لو جارك انت شايفة مشاكس ومبيعرفس الاصول والزوق العام لو حصل حوار بينكم ازاى بتعاملة؟؟؟
يعنى بتبدأ بالزعيق ولا سياسة لابعد مدى ولا شكوى رسمية ولا معاملة بالمثل؟؟
ولو فية تجارب يا ريت تفضفضوا معانا علشان نستفيد.
عرض للطباعة
لو جارك انت شايفة مشاكس ومبيعرفس الاصول والزوق العام لو حصل حوار بينكم ازاى بتعاملة؟؟؟
يعنى بتبدأ بالزعيق ولا سياسة لابعد مدى ولا شكوى رسمية ولا معاملة بالمثل؟؟
ولو فية تجارب يا ريت تفضفضوا معانا علشان نستفيد.
حق الجار ده موجود بره مصر قريبتى قاعده فى اوربا تتفرج على حق الجار زى ما الكتاب بيقول وبالقانون تخيل انك متقدرش تعلى الكاسيت لعلو معين والا بالقانون الشرطه تبقى فى البيت عندك شوف حق عدم الازعاج اللى من ابسط الحقوق
اما فى مصر فحسب المنطقه اللى انت فيها تتدرج المستويات من الحوار حتى البلطجه
. . . . . .
حق الجار ..حقوق الجار...الكلمة دى انا سمعتها فين ..وسمعتها امتى ..مش فاكر...ربنا يقويك على ما ابتليت به.
يعنى المعاملة ازاى ؟
ياريت نتعلم من بعض
انا فى انتظار ارأكم وخبراتكم...
موش فاهم حضرتك مشاكس يعني ايه بيتلكك علشان يعمل مشكله و يعلي صوته ولا ايه عموما لو بتاع مشاكل خده براحه مره و اتنين و تلاته الرابعه لو عندك صحه اديله على دماغه و لو موش عندك صحه اشتكيه و اعمل محضر عدم تعرض
المعاملة بالمثل
الناس مبقتش تعرف الاصول ولا حق الجار
اسأل مجررررررررررررررررررررررر رررررب
طبيعي ان المعاملة بالمثل
ولكن بحدود بردوا
ابتدى معاه بالحسنى وشهد عليه بقيت الجيران لو تمادى يبقى تعلى صوتك و تزعق وتعملو قعده وتبقو كلكو عليه لغاية ما يتهد ويحترم نفسه
قولنا مشاكس فى ايه
ايه المواقف اللى بتحصل
يعنى مثلا بيركن ميكروباص قدام باب العمارة فى وسط الطريق علشان يمنع حد يعدى وينزل زى النطع يحرك الميكروباص
اكتشف انة مركب كهرباء شقتة على عدادى وبياخد منى كهرباء بقاله شهريين
الراجل دة هو صاحب الارض وانا بنيت دوريين واشتريت منة 3 شقق
شقتين فى الارضى وشقة فى التانى وهو هيسكن فى الشقة اللى قدامى
لسة معملش عداد خدمات بالرغم من انة واخد فلوسة كاملة
حافر خزان مياه جنب العمارة ولسة مغطهوش والناس كل شوية ترمى زباله والخزان يتملى وفضيتة مرتيين قبل كدة وهو ولا فى دماغة وانا لو عايز اعمل مشكلة كبيرة هبلغ البيئة يعملوا محضر
هؤللك على حاجه حلوة قوى اكتشفتها الجار بيبقى حريص قوى من الجار اللى مواصفاته كالاتى : كلامه قليل - ميعرفش عنه حاجة ( وظيفته مثلا ) - لو تنك حبتين يبقى كويس قوى - احيانا كشر أو لابس وش خشب ..
اما الكارثة اللى تضيعك وأقوللك مع السلامة اشوف حقك بخير مع الجيران دول لو مواصفاتك كالتالى : على وشك ابتسامه دايما - متواضع - بترمى السلام على جار عدى جنبك قبل كده وطنشك - تتباسط مع الجميع فيسألوك عن شؤنك الخاصة وتجاوب .
أنا مش بقول ان ده الصح ولكن للأسف ده بيجيب نتيجه كويسة مع الناس اليومين دول !!!
