عايز مركز صيانة 516 في اسكندرية. او رقم مهندس هشام من فور سيزون او اروح فين

السﻻم عليكم

الحمد لله جبت 516. 2011 الهاة ﻻين امبارح وكشفت عليها

قالولى اللي فيها ان جوان التكيهات بينقط زيت عالبوجيهات والعربية بترجرج لو زودت بنزين في الطلعه
ولمبة الاي بي اس منوره وجهاز الكمبيوتر مبيربطش عليه.. قالي جايز فيوز او حاجه كهربا عشان الجهاز مش مقرى مبيعملش كونكشن.. وحد تاني قالي سنفر حساس الايه بي اس
قلت خلى الايه بي اس بعدين

المهم جوان التكيهات والبوجيهات دول يكلفوا كام ؟؟ وايه اللي اعمله تاني عشان ابقي عملت سرفيس كامل
علما انها عامله 58الف كيلو.. وطبعا معرفش غير سير التقسيمه وﻻ ﻻ ؟ بينفع يتكشف عليه ويتشاف حالته وﻻ اعمل ايه دلوقتي اهم حاجه عشان الرجرجه دي تختفي

وشكرا جزيﻻ .. ياريت اى مركز صيانه بيفهم في اسبرانزا في اسكندرية ولو رقم تليفونه وكمان شغالين الجمعه وﻻ ﻻ ؟؟

تغيير جوان غطاء التاكيهات و البوجيهات مش هيكلف كتير يمكن فى حدود 200 بالتركيب ... هات بوجيهات بوش 3 شمعة دى احسن بوجيهات بتركب للعربية ... كان لازم تسأل صاحبها السابق غير سير وبلية الكاتينة ولا لا علشان كده معاد تغيرهم فات و سعرهم غالى شوية ومحتاج صنايعى كويس ... المفروض تغير زيت الموتور و تكشف على زيت الفتيس وتبص على التيل امامى وخلفى ... مشكلة الفرامل مع الكمبيوتر دى اول مره اسمعها من حد و يا رب حد يفيدك فيها ... اخيرا ربنا يباركلك فيها و جبتها على كام ؟

نمرة المهندس هشام 01284446656. وشغال يوم الجمعة عادى الاجازة الحد.ويالنسبة لل abs ممكن الحساس عاوز يتغير وسعره مش غالى على فكرة

الف شكر عالردود

رحت للمهندس هشام راجل محترم جدا وفاهم
الموضوع طلع ان سلك البوجيهات كان قصير مش بتاع العربية

وقالى من اول 2011 او نص 2010 المعدل يعني. السلك بتاعه اطول وهو نفس سلك الام 11 و التيجو

وغيرت البوجيهات. الدنيا بقت مية مية.. الحمد لله

جبتها ب 50 الحمد لله..

شكرا لكل من ساهم في ان اختار العربية دي. مبسوط بيها

وبالنسبة للبوابة قالي الافضل متتنضفش كنت بقوله نضفها

اقتباس:

---

المشاركة الأصلية كتبت بواسطة supertest

الف شكر عالردود

رحت للمهندس هشام راجل محترم جدا وفاهم
الموضوع طلع ان سلك البوجيهات كان قصير مش بتاع العربية

وقالى من اول 2011 او نص 2010 المعدل يعني. السلك بتاعه اطول وهو نفس سلك الام 11 و التيجو

وغيرت البوجيهات. الدنيا بقت مية مية.. الحمد لله

جبتها ب 50 الحمد لله..

شكرا لكل من ساهم في ان اختار العربية دي. مبسوط بيها

وبالنسبة للبوابة قالي الافضل متتنضفش كنت بقوله نضفها

---

الحمد لله طلعت مشكلة بسيطة ... قالك ايه على الايه بى اس؟

قالي اروح التوكيل اقولهم ان اللمبة لسا شغالة حاﻻ عشان يكشفوا عليه قالي لان مفيش كمبيوتر بيقرا الايه بي اس غير التوكيل..

وقالي هات التقرير وانا اعملك اللي بايظ فيه بنص التكلفه

وهغير سير تقسيمه احتياطي هيكلف بالمصنعية تقريبا 620 جنيه.

اسعاره حلوه و امين ومتعلم وفاهم

اقتباس:

---

المشاركة الأصلية كتبت بواسطة supertest

قالي اروح التوكيل اقولهم ان اللمبة لسا شغالة حاﻻ عشان يكشفوا عليه قالي لان مفيش كمبيوتر بيقرا الايه بي اس غير التوكيل..

وقالي هات التقرير وانا اعملك اللي بايظ فيه بنص التكلفه

وهغير سير تقسيمه احتياطي هيكلف بالمصنعية تقريبا 620 جنيه.

اسعاره حلوه و امين ومتعلم وفاهم

---

1000مبروك يادكتور
المهم تتاكد من جوده السير والبلي قبل التغيرر
ال ايه بي اس
مالوش علاقه بالجهاز او كمبيوتر الاعطال
الحساس محتاج كهربائي نضيف

هشام قالك روح التوكيل عشان يحدد فين العطل بالضبط وده لازم و بعد كده سهل ان شاء الله يغيرهولك.وتحت امر حضرتك ان شاء الله فى اى خدمة.هشام ده يبقى صاحبى الأنتيم من ايام الكلية من اكتر من 14 سنة يعنى.اه و صحيح متروحش غير توكيل محطة الرمل بتاع شارع كلية الطب عشان دول ال عندهم جهاز الشيرى الأصلى.واتصل احجز الأول قبليها يومين تلاتة احسن.

اقتباس:

---

المشاركة الأصلية كتبت بواسطة hugan

1000مبروك يادكتور
المهم تتاكد من جوده السير والبلي قبل التغيرر
ال ايه بي اس
مالوش علاقه بالجهاز او كمبيوتر الاعطال
الحساس محتاج كهربائي نضيف

---

الله يبارك فيك يارب..

هشوف كهربائى يشيك عالحساس كدا

هو قالي السير تغير بس مش معمول كويس وهتاكل منك بنزين كتير.. انا مش عارف اللي قبلي غيره امتى بس فمش عارف اعمله وﻻ اسيبه شوية

اقتباس:

---

المشاركة الأصلية كتبت بواسطة fourseasons

هشام قالك روح التوكيل عشان يحدد فين العطل بالضبط وده لازم و بعد كده سهل ان شاء الله يغيرهولك.وتحت امر حضرتك ان شاء الله فى اى خدمة.هشام ده يبقى صاحبى الأنتيم من ايام الكلية من اكتر من 14 سنة يعنى.اه و صحيح متروحش غير توكيل محطة الرمل بتاع شارع كلية الطب عشان دول ال عندهم جهاز الشيرى الأصلى.واتصل احجز الأول قبليها يومين تلاتة احسن.

---

فعﻻ قالي كده و مهندس محمد قالي الصفوة ممكن من غير حجز

طيب قولى يا باشا اقوله من طرف مين عشان يتوصى بيا ههههه
.. هشام محترم جدا بصراحه. الف شكر انك نصحتني بيه ودلتني عليه