عامل البنزينه المسطول

**WalidAdel** · 11-10-2008 03:07 AM

المشاركة الأصلية كتبت بواسطة hanystar

هو أكيد دفع الفرق من جيبه
فياريت تعدى عليه فى أقرب وقت وتديله باقى الفلوس
لأنك متعرفش ظروفه إيه
و جل من لا يسهو يا سيدى

+1
عملتها قبل كده الحركه دي

**limo** · 11-10-2008 03:24 AM

طبعا العامل غلطان بس مين فينا مبغلطش
هوه ممكن من كتر الشغل نسى ولا حاجه
لو انت هتاخد بنزين اليومين الجالين دول روح المحطه تانى ولو ليقه اديله الفلوس وخلاص
لان الراجل مرماش البنزبن ده على الارض لأ ده حطه فى عربيتك يعنى كده كده هتستفيد بيه وده مش اول ولا اخر مره هتحط فيها بنزين

**onsi** · 11-10-2008 03:51 AM

هو فعلا العامل غلطان بس انتى غلط اكتر منة بكتير لان عامل البنزينة شغال فقط على التيبس وبدون مرتب ودة يعنى انك سيبتو يدفع التيبس بتاعة ثمن لغلطتة دة اذا كان اخذ تيبس اصلا ورجع لبيتة ولعيالة اذا كا متزوج من غير عشاء ... هاقولك اية دة يمكن يكون تمن دواء لابنة وفى الاخر انتى اخذت البنزين برضة فى عربيتك.

الحق بسرعة قبل ما يدعى عليك لان ربنا بيستجيب لدعوة المظلوم واديلوا الفلوس بتاعتة وكمان اعتذر لة.

**دموع الثلج** · 11-10-2008 04:01 AM

انت طالما بتسال انت صح ولا غلط

يبقى فى الاصل انك حاسس بالذنب وضميرك بيقولك انك احتمال تكون اتصرفت غلط
يعنى رده فعلك غلط على تصرف غلط

حضرتك لازم تروح ترجع للراجل ده فلوسسسسسسسسسسسسسسسه اللى اكيد دفعها لك من جيبه

واعتقد مش هتقبل شخص عامل بسيط يدفع لك من جيبه ثمن بنزين عربيتك

بلاش تعمل شوشره فى البنزينه يمكن لو مديره عرف يمشيه ويمكن هو دفع الفرق من سكات الله اعلم بيه

المهم انت خلص ضميرك وروح ادفع له الفرق وقوله معلش او اى شى طيب خاطره

**farafiroooo** · 11-10-2008 04:05 AM

ما يمكن الراجل مكنش معاه فلوس يدفع فرق البنزين واستغل انه علي حق ياجماعة
بس انا متاكد انه هيروح يدي الراجل الفلوس
وغير كدة الللي شغالين فالبنزينة مليوووووووون فالمية حصل معاهم الموقف ده اكتر وبيتسوى سواء من اجمالي التيبس او من جيب الراجل

**Bossy_Fadl** · 11-10-2008 07:10 AM

يا استاذ شودي مسطول ايه بس

الناس دي من كتر وقفتهم طول اليوم في الشمس و الحر و البرد و جميع الظروف المناخية بيبقو يا عيني خلاص مش شايفين قدامهم

و ضيف علي كده الارهاق و الكلام مع الزباين و تنضيف العربيات

و بعد كل ده هنيجي عليه عشان عيني طرفت ناحية الرقم الغلط؟

ده اكيد محتاج كل قرش في الفلوس اللي هتتخصم منه دي

و الا مكانش اشتغل في محطة بنزين

ياريت حضرتك ترجع و تحاسبه علي بقية الفلوس احسن

خصوصا انك اخدت بيهم البنزين فعلا

بتهيالي ده يبقي التصرف الصح

بوســـــي

**ibrahimsaad** · 11-10-2008 07:11 AM

المشاركة الأصلية كتبت بواسطة theking2690

بص يا باشا هو اه المفروض انوا كان يسمع كلامك و فى النقطه ديه هو غلطان انماكان المفروض تحاسبه على البنزين اللى اتحط لأن الناس ديه بتبقى غلابه جدا ومرتبه فيه كام عشره جنيه اصلا علشان يدفعها من جيبه ده غير كده كمان انت بتقبل على نفسك حاجه مش بتاعتك و مش من حقك جايز حصل غلط فى الموضوع انما البنزين الزياده كان المفروض تحاسب عليه و لو انت بتعدى على البنزينه ديه تانى ابقى روح حاسبهم على الفرق او تحط الفلوس فى الجامع ديه الصراحه وجهة نظرى جايز صح و جايز غلط

هو ده المفروض فعلا

فان كان الراجل غلط فلاتعامل غلطته بعقاب اشد اضافه الا استحلالك فلوس هى حرام

والقرش الحرام بيكنس الف حلال

**Dr. Elsaadani** · 11-10-2008 08:19 AM

طالما انتى اخذت البنزين يبقى سامحه ورد المبلغ لكن لو كررها معاك ابقى اقرصه علشان يصحى لشغله

**Karim_Mohy** · 11-10-2008 09:45 AM

bs ya man , hwa aked msh mota3amed el haraka de msh banzento ya3ny w msh mstanya el banzena el kam litre el zyada dool , fya reet tedelo el ba2y aknk kan asdk temawen 10 litre , msh far2a kter w rabna yebarklk

-

الموضوع: عامل البنزينه المسطول

LinkBack

أدوات الموضوع

عرض

-

-

-

-

المواضيع المتشابهه

عايز اعرف الى فى البنزينه بيغشو ولا لاء؟؟؟

عامل في عربيتي ....... , يا تري انت كمان عامل في عربيتك ايـه .... ؟؟؟

غسيل السانديرو فى البنزينه

الماروتى بتشرق فى البنزينه ؟؟؟؟؟؟؟؟ظ

.:احذروا عامل البنزين . و عامل المطعم . والكاشيير .(( بعض الطرق للغش ))..

الكلمات الدلالية لهذا الموضوع

المفضلات

المفضلات

ضوابط المشاركة