وإحنا نعرف إزاي إن الزيت ده معتمداه الشركة ؟؟
عرض للطباعة
احتمال تلاقي اسم مواصفة الشركة مكتوب على العبوة...
والأكيد إنك تلاقي المواصفات المعتمدة من الشركات مكتوبة في صفحة الزيت على الإنترنت... ولازم تتأكد إنها متوافقة مع المكتوب في الكتالوج.. ﻹن كل شركة ليها كذا مواصفة.
ولو ما لقيتهاش لا هنا ولا هنا... ما تشتريهوش
...
كلمة واحده
الزيوت اما موبيل او شيل
لا يعلوا عليهم
الباقي بقى كلهم كبر مخك
الاصل هو الموبيل
يليه مباشرة الشيل
مهندس برعي كلامك مظبوط جدا
في ناس فعلا مبتختارش الزيت المناسب لعربياتها
لان سبيكة الموتور لازم زيت معين حسب توصيات صانع السيارة هو ادري واحد بيها
متحاولش تفتي
متحاولش تجتهد
خد المواصفة لو العبوة تنطبق عليها نفذ فورا ولو مانطبقتش عليها لو زيت ببلاش متاخدوش
ده اللي بقالي سنين بقول فيه وتعبت
طب مانا جربتزيوت اوروبي او اللي بيتقال عليها اوروبي فمصر مالكتالوج وطلعت زبالة الزباله وعشان كده حزت كتير مالمنتجات مجهولة الهويه او اللي ملهاس وكيل او اللي وكيلها نصاب
لا انت جربت زيت غلط وغير مطابق لمواصفات عربيتك وترجع تقول وكيل نصاب وبتحذر
هو مش ذنبه انك مقريتش الكاتالوج
انك اشتريت بعد ما سئلت علي صفحتهم
هو عندة كذا منتج هايديلك الاقرب
لكن انت اللي راكب عربية لازم تعرف احتياجاتها
هي لو عربيتك لازم 92 اوكتين وسئلت عامل بنزين ينفع 80 وقالك ماشي وحطيت وكسر البستم
هاترجع تقول موبيل ولا شيل اصحاب البنزينة ضحكو عليا ونصابين
اعرف متطلبات عربيتك كويس قوي
نفس الكلام ينطبق علي قطع الغيار بالظبط
وانت جايب التاكد دا منين انت تعرفني اصلا عشان تقول انت حطيت زيت غلط ولا صح يا اخي انا ادري بعربيتي وعارف ايه الصح مالغلط هوه في حد اصلا يدخل زيوت مصر بقالها اكتر من سنتين ومجهولج المصدر وبعدين معلش اسمحلي هما المستوردين جايبين الزيت دا من اوروبا علي حسب كلامك بالسعر داازاي يا راجل دا اسعار شلل وموبل اللي بيتعبي محلي اغلي منهم مش غريبه شويه خللي بالك فموضوع الزيوت دا بالذات انا بحسبلوا الف حساب من ناس دي شغلتها مش مالنت
عوزين رد يا كبير
أ . كريم منير - معروف عن حضرتك انك بتدقق في مواصفات وجود الزيوت وان مصلحة الأعضاء اهم من اي شيء .
طيب علشان نتوصل الي نتيجة ان الزيوت زي ( وولفر وولف وزادو ... وغيرهم ) زيوت اصلية ومعتمدة فعلاً ... هما بيدعوا ان الزيوت دي معتمدة من api ... يبقي اكيد الزيوت دي مسجلة ،، فهل ممكن انك تخاطب المعهد دا وتعرف اذا كانت الزيوت دي معتمدة ام لا ، أو اذا كانت البيانات دي موجود علي الموقع بتاعهم ممكن حضرتك تنشرها هنا ، وزيادة في التأكيد وبعد ما نتأكد من كون الزيوت دي معتمدة ، نخاطب الشركات نفسها ونتأكد من حقيقة وجود موزعينها في مصر .