير علشان هو صاحب المال وفلوسه وهو حر فيها
وطالما مش مكتوبه يبقى مش اجبارى عليه يدفعها ليك

المشاركة الأصلية كتبت بواسطة terrible_darsh

في حالة فسخ العقد من طرفي هدفع لهم 3 شهور راتب + حق التذاكر + الاقامة + التاشيرة + الــــــــخ

انت كدا هتبيع اللى وراك واللى قدامك علشان لا قدر الله حصلك ظروف وطلبت تسيب الشغل
والمبلغ هيعدى معاك فى ال 13000 ريال

المشاركة الأصلية كتبت بواسطة terrible_darsh

تامين طبي وفقا للوائح الطرف الاول اللي انا لسه معرفهاش

دا مفيش قلق منه خالص .. وغصب عنه لازم يكون مأمن عليك

المشاركة الأصلية كتبت بواسطة terrible_darsh

حاسس انهم واخدين حقهم بزيادة اووووي وانا مليش حق

المفروض هكلم المدير كمان شوية وغالبا مش هتفق معاه والشغلانة كده باي باي، بس عاوز اعرف رايكم برده في الكلام دا

مع العلم الراتب 3000 وبدل سكن ومواصلات 1480 في الرياض

افيدوني افادكم الله

دا شئ اكيد لازم يستعبدونا فى بلادهم والسفاره بتاعتنا بتشجعهم على كدا
الراتب والبدلات كويس والسكن معقول فى الرياض

كنت عايز اعرف طبيعة شغلك ايه ؟
وطالما انت صليت استخاره ومرتاح وظروفك فى مصر وحشه وحاسس انك لازم تسافر علشان تعيش حياة عاديه زى اى بنى آدم فى الدنيا فالاحسن تسافر ..
من وجهة نظرى ما تسافرش الا لو انت مضطر ومفيش بديل فى مصر
وربنا بيقول (قل لن يصيبنا الا ما كتب الله لنا)