جيتا مستعمله وﻻ شارك زيرو افيدونى

**tantan01240** · 16-05-2014 09:57 AM

يا جماعة انا من هواه اﻻنسر معايا كريستاله اتوماتيك اول يد كل حاجه فيها اصلى صيانه فى موعدها بجبلها التيل ب 490 و عملت 290000 دلوقتى هابيعها ادامى اجيب شارك زيرو اول فة 138 ضمان الرواس
و ادامى جيتا مع حد اريبى 2009 70000 فتيس قديم مفهاش الهواه طالب 125000 المدام عايزه شارك زيرو و انا عايز جيتا اختﻻفى الوحيد على الشارك
العربيه نزله من غير abs فيها ايرباج واحده مفيهاش مسند يد اكنها 128 بجد مش عارف اعمل ايه افيدونى.... مستنى ردكم

**Mohamedjetta** · 16-05-2014 10:14 AM

يا باشا الجيتا بدون تردد وانا من ملاك الجيتا خليجي العربيه دي فعلا روعه وجميله وثبات ممتاز وفخامه وامان عالي اوي بس لو انت بتكره المطبات يبقي ابعدك عن الجيتا .... انا عندي بتحك ف اي مطب ( جنط 17) بس بخدها بعجلتين ومش بيحصل حاجه الحمدلله
انا جريت السنه اللي فاتت ف الصحراوي مع مرسيدس c180 2009 و اوكتافيا فانتزيا ... الحمدلله الجيتا شرفتني وكنت التاني وبتاع الفانتزيا التالت وكانت المنافسه بيني وبين الفانتزيا بالاخص ... طبعا المرسيدس كانت الاولي واعتقد كان معدي 200
المهم يعني لو انت محبي الجري وثبات و امان يبقي الجيتا
الشارك حلوه بس فاضيه اوي ومفهاش امان

**ahmedbasto** · 16-05-2014 12:05 PM

الجيتا طالما من حد معرفة يبقى اكيد افضل بكتير من الشارك

**TeMoON** · 16-05-2014 12:21 PM

الجيتا هتكون افضل طالما انت عارف العربية وصاحبها فا هتفرق معاك كتير عن الشارك لان انا شفت الشارك الفئة دى بجد سيئة جدا

**السعيد عيد** · 16-05-2014 12:25 PM

الجديد جديد مستعمل حتي لو بورش مستعمل وبعدين ياباشا عندك في فئه من 130 الي 140 حجات كتبر ووسائل راحه وامان عندك مثل بيجو301 هاي لاين 136 وروعه وكل وسائل الامان وعندك كيا سيرتو وعندك بروتون جين2 وعندك هيونداي النترا كوبيه وتيوتا ياريس حول تلف لفه وتتفرج علي العربيات الي ف الفئه ديه جديد احسن وتشوفه ع الطبيعه وتعرف انت محتاج انيو فيهم وخلك ف الجديد احسن والله لسا جيبين ميكروباص تيوتا مطلع عنين والعيوب مبتبش ع طول بتاخد فترهه

**tantan01240** · 16-05-2014 01:43 PM

المشاركة الأصلية كتبت بواسطة mohamedjetta

يا باشا الجيتا بدون تردد وانا من ملاك الجيتا خليجي العربيه دي فعلا روعه وجميله وثبات ممتاز وفخامه وامان عالي اوي بس لو انت بتكره المطبات يبقي ابعدك عن الجيتا .... انا عندي بتحك ف اي مطب ( جنط 17) بس بخدها بعجلتين ومش بيحصل حاجه الحمدلله
انا جريت السنه اللي فاتت ف الصحراوي مع مرسيدس c180 2009 و اوكتافيا فانتزيا ... الحمدلله الجيتا شرفتني وكنت التاني وبتاع الفانتزيا التالت وكانت المنافسه بيني وبين الفانتزيا بالاخص ... طبعا المرسيدس كانت الاولي واعتقد كان معدي 200
المهم يعني لو انت محبي الجري وثبات و امان يبقي الجيتا
الشارك حلوه بس فاضيه اوي ومفهاش امان

انا فعﻻ من محبى الجرى حضرتك بتقول الجيتا بتحك امال لو جيت ركبت معايا الكرستاله اوطى بكتير فى الجيتا انا سمعت الجنط ال 17 بيدبدب مع العفشه
ال 16 افضل منه فى حاجه كمان مهما انا لسه سال على قطع غيار الجيتا اﻻصلى اييييههه ده كل حاجه ارخص من اﻻنسر .

