جل من لا يسهو
عرض للطباعة
جل من لا يسهو
طبعا هو غلطان
فموقفي هيكون بعد وصلة من التهزيق وتكبير الموضوع
(لو كان بيستعبط) :D
لكن لو مش قاصد وبيبان .. حصل خير عادي
وعايز اقول انه في جميع الاحوال المفروض الواحد يسيب مبلغ معين على جمب للطوارئ
روح رجع باقي الفلوس لنفس العامل ( مش للمحطة او لعامل آخر )...... اللي زي ده كفاية انك اديتله كلمتين في جنابه عشان يفوق .... لكن تحاسبة علي 10 جنية وتمشي وهو يتدبس في الباقي .... حرام طبعا
لو كنت مصمم تاخد بال 10 جنيه بس .... كنت خليته يجيب خرطوم ويشفط بية البنزين الزيادة اللي انت خدته .....
اسمع النصيحة ورجع الفلوس للعامل ... وما اعتقدش ان الفلوس دي تفرق معاك كتير ... لكن ده حق ولازم يرجع لصاحبه ....
دي مش حقك وربنا ح يحاسبك عليها ....
وَيَقُولُونَ يَا وَيْلَتَنَا مَالِ هَذَا الْكِتَابِ لاَ يُغَادِرُ صَغِيرَةً وَلاَ كَبِيرَةً إِلاَّ أَحْصَاهَا
المفروض انك توبخه شوية وخلاص لكن المفروض تروح لة البنزينة وتدي له الفلوس وتتاكد انه هوة مش حد من زمايله
ادفع الفلوس احسن و افضل انت لو كنت مرتاح ماكنتش سالتنا
شكرآ ليكم على الرد انا إن شاء الله لما امون تانى هدفع الفرق بس انا حبيت اسأل علشان كان حصلى كده مره و دفعت الفرق بس المره ديه مكنش معايا غير 50 جنيه فلو اديتلو 19 هيفضلى ايه فكنت لازم اعمل كده علشان كنت نازل مع الأصدقاء اجيب كارت نتورك و نازل بفلوسه بس
يا جماعة بجد الناس عمال البنزينات دوول بيتببهدلوا
انا كذا مرة ابقي مروح بالليل و ادخل البنزينة علشان احط بنزين .. ألاقي يا عيني الواد من دول واقف ينام علي روحة من الهدة ... علي الرغم من اني باستغلس حركاتهم ... الا اني صعب اعمل موقف زي ده
اعرف بس الاول الفلوس دي اتخصمت منه ولا لأ... علشان تعرف هاترجعهالوا هو ولا هاترجعها للبنزينة
تحياتي