الموضوع: ازاى بتتعامل مع جارك المشاكس؟

المشاركة الأصلية كتبت بواسطة بحار

شوف يادكتور واضح من الحركات اللى الراجل ده عملها معاك انه ( كشف ورقك ) بمعنى انك راجل محترم ومش بتاع مشاكل . ومعنى كده ان اى حاجه هاتعملها او هتقولها بنفسك مش هاتخيل علية فأنا رأيى انك تجيب كام راجل 5-6 عارفهم وواثق فيهم وياسلاااااام لو فيهم 2 شكلهم وحش وصوتهم عالى حتى فى الكلام العادى ( فيه مواصفات كده ) يندهو علية ويعرفوه انك بتشتكى منه من كذا وكذا وانك قريبهم ومش هايسبوه لو اشتكيت منه تانى . وصدقنى لو الموضوع اتعمل صح هايجيب ورا الاصناف دى تخاف ماتختشيش .. وكل مافوتله هايزيد اكتر

hah

باشا والله
انا بجد مبحبش المشاكل وعايز حد يوقفة عند حدة ويعرفة الصح من الغلط
ووالدى وحمايي هما الاتنين سياسيين لاقصى حد بون اى مشاكل.
يبقى لازم ندور على ابو صوت عالى وملامح حادة
دا مش صعب عليا لكن زى ما حضرتكم عالافيين سمعة الدكتور اهم حاجة فى شغلة
لكن لو الظروف حكمت عمرى ما هرجع لورا
لكن اقتراح حضرتك فعلا لاقى قبول عندى
لانة بالزوق والادب بدون اى ازى لكن هتعامل الشخص دة بالمثل وبدون شوشرة

انا ساكن فى عماره المفروض انها ملك جدى عليه رحمة الله
العماره دى دورين - اول دول متأجر (طبعا ايجار قديم ب 5 جنيه) و الدور الثانى خاص بالعائله
المشكله بقى اننا كنا عايشين فى اسيوط و مش بنيجي غير فى الاجازات - و بالتبعيه المستأجرين بقيو يتصرفو كأنهم اصحاب البيت
لغايه لما جيت انا فى سنه 2006 بسبب الشغل - طبعا حصلت مشاكل للصبح بسبب الموضوع ده
كانت غالبا مشاكل هايفه زى مثلا مفتاح المنور و انهم حقهم يبقى معاهم نسخه منه زى زمان
طبعا الكلام ده هايف بس الموضوع كله اثبات سيطره

و بعد كده قسمنا البيت بين الورثه (اعمامى) و كل واحد بداء يبيع الشقق اللى فى نصيبه او يبنى و يبيع
الا انا فضلت انى ابنى و اقعد فى الشقه اللى بنيتها

و طبعا اول لما بداء موضوع بيع الشقق بدائت مشاكل من نوع تانى - حيث ان كل "مالك" شقه من اللى اشترو من عمامى دخل البيت كإنه شريك فيه
فمثلا واحد منهم اتخانق معايا علشان انا ما استأذنش منه (قالها بالنص) قبل البدئ فى بناء الدور بتاعى !!
وواحد تانى داخل و بيتخانق علشان عاوز يعدل فى شكل بوابه البيت و يهد كمره ديكور (على حد تعبيره) و يعمل بوابه جديده (طبعا التكاليف حتتوزع على السكان كلهم - بس المبداء انه عاوز يفرض كده علينا)
و اخر اقتطع جزء من السلم و ضمه الى شقته
.... الخ

و طبعا كل ده على دماغى لوحدى و ماحدش بيقول "صاحب البيت" غير لما بتحصل مشكله ولا حاجه و انا اصلا مش باخد ابيض و لا اسود من البيت (غير 60 جنيه سنويا مجموع ايجار احدى الشقق المستأجره و بطلعهم ذكاء عن والدى )

المشاركة الأصلية كتبت بواسطة khaled_sabry

انا ساكن فى عماره المفروض انها ملك جدى عليه رحمة الله
العماره دى دورين - اول دول متأجر (طبعا ايجار قديم ب 5 جنيه) و الدور الثانى خاص بالعائله
المشكله بقى اننا كنا عايشين فى اسيوط و مش بنيجي غير فى الاجازات - و بالتبعيه المستأجرين بقيو يتصرفو كأنهم اصحاب البيت
لغايه لما جيت انا فى سنه 2006 بسبب الشغل - طبعا حصلت مشاكل للصبح بسبب الموضوع ده
كانت غالبا مشاكل هايفه زى مثلا مفتاح المنور و انهم حقهم يبقى معاهم نسخه منه زى زمان
طبعا الكلام ده هايف بس الموضوع كله اثبات سيطره

و بعد كده قسمنا البيت بين الورثه (اعمامى) و كل واحد بداء يبيع الشقق اللى فى نصيبه او يبنى و يبيع
الا انا فضلت انى ابنى و اقعد فى الشقه اللى بنيتها

