الموضوع: ارجو الافاده

المشاركة الأصلية كتبت بواسطة ahmedhero86

السلام عليكم ورحمه الله وبركاته
وعليكم السلام ورحمة الله وبركاته
انا جديد فى المنتدى
اهلا بك
انا ناوى ان شاء الله ااشترى عربيه مستعمله ومحتار بين موديلات كتير
ممكن حد يفدنى فى اختيار نوع سياره انا معايا من 40 الى 50
عاوز عربيه حنينه انا كان معايا فيرنا 2011 وبعتها من 3 سنين
ايه سبب البيع ؟ عيب فالعربيه ولا سبب تانى بعيد عن العربيه ؟؟
محتار فى اليابانى ولا الالمانى ولا الكورى
كرستاله - ابيزا 2002 - فيرنا تانى
عاوز حد يفدنى من حيث قطع الغيار والثبات والسرعه
الفيرنا و اكيد حضرتك عارف اسعار قطع الغيار رخيصه و منتشره جدا
الكرستاله و الأبيزا اغلى
انا عجبانى الابيزا شبابى وسحبها حلو وثابته بس خايف من قطع الغيار وعارف ان فى مصر بتنزل 1000 cc ومعظم الشباب بيسقطو ماتور 1400 بس خايف من قطع غيارها
بس 2002 موديل قديم 12 سنه
اما الكرستاله اى واحد بيقول عليها بيقول حكايه بس هى موديل 98 وخايف من الماتور والعمرة وقطع الغيار
تمام موديل قديم فعلا و اكيد هتحتاج صيانه و مصاريف
اما الفيرنا تعتبر اقتصاديه وكل حاجه فيها حلوة بس خفيفه
لو عايز تزود الثبات ركب جنوط مقاس 14 او 15 و كاوتش عريض - العربيه وزنها خفيف و ماتورها قوى
وسؤال فى الفيرنا هيه ممكن اجبلها ماتور جديد ولا لا بس نفس المكنه وشكرا
ماتور جديد ليه ؟؟ تقصد ماتور جديد بتاع فيرنا تانيه ؟؟؟
ارجو الافاده
ولكم جزيل الشكر