عرض للطباعة
تحيالتى لكل اعضاء منتدى دايو وكل عام وانتم بخير
انا بسمع زنه جوا الصالون والعربيه دايره ولما قربت وسمعت من على الشلته الخلفيه لقيت الزنه منها وبعدين فكتها لقيت فى زنه من فوق الطبق بتاع طرمبة البنزين فهل دا طبيعى ان الطرمبه تزن والعربيه دايره علما بن بشم علطول ريحة بنزين نى
ده كده قلب الطرمبة فيه حاجة
الموضوع ده انا شوفته قبل كده عند ميدو و لما طارق فكها لقينا جواها طين و لما نضف الطرمبة الزنه راحت
ريحة البنزين دى تقريبا الجوان بتاع الطرمبة نشف و عايز يتغير
لا مش طبيعي الزنة بتبقي باين اول ثانيتين وانت بتفتح الكونتاك بعدين بتروح
لو الزنه مع فتح الكونتاك و بتسكت بعد ثواني قبل الدواره تبقى طلمبه البنزين طبيعيه
ولو استمرت بعد دوران المحرك تبقى الطلمبه بايظه
هى الزنه دى موجوده على طول وبانت اكتر لما فكيت الشلته بتاعت الكنبه لاقيت فى زنه مسموعه فهل كده الطرمبه بايظه ولا ممكن يتعملها صيانه وتشتغل عادى وهل ريحة الدخنه دى منها
فلتر الطرمبة الداخلي لو نظفته واستمرة الزنة يبقي كده قلب الطرمبة باظ وعايز يتغيير وبسرعة علشان متعملهاش معاك في الطريق
لازم تغير طلمبة البنزين بسرعة لانها كده بتودع وهاتلاقيها فجاة وقفت منك ومش هاتشتغل (حصلت معاية)نصيحة غيرها على طول الموضوع مالهوش علاقة بالفلتر بتاعها الموضوع ان الموتور بتاعها بيودع وهايقف منك فجاة
Sent from my samsung GT-I9152 using Forum Runner
كدة الطلمبه بتودع انت بقى تعمل الاتى
اوﻻ : تفك قلب الطلمبة و تحطه فى كوباية فيها بنزين و توصله ارضى و كهربا كأنه راكب بالظبط بس تعكس يا جميل يعنى الارضى بدل الكهربا و الكهربا بدل اﻻرضى الطلمبة هتلف بالعكس و هى فى البنزين هتﻻقى طينه نزلت بالهبل تملى كوباية البنزين و بكده تبقى الطلمبة نضفت تماما كانها جديده و تشتغل لمده طويله كويسة
ثانيا : اشترى قلب احتياطى و خليه معاك علشان لو عملتها فجأه تغيرها
لو عاوز تشوف الموضوع ده عملى بالصور ادخل على قسم سيات فى المثبت محمد اخويا منسق القسم عامله
طب انا يا جماعه لسه مركب الموتور مبقلوش اسبوع جديد نوفى نوع اسمه دنسوووووووووو يابانى
وعندى نفس المشكله والميكانيكى قالى علشان الموتور ده شديد ونوعه كويس وانا مش مصدقه الحقيقه اعمل ايه دلوقتى ارووح ارجعه ولا ايه
الماتور المعروف والشائع استخدامه البوش الالمانياقتباس:
المشاركة الأصلية كتبت بواسطة elhamy80
الموتور الى قبل ده كان بوووش والمانى وكان ب 220 جنيه ومكملشى تلات شهور وقطع خالص ميه ونووور على المحووراقتباس:
المشاركة الأصلية كتبت بواسطة far!d
فيه بوش كتير مضروب فى السووووق
ريح دماغك وهات طرمبة اصلى مالهوش لازمة موضوع الماتور ده وكده كده انت دفعت تمن طلمبة جديدةاقتباس:
المشاركة الأصلية كتبت بواسطة elhamy80
Sent from my samsung GT-I9152 using Forum Runner
الف شكر لكل الردود بس انا كده حيران اغير الطرمبه ولا اعمل صيانه وتنظيف ليها انهارده محمد عبده قالى حاجه غريبه انى اضيف نصف كيلو زيت بور مع التفويله وبكده تقضى على الزنه دى فهل ده صح مش عارف
لا طبعا لازم تغير الطلمبةاقتباس:
المشاركة الأصلية كتبت بواسطة Mohamedmaree91
Sent from my samsung GT-I9152 using Forum Runner
كلامي تاني
نضف فلتر الطرمبة الداخلي لو استمر الصوت غير القلب
واضيف هات القلب اما من ابو الحسن او توكيل ngk في المعادي شارع الجزائر
شكرا ليك يا استاذ طارق ولكل الاعضاء وهبدا بتنظيف فلتر الطرمبه