حاول انك تعزل من شقتك لان شكله كده لبط وبلطجي وده مش حيمشي معاه الا العافيه وقلة الادب ودي شكلها مش بتاعتك يا اما باذوق تجمعو مجموعه من الجيران وتحددو معاه معا د وتشتكولو من اللى بيعملو بالعقل منفعش يبقى الحل التاني اللي هو قلة الادب والجعير بس ده متعملوش لوحدك يعني لازم تلم عليه لمة لا اله الا الله من الشارع وتحقوه وتمنعوه عن افعاله بالعقل. او بالعافيه او تبيع وتعزل لان العنف اخرته وحشه وما يضمنش وخاصه اذا كنت مش محترف
تسلم يا باشا واحلى حتة بتاعه مش محترف هههه جامدة
والله لو على قلة الادب اسهل حاجة بس فى الاخر الكل بيخسر
وصعب انى اسيب بيتى ومركزى اللى دافع فيهم دم قلبى علشان واحد حقود
ان شاء الله هيلبس بمزاجة او غصب عنة فى شر اعماله
وانا بحب افضفض واخد رأى الاخوة
وشكرا لردودك المتميزة
شوف يادكتور واضح من الحركات اللى الراجل ده عملها معاك انه ( كشف ورقك ) بمعنى انك راجل محترم ومش بتاع مشاكل . ومعنى كده ان اى حاجه هاتعملها او هتقولها بنفسك مش هاتخيل علية فأنا رأيى انك تجيب كام راجل 5-6 عارفهم وواثق فيهم وياسلاااااام لو فيهم 2 شكلهم وحش وصوتهم عالى حتى فى الكلام العادى ( فيه مواصفات كده ) يندهو علية ويعرفوه انك بتشتكى منه من كذا وكذا وانك قريبهم ومش هايسبوه لو اشتكيت منه تانى . وصدقنى لو الموضوع اتعمل صح هايجيب ورا الاصناف دى تخاف ماتختشيش .. وكل مافوتله هايزيد اكتر
طب انا ليا جار مركب حديدتين تحت البيت بيركن فيهم عربيته وحاجز مكان حتى لو عربيته مش موجودة يا عم يهديك يرضيك ما يصحش ..مش عاوز
المعامله بالحسني
hah
باشا والله
انا بجد مبحبش المشاكل وعايز حد يوقفة عند حدة ويعرفة الصح من الغلط
ووالدى وحمايي هما الاتنين سياسيين لاقصى حد بون اى مشاكل.
يبقى لازم ندور على ابو صوت عالى وملامح حادة
دا مش صعب عليا لكن زى ما حضرتكم عالافيين سمعة الدكتور اهم حاجة فى شغلة
لكن لو الظروف حكمت عمرى ما هرجع لورا
لكن اقتراح حضرتك فعلا لاقى قبول عندى
لانة بالزوق والادب بدون اى ازى لكن هتعامل الشخص دة بالمثل وبدون شوشرة
انا ساكن فى عماره المفروض انها ملك جدى عليه رحمة الله
العماره دى دورين - اول دول متأجر (طبعا ايجار قديم ب 5 جنيه) و الدور الثانى خاص بالعائله
المشكله بقى اننا كنا عايشين فى اسيوط و مش بنيجي غير فى الاجازات - و بالتبعيه المستأجرين بقيو يتصرفو كأنهم اصحاب البيت
لغايه لما جيت انا فى سنه 2006 بسبب الشغل - طبعا حصلت مشاكل للصبح بسبب الموضوع ده
كانت غالبا مشاكل هايفه زى مثلا مفتاح المنور و انهم حقهم يبقى معاهم نسخه منه زى زمان
طبعا الكلام ده هايف بس الموضوع كله اثبات سيطره
و بعد كده قسمنا البيت بين الورثه (اعمامى) و كل واحد بداء يبيع الشقق اللى فى نصيبه او يبنى و يبيع
الا انا فضلت انى ابنى و اقعد فى الشقه اللى بنيتها
و طبعا اول لما بداء موضوع بيع الشقق بدائت مشاكل من نوع تانى - حيث ان كل "مالك" شقه من اللى اشترو من عمامى دخل البيت كإنه شريك فيه
فمثلا واحد منهم اتخانق معايا علشان انا ما استأذنش منه (قالها بالنص) قبل البدئ فى بناء الدور بتاعى !!
