تسريب مياة من ثلاجة التكييف رجاء المساعدة
السلام عليكم رجالة الدايو
حضراتكم أنا عندى مشكلة ححكيم عليها انا شحنت فريون التكييف من يومين ةكمان غيرت كويل علوى تكييف وعشان انا لبخة ماليش فى الفك والشغل اليدوى قلت للصنايعى ينظفلى ثلاجة التكييف كان نفسى اعملها زى الاستاذ مصطفى ظريف لكن ما باليد حيلة الاستاذ راح فاكك ماتور المروحة وفك مسامير الثلاجة وقام حاشر كمبروسر الهوا وحط فى صابون من قدام بين الفبرتيين وليس من الجانب الايمن خمس دقايق وقالى كلة تمام وقفل واستمتعت بالتكييف لمدة يوم واحد وبعد كدا وانا ماشى لاقيت مؤشر الحرارة على منى رحت راكن وسبتها تبرد وجبتلى انا حاجة ساقعة المهم روحت البيت بالعافية ودخلتها الجراش تانى يوم وجدت الاتى :-
1- تنفيط أسفل السيارة من عند الشكمان كدا ومن مزراب ثلاجة التكييف
2- لا يوجد مياة فى علبة الريدياتير فاضية
3- يوجد مياة فى الصالون جهه الراكب الايمن بجوار السائق
ياريت نصايحكم عشان حروح بكرة لبتاع التكييف بكرة ان شاء الله وربنا يلطف وتطلع حاجة بسيطة واليكم بعض الصور للمشكلة
