الموضوع: ليه سكرتيرة و ليس سكرتير؟

أكيد السكرتيرة و المضيفة و موظفة الريسبشن في أي فندق أفضل.
لأنهم أجمل و العين تحب ترى الجمال و علشان بيستحملوا الضغوط النفسية اللي بتيجي من مديرنهم و من العملاء. والكلام ده عن خبرة مش من الافلام..
ده بقى حلال و لا حرام ... دي مبتكلمش عنها.

المشاركة الأصلية كتبت بواسطة waled369

بصراحة أنا عندي سكرتيرة ( هندية الجنسية ) بجد على مدار حياتي العملية كنت بافضل الرجال و دي تاني سكرتيرة ليا أما الباقين كلهم رجال .
الرجال أفضل زي ما قلتم بيقعد لفترات متأخرة أقدر استدعيه في غير أوقات العمل أو أطلب منه يخرج يقضي أعمال خارجية .
مش بافضل الستات لأسباب أهمها كل يوم عندها حاجة شكل مرة تعبانة و مرة مصدعة و مرة جوزها شاخط فيها و مرة ملهاش ( خلق ) و من القبيل ده كتير بس ده بالنسبة لسكرتيرتي السابقة و كانت فلسطينية و لو مرة زعقت فيها تفضل ( تعيط ) طول النهار و تستأذن و اضطر أوافق انها تروح و كده اليوم ضاع .
بس الحالية ( هندية ) عامة لا تفرق عن الرجال من ناحية الشكل و العمل و بصراحة بتشتغل شغل كتير و سريعة جدا بس عيبها لا تعرف اللغة العربية علشان كده باعتمد على مساعدي في المراسلات العربية .
بس اجمالا أنا بافضل رجل في المهنة دي .

:D :D :D عجبتني اوي حتة السكرتيرة اللي تشخط فيها تعيط و تروح دي.. ده انت على كده كنت بتخاف تزعق لها عشان بس تقدر تكمل اليوم بيها :D

لو جيت بأه مصر و حاولت تدور على سكرتير راجل هايبقى صعب جدا تلاقي حد.

المشاركة الأصلية كتبت بواسطة Dr_Mido

حسنه المظهر علشان يتجوزو فى اخر الفيلم

آه دي بأه منطقية :D

بس هو صحيح ليه في الأفلام العربي البطل و البطلة بيتجوزوا دايما في آخر الفيلم؟ ليه مش في أول الفيلم؟ :D

لا خلاص بلاش السؤال الأخير ده عشان هايدخلنا في موضوع تاني :D

المشاركة الأصلية كتبت بواسطة Mohamed-Saoud

أكيد السكرتيرة و المضيفة و موظفة الريسبشن في أي فندق أفضل.
لأنهم أجمل و العين تحب ترى الجمال و علشان بيستحملوا الضغوط النفسية اللي بتيجي من مديرنهم و من العملاء. والكلام ده عن خبرة مش من الافلام..
ده بقى حلال و لا حرام ... دي مبتكلمش عنها.

من ناحية أجمل، طيب لو راجل واقف في الرسيبشن مثلا أو في استقبال العملا كسكرتير و يكون مهندم في نفسه و لابس بدلة و بيتعامل بشياكة و احتراف، هو ده منظر مش جميل؟

اما عن استحمال الضغوط النفسية اللي بتيجي من المدير فيحدثك عنها waled369

المشاركة الأصلية كتبت بواسطة OlaOsman

من ناحية أجمل، طيب لو راجل واقف في الرسيبشن مثلا أو في استقبال العملا كسكرتير و يكون مهندم في نفسه و لابس بدلة و بيتعامل بشياكة و احتراف، هو ده منظر مش جميل؟

اما عن استحمال الضغوط النفسية اللي بتيجي من المدير فيحدثك عنها waled369

أكيد الشابة المهندمة هتكون أجمل 1000 مرة و مهما كان مهندم و لا "مهند" حتى.. أي حتة شنب بسيطة هتنقل الدفة 180 درجة لصالح السكرتيرة و المضيفة و و و ...

بالنسبة للضغوط النفسية... أكيد في زي ما أستاذ وليد بيقول بس عندي في الشركة اللي بشتغل فيها 2 سكرتيرة "مش عارف جمع المونث السالم بتاعهم يطلع ايه؟ :) :)) بس شغاليين ناااااار بالرغم من الشخط و النطر بتاع المدير اللي لو جاب سكرتير مكانهم هيخبطه بأي كرسي جنبة و يستقيل .

المشاركة الأصلية كتبت بواسطة Mohamed-Saoud

أكيد الشابة المهندمة هتكون أجمل 1000 مرة و مهما كان مهندم و لا "مهند" حتى.. أي حتة شنب بسيطة هتنقل الدفة 180 درجة لصالح السكرتيرة و المضيفة و و و ...

بالنسبة للضغوط النفسية... أكيد في زي ما أستاذ وليد بيقول بس عندي في الشركة اللي بشتغل فيها 2 سكرتيرة "مش عارف جمع المونث السالم بتاعهم يطلع ايه؟ :) :)) بس شغاليين ناااااار بالرغم من الشخط و النطر بتاع المدير اللي لو جاب سكرتير مكانهم هيخبطه بأي كرسي جنبة و يستقيل .

بالنسبة للشق الأول من كلامك فدي وجهات نظر و بتختلف على حسب المدير عايز ايه من الشخص اللي شغال في السكرتارية من ناحية المهام الوظيفية.

اما بالنسبة للشق التاني فبناء عليه يبقى ماينفعش الراجل يبقى ليه مرؤوس خالص، ماهو مش السكرتارية بس همه اللي ليهم مديرين بيزعقوا لهم.. على كده بأه كانوا يخلوا كل خدمة العملا في فودافون و موبينيل مثلا ستات عشان الراجل من دول مش هايستحمل تنطيط العميل عليه و هايقفل السكة في وشه :)