و طبعا اول لما بداء موضوع بيع الشقق بدائت مشاكل من نوع تانى - حيث ان كل "مالك" شقه من اللى اشترو من عمامى دخل البيت كإنه شريك فيه
فمثلا واحد منهم اتخانق معايا علشان انا ما استأذنش منه (قالها بالنص) قبل البدئ فى بناء الدور بتاعى !!
وواحد تانى داخل و بيتخانق علشان عاوز يعدل فى شكل بوابه البيت و يهد كمره ديكور (على حد تعبيره) و يعمل بوابه جديده (طبعا التكاليف حتتوزع على السكان كلهم - بس المبداء انه عاوز يفرض كده علينا)
و اخر اقتطع جزء من السلم و ضمه الى شقته
.... الخ

و طبعا كل ده على دماغى لوحدى و ماحدش بيقول "صاحب البيت" غير لما بتحصل مشكله ولا حاجه و انا اصلا مش باخد ابيض و لا اسود من البيت (غير 60 جنيه سنويا مجموع ايجار احدى الشقق المستأجره و بطلعهم ذكاء عن والدى )

معلشى انا بعدت شويه عن الموضوع بس خليني احكى عن اكتر شخصيه قرفانى فى البيت بتاعنا
واحد المفروض انه طبيب اطفال عنده تقريبا 50 سنه - ساكن فى نفس الشارع بتاعنا و داخل علينا بقال الله و قال الرسول و مربى دقن خفيفه و لغايه دلوقتى (بعد 3 سنين من شرائه للشقه) ماشفتهوش غير بالجلابيه مع انه المفروض دكتور
و اشترى الشقه من عمى بغرض ان ابنه يتجوز فيها (زى مابيقول) و كانت الشقه دى الدور الثالث (اخر دور قبل مانعلى )
- و كان كل لما يشوفنى مصادفه فى اى حته يقف و يكلمنى عن البيت بالساعه و الساعه و نص و يقولى (عاوزين نعمل كذا و كذا و المفروض كنتو عملتو كذا و كذا ... ) كإنه خايف على مصلحة البيت على الرغم انه بيرفض يدفع ال 3 جنيه نصيبه فى تسليك المجارى لو اتسدت
- بمجرد ما اشترى الشقه بدإت الشكاوى من الجيران بإنه بيتسلل للبيت فى الفجر و اكتر من سيده فى البيت لمحته بيتلصص عليها !!!!!! انا بصراحه ماقدرشى ااكد او انفى لإن شبابيكي مش مجروحه منه
ده لكن الكلام ده اتقال من ستات الشقتين المجروحين منه
هو المفروض انه قافل الشقه لكن اكتشفت فيما بعد انه بيقعد فى الشقه يوميا من 3 الفجر و الناس نايمه و بيخرج منها الساعه 10 او 11 الصبح و مش بينور النور نهائى علشان كده ماحدش كان بيحس بيه و يادوب عرفت الموضوع ده لما الشقق اللى اشتكت انه بيتلصص عليهم !!!
- كان فى الاول كلنا شغالين على عداد ميه واحد عمومى و فلوسه بتتقسم على السكان كلهم , هو بقى رفض انه يدفع نصيبه فى فلوس المياه بحجة انه قافل الشقه و مش بيستهلك الميه , و علشان يسكت باقى السكان عمل لنفسه عداد جديد مع الاحتفاظ بالوصلات القديمه على العداد المشترك و استهلاكه للمياه لايزال من العداد المشترك حتى اليوم و العداد الجديد واقف على قرايه 0005 من 3 سنوات و طبعا السكان بيشدو شعرهم منه و انا شخصيا عملت لنفسى عداد جديد علشان لاقيتهم بيصدرونى فى مواجهة بإعتبارى صاحب البيت !!
- شويه و لاقيته اقتطع جزء من السلم و ضمه للشقه
- شويه تانى و لاقيته بيستغل المنور كمخزن لحاجات كراكيب عنده (كان فى وقتها معاه مفتاح المنور و انا كنت مكبر دماغى قبل ما اغير المفتاح)
- لغايه لما طلعنا الرخصه و حنعلى طلع يتخانق معايا و يحاول يمنعنى و تطور الموضوع لضرب و المقاول و الصنايعيه هما اللى بيفضو بينا ( خناقه بين مهندس و دكتور )
و من ساعتها مابقاش فيه كلام بينا - و بصراحه انا كده سعيد جدااا بالخصام ده على الرغم انى عرفت انه وسط اكتر من واحد علشان يصالحنا
بس بصراحه هو معرفته بتجيب المشاكل - وهو اصلا عاوز مصالحه علشان يرجع بينا الكلام زى الاول و يقدر ينفذ اى حاجه يعوزها من خلالى

- بشكل عام هو لغايه الناهرده بيرفض يدفع اى فلوس فى مصاريف البيت سواء كانت (ميه - نظافه - تسليك مواسير و مجارى - اى حاجه فى الصيانات الطارئه) و لو اى حد خبط على شقته و هو فيها مش بيرد و مش بيرد على اتصالات الموبيل لإى حد من سكان العماره !!!!
- و استمر اسلوبه ده حتى بعد ما اخته سكنت فى الشقه لمده كام شهر و بعد كده سابتها لإنها اكتر من مره بتلاقيه يدخل الشقه فى الفجر و هما نايمين و يتطلع الى بنت اخته الشابه و هى نايمه - و الجزئيه دى هى اللى قالتها (اخته) بعد ما مراتى اتعرفت عليها و ده بيؤكد موضوع اختلاسه للنظر السابق ذكره

