لما سواق الميكروباص يخبط عربيه الشرطه

**تامر.محمد** · 17-05-2014 02:40 AM

عندنا مشكلتين
الاولى اننا عايشين في غابة سببها ظابط الشرطة ده
لو سواق المكروباص سحل بتاع ملاكي ، الطبيعي انه ما يعملش كده خوفا من الشرطة ، لكن الشرطة بتحمي نفسها بس

ثانيا ، لأننا في نفس الغابة ، فظابط الشرطة لو عمل اللي عمله ده في مواطن واحد ايا كان مستواه الاجتماعي ، يبقى بقى مسموح له يعمل كده مع الكل ، و هو و مزاجه بقى ، و ده اللي مش قادرين نتعلمه لحد دلوقت

بالبلدي عشان اللي بيتضايق من الكلكعة ، ضابط الشرطة مسك السواق رنه العلقة التمام ، ايه الجديد ؟ سواق المكروباص هياخد باله اوي من عربيات الشرطة بعد كده
و عربياتنا ؟ لا جديد طبعا ، اعمل اللي انت عايزه و لو نطق المطواه في التابلوه و شكرا

لا قادرين نحدد مين دوره ايه ولا قادرين نحدد مين حقه ايه

Sent from my GT-N7000 using Forum Runner

**ashouhdy** · 17-05-2014 02:58 AM

الي تامر

معترض تماما محاولة القاء اللوم و السلام علي ضابط الشرطة وبس

انا يوميا بشوف في الشارع ضباط كتير بيؤدي واجبهم من اول الكماين لحد الخناقات العادية اللي الناس

محاولة صنع المثالية متنفعش مع ناس عيارها فلت وسواق الميكروباص دة اتعلم الادب وحيفكر الف مرة يتخانق ليجي ضابط شرطة يظبطة

الناس (مش انت) عمالة هايصة عالنت الان بصراحة افترا وبس علي ضباط الشرطة بس لاهداف سياسية

صديقي (ضابط) وعندة طفل سنتين عاي فكرة واسرة برضوا لسة متاخد رصاصة في فخذة من مجرمين في برج العرب كانوا بيثبتوا عربية ملاكي فيها اسرة . مينفعش التعميم وادخال الفكر السياسي في اي مشاركة تخص الشرطة او القانون او القضاء عامة كدة

**lanos2004** · 17-05-2014 04:39 AM

منطق غريب فى التفكير
وفيه شماته وفرح لانه جاى على هواك

**dolly13** · 17-05-2014 05:04 AM

قبل الصورة كنت الوم على الشرطة طريقة تعاملهم مع البشر
وبعد الثورة وما شاهدناه من انفلات عذرتهم
والان لا ارى مايمنع من تطبيق القانون على ضابط الشرطة والبلطجى واى بنى ادم مصرى
ماذا كان يضير الضابط لو فقط نفذ القانون بدون تجاوزات حتى مع سواق الميكروباص

**ENG.MaRk** · 17-05-2014 08:10 AM

بغض النظر عن إن سواقين الميكروباص بلطجية إلا إن الشرطة في ختمة الشعب ( ختمة مقصودة )

**ah-elgendy** · 17-05-2014 09:12 AM

-انا كنت مبسوط وانا بتفرج وحاسس بشماته فى السواق وبقول اااااااحسن يا روح ......... علشان هما فعلا فئه عاوزه الحرق
وبعدها فكرت فى طريقه معامله الظابط وقولت طب افرض انا اللى كنت خبطه ؟ واقول لأ المفروض مكنش اتعامل معاه كده امال ثوره ايه اللى عملنها
-بعدين ارجع اقول طب لو انا اللى خبط سواق الميكروباص كان هيعلمنى ازاى اكيد كانت هتبقى خناقه وياعالم ايه اللى هيحصل
-طب لو كان الظابط واقف والسواق ده خبط ملاكى كان هيبقى عنده نفس رد الفعل ولا موقفه كان دفعااااا عن البدله
بس انا شايف بعد ما فكرت كتير فى اللى حصل ان الشرطه تعامل كل فئه باسلوبهااااااا وتتدافع عن الفئه اللى مش بتعرف تاخد حقها بدرعهااااا مش نفسها بس وياريت يتنفذ مشروع احلال الميكروباص علشان انا مش عارف ازاى المكيروباص الترامكو ده بيترخص لحد دلوقتى

**ahmedfathi** · 17-05-2014 12:05 PM

سواقين الميكروباص نصهم بلطجيه والباقى مسجلين خطر وتلات ترباعم ممعاهمش رخصه سواقه اصلا

وانا مبسوط من اللى عمله الضابط وياريت يجى هنا يربى سواقين خط المرج - المطريه والمرج - الف مسكن ويعمل نفس اللى عمله ده