الموضوع: مين الصح & ومين الغلط

المشاركة الأصلية كتبت بواسطة abou-yahia

لما كلنا بنشتكي من بعض

يبقه مين الوحش فينا

حضرتك احنا عينة صغيرة اوى من المجتمع ومش عشوائية يعنى معظمنا ملاك سيارات أغلبنا على قدر كبير من التعليم لكن مفيش هنا سواقين ميكروباصات ولا تكاتك ولا ظباط فاسدين ولا معظم الفئات اللى تاعبة الناس من عيشتها هنا
اكيد فينا ناس بتغلط احنا نفسنا بقا يبقى فى قانون بيطبق على الكل (و بالكل قصدى من اول رئيس الجمهورية لحد عامل النظافة ) و علينا احنا قبليهم ساعتها حتى الوحش مش هيعرف يبقى وحش

لكن نفضل نقول العيب فينا احنا دة معلش مسكن بنديه لنفسنا عشان نبرر بيه الانحطاط المجتمعى اللى بقينا فيه

هاهاها
فكرتونى بنفسى يوم ما عملت غلطة عمرى و رجعت مصر تانى
الى هيسافر برة العالم العربى كله هيعرف يعنى ايه تبقى بنى ادم و يعنى ايه اخلاق و الله هتشوفوا ناس افقر من عندنا بكتير و سبحان الله على الاخلاق و الطيبة و الاحترام
على فكرة احنا عايشين احسن بكتير من شعوب تانية ماديا بس اجتماعيا و اخلاقيا هما متطورين عنا بكتير فى دول الى يمتلك فيها شقة ٥٠ متر يبقى غنى بجد بس ما شاء الله على النظافة و النظام و الاحترام
تحس كده و انت ماشى ان الناس مبسوطة و تسلم عليك دون معرفة سابقة و تبتسم فى وشك و تصحى الصبح بدرى تتشمى فى الجنينة الى جنب بيتك. او تجرى رياضة و تقابل وشوش سعيدة و بعد كده تركب المترو على شغلك قمة فى النظام و النضافة و توصل الشغل فى ميعادك و ترجع مبسوط على شقتك الصغيرة و تلاقى جارك الاجنبى يخبط عليك علشان يرحب بيك دى كانت اول سنة فى حياتى برة العالم العربى كله
طب حد يسالنى احنا ليه بنتبدل هنا فى مصر السبب بسيط
انك لا تستيطع ان تعيش حملا وسط قطيع من الذئاب فاما ان تختفى عنهم و اما ان تصبح مثلهم
طبعا بره مش الجنة الموعودة و هتتعب اضعاف تعبك فى مصر بس التعب هناك ليه نتيجة او كنت شاطر هتنجح و لو كنت نص نص هتعيش نص نص المشكلة فى مصر ان غالبا لو كنت شاطر و عندك ضمير هتفشل و لو كنت نص نص ممكن تبقى حاجة كويسة اما بقى لو فاشل بس من اهل الثقة يبقى يا بطل ضمنت مستقبلك و كل الى عليك انك توافق على الحاجة الى انت اصلا. مش فاهمها و هب هتترقى و تجيلك الفلوس و العربية و الشقة و يمكن الفيلا طبعا انا مش بعمم بس معظم تجربتى فى مصر كده لو فاهم و بتقول الحق يبقى ملكش عيش فى البلد دى

البيت اللي مفيهوش صايع ، حقه ضايع
الهجرة هي الحل