ايه مشاكل حجز شقه فى عماره لسه متبنتش ؟

**egyptawy2010** · 16-05-2014 12:53 AM

نصيحة بلاش
للاسف ما فيش فى مصر اى حاجة تضمن بيها حقك
ولو لاقدر الله حصل حاجة مش هاتعرف تاخد معاه حق ولا باطل

نصيحة
ما تشتريش شقة لسة ما اتبنتاش

**FAR!D** · 16-05-2014 03:13 AM

وحيات اهلك و اهلي بلاش
انا زيك ولضيق اليد ساعتها حجزت شقه بسعر قليل في عماره لسه متبنتش و قعد صاحب العماره يبنيها في سنتين ههههههه ولما بناها بني كل الادوار و قطعها عدا الدور بتاعي سابه مش متقطع و طلع في الاخر بايعها 3مرات وانا اصلا ليا في العماره 4شقق
المهم جبتله عيال بلطجيه بسلاح و عملت قعدات عرب (اصلهم كانوا عرب) وفي الاخر اتغرمت 10000 جنيه بس اخدت شققي بكرم ربنا
اوعى تكرر غلطتي واشتري المضمون و ماتضيعش فلوسك و شقاك

**FAR!D** · 16-05-2014 03:14 AM

و نسيت اقولك طبعا المساحات اختلفت عن الاتفاق و التشطيب للعماره كذالك و حواراااااات

**4fun14** · 16-05-2014 05:27 PM

انا عملت كدا بس شركه سمعتها كويسه والنتيجه مقبوله لكن الخوازيق اللي ظهرت:
اولا في حاجات مش بتباه موجوده ف رسمه الشقه هتظهر علي ارض الواقع.. يعني طلع عندي ف الحمام في كتف خرسانه كده ف الحيطه اكل منها 25 سم فالخيطه مبقتش تاخد بانيو زي مانا كنت فاكر
ثانيا مستوي التشطيبات مش ولا بد يعني المواسير خاماتها سيئه والمحابس عاوزه تتغير
ثالثا حلقان البلكونات عندي مبنيه علي ارتفاع منخفض جدا فلما اعلي بالارضيه.. هتباه اعلي من حلق البلكونه وده اخد عيوب النص تشطيب برضه.. وان كانت غلطتي اني مخدتش بالي من الحزئيه دي قبل ما اقر لهم اني استلمت الشقه ف حاله جيده.. يمكن كانوا صلحوا المشاكل دي
رابعا الجراج سئ جدا ولا يمكن يسمح بدخول العربيه وخروجها اصلا بس الحمدلله انا مشترتش ف الجراج اصلا