المشاركة الأصلية كتبت بواسطة khaled_sabry

معلشى انا بعدت شويه عن الموضوع بس خليني احكى عن اكتر شخصيه قرفانى فى البيت بتاعنا
واحد المفروض انه طبيب اطفال عنده تقريبا 50 سنه - ساكن فى نفس الشارع بتاعنا و داخل علينا بقال الله و قال الرسول و مربى دقن خفيفه و لغايه دلوقتى (بعد 3 سنين من شرائه للشقه) ماشفتهوش غير بالجلابيه مع انه المفروض دكتور
و اشترى الشقه من عمى بغرض ان ابنه يتجوز فيها (زى مابيقول) و كانت الشقه دى الدور الثالث (اخر دور قبل مانعلى )
- و كان كل لما يشوفنى مصادفه فى اى حته يقف و يكلمنى عن البيت بالساعه و الساعه و نص و يقولى (عاوزين نعمل كذا و كذا و المفروض كنتو عملتو كذا و كذا ... ) كإنه خايف على مصلحة البيت على الرغم انه بيرفض يدفع ال 3 جنيه نصيبه فى تسليك المجارى لو اتسدت
- بمجرد ما اشترى الشقه بدإت الشكاوى من الجيران بإنه بيتسلل للبيت فى الفجر و اكتر من سيده فى البيت لمحته بيتلصص عليها !!!!!! انا بصراحه ماقدرشى ااكد او انفى لإن شبابيكي مش مجروحه منه
ده لكن الكلام ده اتقال من ستات الشقتين المجروحين منه
هو المفروض انه قافل الشقه لكن اكتشفت فيما بعد انه بيقعد فى الشقه يوميا من 3 الفجر و الناس نايمه و بيخرج منها الساعه 10 او 11 الصبح و مش بينور النور نهائى علشان كده ماحدش كان بيحس بيه و يادوب عرفت الموضوع ده لما الشقق اللى اشتكت انه بيتلصص عليهم !!!
- كان فى الاول كلنا شغالين على عداد ميه واحد عمومى و فلوسه بتتقسم على السكان كلهم , هو بقى رفض انه يدفع نصيبه فى فلوس المياه بحجة انه قافل الشقه و مش بيستهلك الميه , و علشان يسكت باقى السكان عمل لنفسه عداد جديد مع الاحتفاظ بالوصلات القديمه على العداد المشترك و استهلاكه للمياه لايزال من العداد المشترك حتى اليوم و العداد الجديد واقف على قرايه 0005 من 3 سنوات و طبعا السكان بيشدو شعرهم منه و انا شخصيا عملت لنفسى عداد جديد علشان لاقيتهم بيصدرونى فى مواجهة بإعتبارى صاحب البيت !!
- شويه و لاقيته اقتطع جزء من السلم و ضمه للشقه
- شويه تانى و لاقيته بيستغل المنور كمخزن لحاجات كراكيب عنده (كان فى وقتها معاه مفتاح المنور و انا كنت مكبر دماغى قبل ما اغير المفتاح)
- لغايه لما طلعنا الرخصه و حنعلى طلع يتخانق معايا و يحاول يمنعنى و تطور الموضوع لضرب و المقاول و الصنايعيه هما اللى بيفضو بينا ( خناقه بين مهندس و دكتور )
و من ساعتها مابقاش فيه كلام بينا - و بصراحه انا كده سعيد جدااا بالخصام ده على الرغم انى عرفت انه وسط اكتر من واحد علشان يصالحنا
بس بصراحه هو معرفته بتجيب المشاكل - وهو اصلا عاوز مصالحه علشان يرجع بينا الكلام زى الاول و يقدر ينفذ اى حاجه يعوزها من خلالى

- بشكل عام هو لغايه الناهرده بيرفض يدفع اى فلوس فى مصاريف البيت سواء كانت (ميه - نظافه - تسليك مواسير و مجارى - اى حاجه فى الصيانات الطارئه) و لو اى حد خبط على شقته و هو فيها مش بيرد و مش بيرد على اتصالات الموبيل لإى حد من سكان العماره !!!!
- و استمر اسلوبه ده حتى بعد ما اخته سكنت فى الشقه لمده كام شهر و بعد كده سابتها لإنها اكتر من مره بتلاقيه يدخل الشقه فى الفجر و هما نايمين و يتطلع الى بنت اخته الشابه و هى نايمه - و الجزئيه دى هى اللى قالتها (اخته) بعد ما مراتى اتعرفت عليها و ده بيؤكد موضوع اختلاسه للنظر السابق ذكره

الله يعينك
اللى يشوف بلاوى الناس تهون علية بلوتة