**tantan01240** · 16-05-2014 01:49 PM

المشاركة الأصلية كتبت بواسطة السعيد عيد

الجديد جديد مستعمل حتي لو بورش مستعمل وبعدين ياباشا عندك في فئه من 130 الي 140 حجات كتبر ووسائل راحه وامان عندك مثل بيجو301 هاي لاين 136 وروعه وكل وسائل الامان وعندك كيا سيرتو وعندك بروتون جين2 وعندك هيونداي النترا كوبيه وتيوتا ياريس حول تلف لفه وتتفرج علي العربيات الي ف الفئه ديه جديد احسن وتشوفه ع الطبيعه وتعرف انت محتاج انيو فيهم وخلك ف الجديد احسن والله لسا جيبين ميكروباص تيوتا مطلع عنين والعيوب مبتبش ع طول بتاخد فترهه

انا اتفق معاك الجديد جديد بس 70000 فى جيتا وﻻ حاجه وكمان هو موسوس اوى وكل صيانه فى التوكيل بس انا اختلف معاك اللى يركب يابانى ميعرفش ابدا يركب كورو
ده كفايه صوت الموتور الكورى اكيد هايروح على حاجه اعلى المانى ربنا يكرم

**Ahmed Saad** · 16-05-2014 02:01 PM

طبعا ياباشا الجيتا من دون نقاش حتى الركوبه جوه العربيتين مختلفه بس اهم حاجه انه يكون عامل صيانه 60000 في التوكيل اللي هيا تغير السيور وزيت الفتيس الاتوماتيك ولو عاملها فعلا توكل على الله فيها الجيتا دي هي والباسات لغاية 2009 آخر الرجال المحترمين من فولكس فاجن وربنا يوفقك للاصلح ت

**Mo3taz mostafa** · 16-05-2014 02:20 PM

جيتا طبعا

مع اخويا جولف5 هي هي الجيتا
طبعا حاجه جامده جدا

لو حالتها حلوه توكل على الله

**Mohamedjetta** · 16-05-2014 02:46 PM

المشاركة الأصلية كتبت بواسطة tantan01240

انا فعﻻ من محبى الجرى حضرتك بتقول الجيتا بتحك امال لو جيت ركبت معايا الكرستاله اوطى بكتير فى الجيتا انا سمعت الجنط ال 17 بيدبدب مع العفشه
ال 16 افضل منه فى حاجه كمان مهما انا لسه سال على قطع غيار الجيتا اﻻصلى اييييههه ده كل حاجه ارخص من اﻻنسر .

بص انا عندي 17 ومقرف فعلا مع الحفر وكده بس الصراحه مدي العربيه شكل شيك وسبورت اوي وكنت بفكر فعلا اركب 16 بس لقيت شكل العربيه هيبقي وحش اما حكايه المطبات لما الوالد كان بيسوقها طبعا ملهوش انه ياخد المطب بالعجلتين فكانت بتحك بطريقه تزعل اوي بس انا اكتر الاوقات بسوقها عشان بعرف اتعامل مع المطبات بس ولله فيه مطب ف الاسكندريه ف الدخيله لما باخده بعجلتين برضو بيحك اوي و لما تكون العربيه محمله برضو لو اخدته بعجلتين تحك والحمدلله ان العربيه مصفحه من تحت ... ع فكره هي مش بتحك من قدام دي بتحك من ورا نحيه تانك البنزين والشكمان او بتحك ف النص او ف الجمب
وانا عندي 2011 الشكل القديم 1600 dsg اللي الناس مجمعه انها معيوبه!!! ف الجير!!!!!!!!
ع فكره سيرفسها غالي حبتين ( التوكيل)
مبروك عليك مقدما