عرض للطباعة
معروض عليا عربيه بي ام دبليو ام فورتي 316 هي حاله شاذه وغريبه العربيه لسه فابريكه جايه من المانيا عدادها عامل 8000 بس ودا الغريب هو الراجل بيقول انها كانت مركونه وكل حاجه فيها فابريكه المهم هو عاوز 75 الف جنيه السؤال ايه رايكم في العربيه لو كان الكلام ده صحيح وهل السعر مناسب ولا غالي مع العلم اني كنت ناوي اشتري النترا زيرو
اركب انترا زيرو ولا بي ام دبليو موديل 90 بالحاله اللي وصفتها الله يخليكم فيدوني بسرعه
بصراحه بيتهيألى انها غاليه خصوصا ان العربيات ذات السعه اللتريه الكبيره رخصت نتيجة غلاء البنزين والضريبه بس طبعا البى ام عربيه محترمه كفايه انها المانى بس قارن بصوره تانيه
1- البنزين ومعدل استهلاكه هيكون كبير لان الموتور على ما اعتقد 2000 سى سى
2- قطع الغيار الالمانى اكيد اغلى من قطع غيار الكورى
فحضرتك خد الحاجات دى فى الحسبان وقرر بعد التفكير وان شاء الله ربنا يوفقك للاختيار الاحسن والمناسب ليك ان شاء الله
اكيد العربيه دي قالبه او مغيره عداد
انا انصحك اركب زيرو طبعا
بلاش تاخد العربيه دى لعدة اسباب
الموتور دا 1600 و المكن دا من اول 88 الى 94 وحش ( 316 و 318 )
غاليه قوى قوى قوى انت ممكن تجيب دبانه حالتها نضيفه قوى بال 75
بس قطع غيار البى ام معمره اكتر من الكورى
فى الثبات و قوة البى ام يكسب
انا عامتا و دا رأى شخصى مبحبش الكورى لله فى لله
مش عارف !!!
الكلام مش مريحني كده
ابعد عن الشر و غنيله
شوفلك دبانة بالتمن ده و تكون عارف أولها من أخرها
والله يا رجاله انا فعلا متشكر بس القي الدبانه اللي حالتها نضيفه فين
انزل سوق مدينة نصر يوم الجمعه و الاحد
حتلاقى كتير و اهم حاجه شوف المكنه متسقطه ولا مكنتها
لو مسقطه تأكد من تغير الكرونه و الفتيس و لو كانت 4 سليندر و مسقط 6 سليندر تأكد من تغير العفشه و الطنابير بالفرامل بتوع 6 سليندر
و اهم حاجه الحرق بتاع المكنه اتأكد انها بتحرق تمام
سيبك منها دى شكلها حوار و الأحسن تفكر زى ما أنت فى الزيرو بس انا برضه ما بحبش الهيونداى لله فى لله.
ممتازة بس غالية اوي وخد في الاعتبار سعر اعادة البيع
مفيش اكتر من الدبان فى مصر
ههههههههههههههههه مزحه
بالتوفيق