وواحد تانى داخل و بيتخانق علشان عاوز يعدل فى شكل بوابه البيت و يهد كمره ديكور (على حد تعبيره) و يعمل بوابه جديده (طبعا التكاليف حتتوزع على السكان كلهم - بس المبداء انه عاوز يفرض كده علينا)
و اخر اقتطع جزء من السلم و ضمه الى شقته
.... الخ
و طبعا كل ده على دماغى لوحدى و ماحدش بيقول "صاحب البيت" غير لما بتحصل مشكله ولا حاجه و انا اصلا مش باخد ابيض و لا اسود من البيت (غير 60 جنيه سنويا مجموع ايجار احدى الشقق المستأجره و بطلعهم ذكاء عن والدى )
معلشى انا بعدت شويه عن الموضوع بس خليني احكى عن اكتر شخصيه قرفانى فى البيت بتاعنا
واحد المفروض انه طبيب اطفال عنده تقريبا 50 سنه - ساكن فى نفس الشارع بتاعنا و داخل علينا بقال الله و قال الرسول و مربى دقن خفيفه و لغايه دلوقتى (بعد 3 سنين من شرائه للشقه) ماشفتهوش غير بالجلابيه مع انه المفروض دكتور
و اشترى الشقه من عمى بغرض ان ابنه يتجوز فيها (زى مابيقول) و كانت الشقه دى الدور الثالث (اخر دور قبل مانعلى )
- و كان كل لما يشوفنى مصادفه فى اى حته يقف و يكلمنى عن البيت بالساعه و الساعه و نص و يقولى (عاوزين نعمل كذا و كذا و المفروض كنتو عملتو كذا و كذا ... ) كإنه خايف على مصلحة البيت على الرغم انه بيرفض يدفع ال 3 جنيه نصيبه فى تسليك المجارى لو اتسدت
- بمجرد ما اشترى الشقه بدإت الشكاوى من الجيران بإنه بيتسلل للبيت فى الفجر و اكتر من سيده فى البيت لمحته بيتلصص عليها !!!!!! انا بصراحه ماقدرشى ااكد او انفى لإن شبابيكي مش مجروحه منه
ده لكن الكلام ده اتقال من ستات الشقتين المجروحين منه
هو المفروض انه قافل الشقه لكن اكتشفت فيما بعد انه بيقعد فى الشقه يوميا من 3 الفجر و الناس نايمه و بيخرج منها الساعه 10 او 11 الصبح و مش بينور النور نهائى علشان كده ماحدش كان بيحس بيه و يادوب عرفت الموضوع ده لما الشقق اللى اشتكت انه بيتلصص عليهم !!!
- كان فى الاول كلنا شغالين على عداد ميه واحد عمومى و فلوسه بتتقسم على السكان كلهم , هو بقى رفض انه يدفع نصيبه فى فلوس المياه بحجة انه قافل الشقه و مش بيستهلك الميه , و علشان يسكت باقى السكان عمل لنفسه عداد جديد مع الاحتفاظ بالوصلات القديمه على العداد المشترك و استهلاكه للمياه لايزال من العداد المشترك حتى اليوم و العداد الجديد واقف على قرايه 0005 من 3 سنوات و طبعا السكان بيشدو شعرهم منه و انا شخصيا عملت لنفسى عداد جديد علشان لاقيتهم بيصدرونى فى مواجهة بإعتبارى صاحب البيت !!
- شويه و لاقيته اقتطع جزء من السلم و ضمه للشقه
- شويه تانى و لاقيته بيستغل المنور كمخزن لحاجات كراكيب عنده (كان فى وقتها معاه مفتاح المنور و انا كنت مكبر دماغى قبل ما اغير المفتاح)
- لغايه لما طلعنا الرخصه و حنعلى طلع يتخانق معايا و يحاول يمنعنى و تطور الموضوع لضرب و المقاول و الصنايعيه هما اللى بيفضو بينا ( خناقه بين مهندس و دكتور )
و من ساعتها مابقاش فيه كلام بينا - و بصراحه انا كده سعيد جدااا بالخصام ده على الرغم انى عرفت انه وسط اكتر من واحد علشان يصالحنا
بس بصراحه هو معرفته بتجيب المشاكل - وهو اصلا عاوز مصالحه علشان يرجع بينا الكلام زى الاول و يقدر ينفذ اى حاجه يعوزها من خلالى
- بشكل عام هو لغايه الناهرده بيرفض يدفع اى فلوس فى مصاريف البيت سواء كانت (ميه - نظافه - تسليك مواسير و مجارى - اى حاجه فى الصيانات الطارئه) و لو اى حد خبط على شقته و هو فيها مش بيرد و مش بيرد على اتصالات الموبيل لإى حد من سكان العماره !!!!
- و استمر اسلوبه ده حتى بعد ما اخته سكنت فى الشقه لمده كام شهر و بعد كده سابتها لإنها اكتر من مره بتلاقيه يدخل الشقه فى الفجر و هما نايمين و يتطلع الى بنت اخته الشابه و هى نايمه - و الجزئيه دى هى اللى قالتها (اخته) بعد ما مراتى اتعرفت عليها و ده بيؤكد موضوع اختلاسه للنظر السابق ذكره
مبعاملوش اصلا