مش بديهي ولا حاجة ان الناس تبقى عارفة قصدك من غير ما تحدد سنة الموديل
انك تاخد معلوماتك من الاعلانات فدي تبقى مشكلة حضرتك .. مش مشكلة لا تويوتا ولا هوندا و لا متسوبيشي ..
مش سيادتك طلبت لينك موتور تريند من الزميل في مشاركة سابقة ؟
بحاول اساعدك علشان تستفيد
هههه .. ضحكت جدا من الفيديو ده .. الفيديو ده انا شوفته من كام شهر و مارضتش اكمله ساعتها .. ها اتفرج على مقارنة معمولة بين باسات و كامري في توكيل VW .. ها اضيع وقتي طبعا .. بس المرة دي انا فعلا اتفرجت عليه علشان خاطر مجهود حضرتك
و حضرتك مش مقتنع بمقارنة جاية من Motortrend و مقتنع بمقارنة عاملها واحد عايز يبيع العربية اللي عنده .. فعلا اللي مش عايز يقتنع عمره ما هيقتنع حتى لو شاف بعينه
على فكرة انا حافظ الفئة دي زي وش ايدي .. الكامري و الهوندا و المازدا و الباسات و الماليبو و الألتيما و السوناتا .. الخ .. فعارف الفرق كويس و مش مستني بتاع المعرض اللي عايز يبيع علشان اقتنع بكلامه
خلينا بقى نشوف الموقع اللي حضرتك ذكرته قبل كده في مشاركة و سيبنا من motortrend
2013 Toyota Camry SE vs 2014 Volkswagen Passat SE vs 2014 Nissan Altima 2.5 SL -...
2013 Honda Accord Sedan Sport vs 2014 Mazda Mazda6 Grand Touring vs 2014 Volkswa...
يعني بردو الباسات بتلعب مع الكامري و الألتيما عادي جادا .. و بتشاور من بعيد للمازدا و الهوندا
عايز تشوف خيبة VW .. ادخل الموضوع ده وشوف وضعها في عدد الأعطال مقارنة بال (شرق اسيوي )
و مقارنة بال Premium German Manufacturers
http://www.nilemotors.net/Nile/419626-a.html
Oops
طيب حضرتك احترم ذكائي شوية .. جايب لي فيديو Small overlap للسيراتو بتقارنه مع EuroNCAP crash test للجيتا .. طيب وحد المقارنات علشان نعرف نحكم
هو عموما لو كنت حضرتك قريت لينك موتور تريند كله كنت هتعرف ان فعلا السراتو تقيمها سيء جدا في small overlap انما الجيتا سيء بس .. يعني مفيش جديد
خد بقى اللينكات الأصلية
في القاع عندك السيراتو -- Poor
Vehicle details
فوق القاع بشوية عندك الجيتا و الكورولا و معاهم ال c class - للتوضيح بس --- Marginal
Vehicle details
Vehicle details
Vehicle details
في التص عندك الدارت --- Acceptable
Vehicle details
على القمة عندك المازدا 3 و الهوندا سيفيك --- Good
Vehicle details
Vehicle details
في حاجة كمان .. حضرتك كنت حاطط فيديو لزميل علشان يتعلم يعني ايه MQB .. هو انت شوفت الفيديو ؟!
اصل مدته دقيقتين بس .. مالحقتش افهم حاجة .. غير انه تقريبا بالألماني .. يعني ناس قليلين اللي هيفهموه .. ممكن حضرتك تبقى واحد منهم
في النهاية انا عايز اعتذر لصاحب الموضوع اني خرجت عن سياق الموضوع بالطريقة دي ..
و عايز اتفق معاك في حاجة واحدة .. ان أنا بردو لو ادوني فلوس علشان اركب السيراتو ممكن بردو ما اركبهاش .. بس علشان مش بحبها لله في لله :)
تحياتي لشخصك الكريم
المفضلات